| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪৮৬. মহাউক্কুসজাতকং (৩)
486. Mahāukkusajātakaṃ (3)
৪৪.
44.
মিত্তং সহাযঞ্চ ৰদেহি সেনক, আচিক্খ ঞাতিব্যসনং দিজানং॥
Mittaṃ sahāyañca vadehi senaka, ācikkha ñātibyasanaṃ dijānaṃ.
৪৫.
45.
পজা মমং খাদিতুং পত্থযন্তি, লুদ্দা চিলাচা 9 ভৰ মে সুখায॥
Pajā mamaṃ khādituṃ patthayanti, luddā cilācā 10 bhava me sukhāya.
৪৬.
46.
মিত্তং সহাযঞ্চ করোন্তি পণ্ডিতা, কালে অকালে সুখমেসমানা 11।
Mittaṃ sahāyañca karonti paṇḍitā, kāle akāle sukhamesamānā 12;
করোমি তে সেনক এতমত্থং, অরিযো হি অরিযস্স করোতি কিচ্চং॥
Karomi te senaka etamatthaṃ, ariyo hi ariyassa karoti kiccaṃ.
৪৭.
47.
যং হোতি কিচ্চং অনুকম্পকেন, অরিযস্স অরিযেন কতং তযীদং 13।
Yaṃ hoti kiccaṃ anukampakena, ariyassa ariyena kataṃ tayīdaṃ 14;
অত্তানুরক্খী ভৰ মা অদয্হি 15, লচ্ছাম পুত্তে তযি জীৰমানে॥
Attānurakkhī bhava mā adayhi 16, lacchāma putte tayi jīvamāne.
৪৮.
48.
তৰেৰ 17 রক্খাৰরণং করোন্তো, সরীরভেদাপি ন সন্তসামি।
Taveva 18 rakkhāvaraṇaṃ karonto, sarīrabhedāpi na santasāmi;
৪৯.
49.
অত্থায কুররো পুত্তে, অড্ঢরত্তে অনাগতে॥
Atthāya kuraro putte, aḍḍharatte anāgate.
৫০.
50.
চুতাপি হেকে 27 খলিতা সকম্মুনা, মিত্তানুকম্পায পতিট্ঠহন্তি।
Cutāpi heke 28 khalitā sakammunā, mittānukampāya patiṭṭhahanti;
৫১.
51.
ধনেন ধঞ্ঞেন চ অত্তনা চ, মিত্তং সহাযঞ্চ করোন্তি পণ্ডিতা।
Dhanena dhaññena ca attanā ca, mittaṃ sahāyañca karonti paṇḍitā;
করোমি তে সেনক এতমত্থং, অরিযো হি অরিযস্স করোতি কিচ্চং॥
Karomi te senaka etamatthaṃ, ariyo hi ariyassa karoti kiccaṃ.
৫২.
52.
অপ্পোস্সুক্কো তাত তুৰং নিসীদ, পুত্তো পিতু চরতি অত্থচরিযং।
Appossukko tāta tuvaṃ nisīda, putto pitu carati atthacariyaṃ;
অহং চরিস্সামি তৰেতমত্থং, সেনস্স পুত্তে পরিতাযমানো॥
Ahaṃ carissāmi tavetamatthaṃ, senassa putte paritāyamāno.
৫৩.
53.
অদ্ধা হি তাত সতমেস ধম্মো, পুত্তো পিতু যং চরে 33 অত্থচরিযং।
Addhā hi tāta satamesa dhammo, putto pitu yaṃ care 34 atthacariyaṃ;
অপ্পেৰ মং দিস্ৰান পৰড্ঢকাযং, সেনস্স পুত্তা ন ৰিহেঠযেয্যুং॥
Appeva maṃ disvāna pavaḍḍhakāyaṃ, senassa puttā na viheṭhayeyyuṃ.
৫৪.
54.
পুত্তা মমট্টা গতিমাগতোস্মি, ত্ৰং নোসি রাজা ভৰ মে সুখায॥
Puttā mamaṭṭā gatimāgatosmi, tvaṃ nosi rājā bhava me sukhāya.
৫৫.
55.
করোমি তে সেনক এতমত্থং, আযামি তে তং দিসতং ৰধায।
Karomi te senaka etamatthaṃ, āyāmi te taṃ disataṃ vadhāya;
কথঞ্হি ৰিঞ্ঞূ পহু সম্পজানো, ন ৰাযমে অত্তজনস্স গুত্তিযা॥
Kathañhi viññū pahu sampajāno, na vāyame attajanassa guttiyā.
৫৬.
56.
মিত্তঞ্চ কযিরাথ সুহদযঞ্চ 39, অযিরঞ্চ কযিরাথ সুখাগমায।
Mittañca kayirātha suhadayañca 40, ayirañca kayirātha sukhāgamāya;
নিৰত্থকোচোৰ 41 সরেভিহন্ত্ৰা, মোদাম পুত্তেহি সমঙ্গিভূতা॥
Nivatthakocova 42 sarebhihantvā, modāma puttehi samaṅgibhūtā.
৫৭.
57.
সকমিত্তস্স কম্মেন, সহাযস্সাপলাযিনো।
Sakamittassa kammena, sahāyassāpalāyino;
কূজন্তমুপকূজন্তি , লোমসা হদযঙ্গমং॥
Kūjantamupakūjanti , lomasā hadayaṅgamaṃ.
৫৮.
58.
মিত্তং সহাযং অধিগম্ম পণ্ডিতো, সো ভুঞ্জতী পুত্ত পসুং ধনং ৰা।
Mittaṃ sahāyaṃ adhigamma paṇḍito, so bhuñjatī putta pasuṃ dhanaṃ vā;
অহঞ্চ পুত্তা চ পতী চ ময্হং, মিত্তানুকম্পায সমঙ্গিভূতা॥
Ahañca puttā ca patī ca mayhaṃ, mittānukampāya samaṅgibhūtā.
৫৯.
59.
রাজৰতা সূরৰতা চ অত্থো, সম্পন্নসখিস্স ভৰন্তি হেতে।
Rājavatā sūravatā ca attho, sampannasakhissa bhavanti hete;
সো মিত্তৰা যসৰা উগ্গতত্তো, অস্মিংধলোকে 43 মোদতি কামকামী॥
So mittavā yasavā uggatatto, asmiṃdhaloke 44 modati kāmakāmī.
৬০.
60.
করণীযানি মিত্তানি, দলিদ্দেনাপি সেনক।
Karaṇīyāni mittāni, daliddenāpi senaka;
৬১.
61.
এৰং সো সুখিতো হোতি, যথাহং ত্ৰঞ্চ সেনকাতি॥
Evaṃ so sukhito hoti, yathāhaṃ tvañca senakāti.
মহাউক্কুসজাতকং ততিযং।
Mahāukkusajātakaṃ tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪৮৬] ৩. মহাউক্কুসজাতকৰণ্ণনা • [486] 3. Mahāukkusajātakavaṇṇanā
