| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
4. махаасуд̣̇ассанажарияаа
4. Mahāsudassanacariyā
28.
28.
‘‘гусаавад̇имхи наг̇арз, яад̣̇аа аасим̣ махийбад̇и;
‘‘Kusāvatimhi nagare, yadā āsiṃ mahīpati;
махаасуд̣̇ассано наама, жаггавад̇д̇ий махаб̣б̣ало.
Mahāsudassano nāma, cakkavattī mahabbalo.
29.
29.
‘‘д̇ад̇т̇аахам̣ д̣̇ивасз д̇игкад̇д̇ум̣, гхосаабзми д̇ахим̣ д̇ахим̣;
‘‘Tatthāhaṃ divase tikkhattuṃ, ghosāpemi tahiṃ tahiṃ;
‘го гим̣ ижчад̇и бад̇т̇зд̇и, гасса гим̣ д̣̇ийяад̇уу д̇ханам̣.
‘Ko kiṃ icchati pattheti, kassa kiṃ dīyatū dhanaṃ.
30.
30.
‘‘‘го чаад̇аго го д̇асид̇о, го маалам̣ го вилзбанам̣;
‘‘‘Ko chātako ko tasito, ko mālaṃ ko vilepanaṃ;
наанаарад̇д̇аани вад̇т̇аани, го наг̇г̇о барид̣̇ахиссад̇и.
Nānārattāni vatthāni, ko naggo paridahissati.
31.
31.
‘‘‘го бат̇з чад̇д̇амаад̣̇зд̇и, гобааханаа муд̣̇уу субхаа’;
‘‘‘Ko pathe chattamādeti, kopāhanā mudū subhā’;
ид̇и сааяан̃жа баад̇о жа, гхосаабзми д̇ахим̣ д̇ахим̣.
Iti sāyañca pāto ca, ghosāpemi tahiṃ tahiṃ.
32.
32.
‘‘на д̇ам̣ д̣̇асасу таанзсу, наби таанасад̇зсу ваа;
‘‘Na taṃ dasasu ṭhānesu, napi ṭhānasatesu vā;
анзгасад̇атаанзсу, бадияад̇д̇ам̣ яаажагз д̇ханам̣.
Anekasataṭhānesu, paṭiyattaṃ yācake dhanaṃ.
33.
33.
‘‘д̣̇иваа ваа яад̣̇и ваа рад̇д̇им̣, яад̣̇и зд̇и ваниб̣б̣аго;
‘‘Divā vā yadi vā rattiṃ, yadi eti vanibbako;
лад̣̇д̇хаа яад̣̇ижчагам̣ бхог̇ам̣, буурахад̇т̇ова г̇ажчад̇и.
Laddhā yadicchakaṃ bhogaṃ, pūrahatthova gacchati.
34.
34.
‘‘зваруубам̣ махаад̣̇аанам̣, ад̣̇аасим̣ яааваж̇ийвигам̣;
‘‘Evarūpaṃ mahādānaṃ, adāsiṃ yāvajīvikaṃ;
набаахам̣ д̣̇зссам̣ д̇ханам̣ д̣̇амми, наби над̇т̇и нижаяо маяи.
Napāhaṃ dessaṃ dhanaṃ dammi, napi natthi nicayo mayi.
35.
35.
‘‘яат̇ааби аад̇уро наама, рог̇ад̇о баримуд̇д̇ияаа;
‘‘Yathāpi āturo nāma, rogato parimuttiyā;
д̇ханзна взж̇ж̇ам̣ д̇аббзд̇ваа, рог̇ад̇о баримужжад̇и.
Dhanena vejjaṃ tappetvā, rogato parimuccati.
36.
36.
‘‘д̇ат̇зваахам̣ ж̇аанамаано, барибуурзд̇умасзсад̇о;
‘‘Tathevāhaṃ jānamāno, paripūretumasesato;
уунаманам̣ буураяид̇ум̣, д̣̇зми д̣̇аанам̣ ваниб̣б̣агз;
Ūnamanaṃ pūrayituṃ, demi dānaṃ vanibbake;
нираалаяо абажжаасо, самб̣од̇химанубад̇д̇ияаа’’д̇и.
Nirālayo apaccāso, sambodhimanupattiyā’’ti.
махаасуд̣̇ассанажарияам̣ жад̇уд̇т̇ам̣.
Mahāsudassanacariyaṃ catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 4. махаасуд̣̇ассанажарияааван̣н̣анаа • 4. Mahāsudassanacariyāvaṇṇanā
