| Library / Tipiṭaka / ਤਿਪਿਟਕ • Tipiṭaka / ਪੇਤવਤ੍ਥੁਪਾਲ਼ਿ • Petavatthupāḷi |
੯. ਮਹਾਪੇਸਕਾਰਪੇਤਿવਤ੍ਥੁ
9. Mahāpesakārapetivatthu
੫੪.
54.
‘‘ਗੂਥਞ੍ਚ ਮੁਤ੍ਤਂ ਰੁਹਿਰਞ੍ਚ ਪੁਬ੍ਬਂ, ਪਰਿਭੁਞ੍ਜਤਿ ਕਿਸ੍ਸ ਅਯਂ વਿਪਾਕੋ।
‘‘Gūthañca muttaṃ ruhirañca pubbaṃ, paribhuñjati kissa ayaṃ vipāko;
ਅਯਂ ਨੁ ਕਿਂ ਕਮ੍ਮਮਕਾਸਿ ਨਾਰੀ, ਯਾ ਸਬ੍ਬਦਾ ਲੋਹਿਤਪੁਬ੍ਬਭਕ੍ਖਾ॥
Ayaṃ nu kiṃ kammamakāsi nārī, yā sabbadā lohitapubbabhakkhā.
੫੫.
55.
‘‘ਨવਾਨਿ વਤ੍ਥਾਨਿ ਸੁਭਾਨਿ ਚੇવ, ਮੁਦੂਨਿ ਸੁਦ੍ਧਾਨਿ ਚ ਲੋਮਸਾਨਿ।
‘‘Navāni vatthāni subhāni ceva, mudūni suddhāni ca lomasāni;
ਦਿਨ੍ਨਾਨਿ ਮਿਸ੍ਸਾ ਕਿਤਕਾ 1 ਭવਨ੍ਤਿ, ਅਯਂ ਨੁ ਕਿਂ ਕਮ੍ਮਮਕਾਸਿ ਨਾਰੀ’’ਤਿ॥
Dinnāni missā kitakā 2 bhavanti, ayaṃ nu kiṃ kammamakāsi nārī’’ti.
੫੬.
56.
‘‘ਭਰਿਯਾ ਮਮੇਸਾ ਅਹੂ ਭਦਨ੍ਤੇ, ਅਦਾਯਿਕਾ ਮਚ੍ਛਰਿਨੀ ਕਦਰਿਯਾ।
‘‘Bhariyā mamesā ahū bhadante, adāyikā maccharinī kadariyā;
ਸਾ ਮਂ ਦਦਨ੍ਤਂ ਸਮਣਬ੍ਰਾਹ੍ਮਣਾਨਂ, ਅਕ੍ਕੋਸਤਿ ਚ ਪਰਿਭਾਸਤਿ ਚ॥
Sā maṃ dadantaṃ samaṇabrāhmaṇānaṃ, akkosati ca paribhāsati ca.
੫੭.
57.
‘‘‘ਗੂਥਞ੍ਚ ਮੁਤ੍ਤਂ ਰੁਹਿਰਞ੍ਚ ਪੁਬ੍ਬਂ, ਪਰਿਭੁਞ੍ਜ ਤ੍વਂ ਅਸੁਚਿਂ ਸਬ੍ਬਕਾਲਂ।
‘‘‘Gūthañca muttaṃ ruhirañca pubbaṃ, paribhuñja tvaṃ asuciṃ sabbakālaṃ;
ਏਤਂ ਤੇ ਪਰਲੋਕਸ੍ਮਿਂ ਹੋਤੁ, વਤ੍ਥਾ ਚ ਤੇ ਕਿਟਕਸਮਾ ਭવਨ੍ਤੁ’।
Etaṃ te paralokasmiṃ hotu, vatthā ca te kiṭakasamā bhavantu’;
ਏਤਾਦਿਸਂ ਦੁਚ੍ਚਰਿਤਂ ਚਰਿਤ੍વਾ, ਇਧਾਗਤਾ ਚਿਰਰਤ੍ਤਾਯ ਖਾਦਤੀ’’ਤਿ॥
Etādisaṃ duccaritaṃ caritvā, idhāgatā cirarattāya khādatī’’ti.
ਮਹਾਪੇਸਕਾਰਪੇਤਿવਤ੍ਥੁ ਨવਮਂ।
Mahāpesakārapetivatthu navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪੇਤવਤ੍ਥੁ-ਅਟ੍ਠਕਥਾ • Petavatthu-aṭṭhakathā / ੯. ਮਹਾਪੇਸਕਾਰਪੇਤਿવਤ੍ਥੁવਣ੍ਣਨਾ • 9. Mahāpesakārapetivatthuvaṇṇanā
