| Library / Tipiṭaka / д̇ибидага • Tipiṭaka / т̇зраг̇аат̇аабаал̣и • Theragāthāpāḷi |
3. махаабант̇агад̇т̇зраг̇аат̇аа
3. Mahāpanthakattheragāthā
510.
510.
‘‘яад̣̇аа батамамад̣̇д̣̇агким̣, сад̇т̇аарамагуд̇обхаяам̣;
‘‘Yadā paṭhamamaddakkhiṃ, satthāramakutobhayaṃ;
д̇ад̇о мз аху сам̣взг̇о, бассид̇ваа бурисуд̇д̇амам̣.
Tato me ahu saṃvego, passitvā purisuttamaṃ.
511.
511.
‘‘сирим̣ хад̇т̇зхи баад̣̇зхи, яо бан̣аамзяяа ааг̇ад̇ам̣;
‘‘Siriṃ hatthehi pādehi, yo paṇāmeyya āgataṃ;
зд̇аад̣̇исам̣ со сад̇т̇аарам̣, аараад̇хзд̇ваа вираад̇хаяз.
Etādisaṃ so satthāraṃ, ārādhetvā virādhaye.
512.
512.
‘‘д̇ад̣̇аахам̣ буд̇д̇ад̣̇ааран̃жа, д̇ханад̇хан̃н̃ан̃жа чад̣д̣аяим̣;
‘‘Tadāhaṃ puttadārañca, dhanadhaññañca chaḍḍayiṃ;
гзсамассууни чзд̣̇зд̇ваа, баб̣б̣аж̇им̣ анаг̇аарияам̣.
Kesamassūni chedetvā, pabbajiṃ anagāriyaṃ.
513.
513.
‘‘сигкаасааж̇ийвасамбанно, инд̣̇риязсу сусам̣вуд̇о;
‘‘Sikkhāsājīvasampanno, indriyesu susaṃvuto;
намассамаано самб̣уд̣̇д̇хам̣, вихаасим̣ абарааж̇ид̇о.
Namassamāno sambuddhaṃ, vihāsiṃ aparājito.
514.
514.
‘‘д̇ад̇о мз бан̣ид̇хий ааси, жзд̇асо абхибад̇т̇ид̇о;
‘‘Tato me paṇidhī āsi, cetaso abhipatthito;
на нисийд̣̇з мухуд̇д̇амби, д̇ан̣хаасаллз ануухад̇з.
Na nisīde muhuttampi, taṇhāsalle anūhate.
515.
515.
‘‘д̇асса мзвам̣ вихарад̇о, басса вийрияабараггамам̣;
‘‘Tassa mevaṃ viharato, passa vīriyaparakkamaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
516.
516.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
арахаа д̣̇агкин̣зяяомхи, виббамуд̇д̇о нируубад̇хи.
Arahā dakkhiṇeyyomhi, vippamutto nirūpadhi.
517.
517.
‘‘д̇ад̇о рад̇яаа вивасаанз 1, суурияассуг̇г̇аманам̣ бад̇и;
‘‘Tato ratyā vivasāne 2, sūriyassuggamanaṃ pati;
саб̣б̣ам̣ д̇ан̣хам̣ висосзд̇ваа, баллан̇гзна убаависи’’нд̇и.
Sabbaṃ taṇhaṃ visosetvā, pallaṅkena upāvisi’’nti.
… махаабант̇аго т̇зро….
… Mahāpanthako thero….
адтаганибаад̇о нидтид̇о.
Aṭṭhakanipāto niṭṭhito.
д̇ад̇руд̣̇д̣̇аанам̣ –
Tatruddānaṃ –
махаагажжааяано т̇зро, сиримид̇д̇о махаабант̇аго;
Mahākaccāyano thero, sirimitto mahāpanthako;
зд̇з адтанибаад̇амхи, г̇аат̇ааяо жад̇увийсад̇ийд̇и.
Ete aṭṭhanipātamhi, gāthāyo catuvīsatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зраг̇аат̇аа-адтагат̇аа • Theragāthā-aṭṭhakathā / 3. махаабант̇агад̇т̇зраг̇аат̇ааван̣н̣анаа • 3. Mahāpanthakattheragāthāvaṇṇanā
