| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
429. மஹாஸுவஜாதகங் (3)
429. Mahāsuvajātakaṃ (3)
20.
20.
து³மோ யதா³ ஹோதி ப²லூபபன்னோ, பு⁴ஞ்ஜந்தி நங் விஹங்க³மா 1 ஸம்பதந்தா;
Dumo yadā hoti phalūpapanno, bhuñjanti naṃ vihaṅgamā 2 sampatantā;
கீ²ணந்தி ஞத்வான து³மங் ப²லச்சயே 3, தி³ஸோதி³ஸங் யந்தி ததோ விஹங்க³மா.
Khīṇanti ñatvāna dumaṃ phalaccaye 4, disodisaṃ yanti tato vihaṅgamā.
21.
21.
சர சாரிகங் லோஹிததுண்ட³ மாமரி, கிங் த்வங் ஸுவ ஸுக்க²து³மம்ஹி ஜா²யஸி;
Cara cārikaṃ lohitatuṇḍa māmari, kiṃ tvaṃ suva sukkhadumamhi jhāyasi;
ததி³ங்க⁴ மங் ப்³ரூஹி வஸந்தஸன்னிப⁴, கஸ்மா ஸுவ ஸுக்க²து³மங் ந ரிஞ்சஸி.
Tadiṅgha maṃ brūhi vasantasannibha, kasmā suva sukkhadumaṃ na riñcasi.
22.
22.
யே வே ஸகீ²னங் ஸகா²ரோ ப⁴வந்தி, பாணச்சயே 5 து³க்க²ஸுகே²ஸு ஹங்ஸ;
Ye ve sakhīnaṃ sakhāro bhavanti, pāṇaccaye 6 dukkhasukhesu haṃsa;
கீ²ணங் அகீ²ணந்தி ந தங் ஜஹந்தி, ஸந்தோ ஸதங் த⁴ம்மமனுஸ்ஸரந்தா.
Khīṇaṃ akhīṇanti na taṃ jahanti, santo sataṃ dhammamanussarantā.
23.
23.
ஸோஹங் ஸதங் அஞ்ஞதரொஸ்மி ஹங்ஸ, ஞாதீ ச மே ஹோதி ஸகா² ச ருக்கோ²;
Sohaṃ sataṃ aññatarosmi haṃsa, ñātī ca me hoti sakhā ca rukkho;
தங் நுஸ்ஸஹே ஜீவிகத்தோ² பஹாதுங், கீ²ணந்தி ஞத்வான ந ஹேஸ த⁴ம்மோ 7.
Taṃ nussahe jīvikattho pahātuṃ, khīṇanti ñatvāna na hesa dhammo 8.
24.
24.
ஸாது⁴ ஸக்கி² கதங் ஹோதி, மெத்தி ஸங்ஸதி ஸந்த²வோ 9;
Sādhu sakkhi kataṃ hoti, metti saṃsati santhavo 10;
ஸசேதங் த⁴ம்மங் ரோசேஸி, பாஸங்ஸோஸி விஜானதங்.
Sacetaṃ dhammaṃ rocesi, pāsaṃsosi vijānataṃ.
25.
25.
ஸோ தே ஸுவ வரங் த³ம்மி, பத்தயான விஹங்க³ம;
So te suva varaṃ dammi, pattayāna vihaṅgama;
வரங் வரஸ்ஸு வக்கங்க³, யங் கிஞ்சி மனஸிச்ச²ஸி.
Varaṃ varassu vakkaṅga, yaṃ kiñci manasicchasi.
26.
26.
வரஞ்ச மே ஹங்ஸ ப⁴வங் த³தெ³ய்ய, அயஞ்ச ருக்கோ² புனராயுங் லபே⁴த²;
Varañca me haṃsa bhavaṃ dadeyya, ayañca rukkho punarāyuṃ labhetha;
ஸோ ஸாக²வா ப²லிமா ஸங்விரூள்ஹோ, மது⁴த்தி²கோ திட்ட²து ஸோப⁴மானோ.
So sākhavā phalimā saṃvirūḷho, madhutthiko tiṭṭhatu sobhamāno.
27.
27.
தங் பஸ்ஸ ஸம்ம ப²லிமங் உளாரங், ஸஹாவ தே ஹோது உது³ம்ப³ரேன;
Taṃ passa samma phalimaṃ uḷāraṃ, sahāva te hotu udumbarena;
ஸோ ஸாக²வா ப²லிமா ஸங்விரூள்ஹோ, மது⁴த்தி²கோ திட்ட²து ஸோப⁴மானோ.
So sākhavā phalimā saṃvirūḷho, madhutthiko tiṭṭhatu sobhamāno.
28.
28.
ஏவங் ஸக்க ஸுகீ² ஹோஹி, ஸஹ ஸப்³பே³ஹி ஞாதிபி⁴;
Evaṃ sakka sukhī hohi, saha sabbehi ñātibhi;
யதா²ஹமஜ்ஜ ஸுகி²தோ, தி³ஸ்வான ஸப²லங் து³மங்.
Yathāhamajja sukhito, disvāna saphalaṃ dumaṃ.
29.
29.
ஸுவஸ்ஸ ச வரங் த³த்வா, கத்வான ஸப²லங் து³மங்;
Suvassa ca varaṃ datvā, katvāna saphalaṃ dumaṃ;
பக்காமி ஸஹ ப⁴ரியாய, தே³வானங் நந்த³னங் வனந்தி.
Pakkāmi saha bhariyāya, devānaṃ nandanaṃ vananti.
மஹாஸுவஜாதகங் ததியங்.
Mahāsuvajātakaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [429] 3. மஹாஸுவஜாதகவண்ணனா • [429] 3. Mahāsuvajātakavaṇṇanā
