| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
(3) பஞ்ஞாவக்³கோ³
(3) Paññāvaggo
1. மஹாபஞ்ஞாகதா²
1. Mahāpaññākathā
மஹாபஞ்ஞாகதா²வண்ணனா
Mahāpaññākathāvaṇṇanā
1. இதா³னி விஸேஸதோ பஞ்ஞாபத³ட்டா²னபூ⁴தாய ஸுஞ்ஞகதா²ய அனந்தரங் கதி²தாய பஞ்ஞாகதா²ய அபுப்³ப³த்தா²னுவண்ணனா. தத்த² ஆதி³தோ தாவ ஸத்தஸு அனுபஸ்ஸனாஸு ஏகேகமூலகா ஸத்த பஞ்ஞா புச்சா²புப்³ப³ங்க³மங் கத்வா நித்³தி³ட்டா², புன ஸத்தானுபஸ்ஸனாமூலகா ஏகேகுத்தரமூலகா ச திஸ்ஸோ பஞ்ஞா புச்ச²ங் அகத்வாவ நித்³தி³ட்டா², ஏவமாதி³தோ த³ஸபஞ்ஞாபாரிபூரீ நித்³தி³ட்டா². தத்த² அனிச்சானுபஸ்ஸனா தாவ யஸ்மா அனிச்சதோ தி³ட்டே²ஸு ஸங்கா²ரேஸு ‘‘யத³னிச்சங், தங் து³க்க²’’ந்தி து³க்க²தோ ச ‘‘யங் து³க்க²ங், தத³னத்தா’’தி அனத்ததோ ச ஜவதி, தஸ்மா ஸா பா⁴விதா ப³ஹுலீகதா ஜவனபஞ்ஞங் பரிபூரேதி. ஸா ஹி ஸகவிஸயேஸு ஜவதீதி ஜவனா, ஜவனா ச ஸா பஞ்ஞா சாதி ஜவனபஞ்ஞா. து³க்கா²னுபஸ்ஸனா ஸமாதி⁴ந்த்³ரியனிஸ்ஸிதத்தா ப³லவதீ ஹுத்வா பணிதி⁴ங் நிப்³பி³ஜ்ஜ²தி பதா³லேதி, தஸ்மா நிப்³பே³தி⁴கபஞ்ஞங் பரிபூரேதி. ஸா ஹி நிப்³பி³ஜ்ஜ²தீதி நிப்³பே³தி⁴கா, நிப்³பே³தி⁴கா ச ஸா பஞ்ஞா சாதி நிப்³பே³தி⁴கபஞ்ஞா. அனத்தானுபஸ்ஸனா ஸுஞ்ஞதாத³ஸ்ஸனேன வுத்³தி⁴ப்பத்தியா மஹத்தப்பத்தத்தா மஹாபஞ்ஞங் பரிபூரேதி. ஸா ஹி வுத்³தி⁴ப்பத்தத்தா மஹதீ ச ஸா பஞ்ஞா சாதி மஹாபஞ்ஞா. நிப்³பி³தா³னுபஸ்ஸனா யஸ்மா திஸ்ஸன்னங்யேவ அனுபஸ்ஸனானங் புரிமதோபி ஆஸேவனாய ப³லப்பத்தாவத்த²த்தா ஸப்³ப³ஸங்கா²ரேஸு நிப்³பி³ந்த³னஸமத்தா² ஹுத்வா திக்கா² ஹோதி, தஸ்மா திக்க²பஞ்ஞங் பரிபூரேதி. விராகா³னுபஸ்ஸனாபி யஸ்மா திஸ்ஸன்னங்யேவ அனுபஸ்ஸனானங் புரிமதோபி ஆஸேவனாப³லப்பத்தானங் வுத்³த⁴தராவத்த²த்தா ஸப்³ப³ஸங்கா²ரேஹி விரஜ்ஜனஸமத்தா² ஹுத்வா விபுலா ஹோதி, தஸ்மா விபுலபஞ்ஞங் பரிபூரேதி.
1. Idāni visesato paññāpadaṭṭhānabhūtāya suññakathāya anantaraṃ kathitāya paññākathāya apubbatthānuvaṇṇanā. Tattha ādito tāva sattasu anupassanāsu ekekamūlakā satta paññā pucchāpubbaṅgamaṃ katvā niddiṭṭhā, puna sattānupassanāmūlakā ekekuttaramūlakā ca tisso paññā pucchaṃ akatvāva niddiṭṭhā, evamādito dasapaññāpāripūrī niddiṭṭhā. Tattha aniccānupassanā tāva yasmā aniccato diṭṭhesu saṅkhāresu ‘‘yadaniccaṃ, taṃ dukkha’’nti dukkhato ca ‘‘yaṃ dukkhaṃ, tadanattā’’ti anattato ca javati, tasmā sā bhāvitā bahulīkatā javanapaññaṃ paripūreti. Sā hi sakavisayesu javatīti javanā, javanā ca sā paññā cāti javanapaññā. Dukkhānupassanā samādhindriyanissitattā balavatī hutvā paṇidhiṃ nibbijjhati padāleti, tasmā nibbedhikapaññaṃ paripūreti. Sā hi nibbijjhatīti nibbedhikā, nibbedhikā ca sā paññā cāti nibbedhikapaññā. Anattānupassanā suññatādassanena vuddhippattiyā mahattappattattā mahāpaññaṃ paripūreti. Sā hi vuddhippattattā mahatī ca sā paññā cāti mahāpaññā. Nibbidānupassanā yasmā tissannaṃyeva anupassanānaṃ purimatopi āsevanāya balappattāvatthattā sabbasaṅkhāresu nibbindanasamatthā hutvā tikkhā hoti, tasmā tikkhapaññaṃ paripūreti. Virāgānupassanāpi yasmā tissannaṃyeva anupassanānaṃ purimatopi āsevanābalappattānaṃ vuddhatarāvatthattā sabbasaṅkhārehi virajjanasamatthā hutvā vipulā hoti, tasmā vipulapaññaṃ paripūreti.
நிரோதா⁴னுபஸ்ஸனாபி யஸ்மா திஸ்ஸன்னங்யேவ அனுபஸ்ஸனானங் புரிமதோபி ஆஸேவனாப³லப்பத்தானங் வுத்³த⁴தராவத்த²த்தா வயலக்க²ணவஸேன ஸப்³ப³ஸங்கா²ரானங் நிரோத⁴த³ஸ்ஸனஸமத்தா² ஹுத்வா க³ம்பீ⁴ரா ஹோதி, தஸ்மா க³ம்பீ⁴ரபஞ்ஞங் பரிபூரேதி. நிரோதோ⁴ ஹி உத்தானபஞ்ஞேஹி அலப்³ப⁴னெய்யபதிட்ட²த்தா க³ம்பீ⁴ரோ, தஸ்மிங் க³ம்பீ⁴ரே கா³த⁴ப்பத்தா பஞ்ஞாபி க³ம்பீ⁴ரா. படினிஸ்ஸக்³கா³னுபஸ்ஸனாபி யஸ்மா திஸ்ஸன்னங்யேவ அனுபஸ்ஸனானங் புரிமதோபி ஆஸேவனாப³லப்பத்தானங் வுத்³த⁴தராவத்த²த்தா வயலக்க²ணவஸேன ஸப்³ப³ஸங்கா²ரபடினிஸ்ஸஜ்ஜனஸமத்தா² ஹுத்வா அஸாமந்தா ஹோதி, வுத்³தி⁴பரியந்தப்பத்தத்தா ச²ஹி பஞ்ஞாஹி தூ³ரே ஹோதீதி அத்தோ². தஸ்மா ஸயங் அஸாமந்தத்தா அஸாமந்தபஞ்ஞங் பரிபூரேதி. ஸா ஹி ஹெட்டி²மபஞ்ஞாஹி தூ³ரத்தா அஸாமந்தா, அஸமீபா வா பஞ்ஞாதி அஸாமந்தபஞ்ஞா. பண்டி³ச்சங் பரிபூரெந்தீதி பண்டி³தபா⁴வங் பரிபூரெந்தி. யஸ்மா யதா²வுத்தா ஸத்த பஞ்ஞா பரிபுண்ணா பா⁴வெத்வா பண்டி³தலக்க²ணப்பத்தோ ஸிக²ப்பத்தவுட்டா²னகா³மினிவிபஸ்ஸனாஸங்கா²தேஹி ஸங்கா²ருபெக்கா²னுலோமகொ³த்ரபு⁴ஞாணேஹி பண்டி³தோ ஹுத்வா பண்டி³ச்சேன ஸமன்னாக³தோ ஹோதி, தஸ்மா ‘‘பண்டி³ச்சங் பரிபூரெந்தீ’’தி வுத்தங்.
Nirodhānupassanāpi yasmā tissannaṃyeva anupassanānaṃ purimatopi āsevanābalappattānaṃ vuddhatarāvatthattā vayalakkhaṇavasena sabbasaṅkhārānaṃ nirodhadassanasamatthā hutvā gambhīrā hoti, tasmā gambhīrapaññaṃ paripūreti. Nirodho hi uttānapaññehi alabbhaneyyapatiṭṭhattā gambhīro, tasmiṃ gambhīre gādhappattā paññāpi gambhīrā. Paṭinissaggānupassanāpi yasmā tissannaṃyeva anupassanānaṃ purimatopi āsevanābalappattānaṃ vuddhatarāvatthattā vayalakkhaṇavasena sabbasaṅkhārapaṭinissajjanasamatthā hutvā asāmantā hoti, vuddhipariyantappattattā chahi paññāhi dūre hotīti attho. Tasmā sayaṃ asāmantattā asāmantapaññaṃ paripūreti. Sā hi heṭṭhimapaññāhi dūrattā asāmantā, asamīpā vā paññāti asāmantapaññā. Paṇḍiccaṃ paripūrentīti paṇḍitabhāvaṃ paripūrenti. Yasmā yathāvuttā satta paññā paripuṇṇā bhāvetvā paṇḍitalakkhaṇappatto sikhappattavuṭṭhānagāminivipassanāsaṅkhātehi saṅkhārupekkhānulomagotrabhuñāṇehi paṇḍito hutvā paṇḍiccena samannāgato hoti, tasmā ‘‘paṇḍiccaṃ paripūrentī’’ti vuttaṃ.
அட்ட² பஞ்ஞாதி பண்டி³ச்சஸங்கா²தாய பஞ்ஞாய ஸஹ ஸப்³பா³ அட்ட² பஞ்ஞா. புது²பஞ்ஞங் பரிபூரெந்தீதி யஸ்மா தேன பண்டி³ச்சேன ஸமன்னாக³தோ ஹுத்வா ஸோ பண்டி³தோ கொ³த்ரபு⁴ஞாணானந்தரங் நிப்³பா³னங் ஆரம்மணங் கத்வா லோகுத்தரபா⁴வப்பத்தியா லோகியதோ புது²பூ⁴தத்தா விஸுங்பூ⁴தத்தா புது²பஞ்ஞாதிஸங்கா²தங் மக்³க³ப²லபஞ்ஞங் பாபுணாதி, தஸ்மா ‘‘அட்ட² பஞ்ஞா புது²பஞ்ஞங் பரிபூரெந்தீ’’தி வுத்தங்.
Aṭṭha paññāti paṇḍiccasaṅkhātāya paññāya saha sabbā aṭṭha paññā. Puthupaññaṃ paripūrentīti yasmā tena paṇḍiccena samannāgato hutvā so paṇḍito gotrabhuñāṇānantaraṃ nibbānaṃ ārammaṇaṃ katvā lokuttarabhāvappattiyā lokiyato puthubhūtattā visuṃbhūtattā puthupaññātisaṅkhātaṃ maggaphalapaññaṃ pāpuṇāti, tasmā ‘‘aṭṭha paññā puthupaññaṃ paripūrentī’’ti vuttaṃ.
இமா நவ பஞ்ஞாதிஆதீ³ஸு தஸ்ஸேவ கமேன அதி⁴க³தமக்³க³ப²லஸ்ஸ அரியபுக்³க³லஸ்ஸ பணீதலோகுத்தரத⁴ம்மோபயோகே³ன பணீதசித்தஸந்தானத்தா பஹட்டா²காரேனேவ ச பவத்தமானசித்தஸந்தானஸ்ஸ ப²லானந்தரங் ஓதிண்ணப⁴வங்க³தோ வுட்டி²தஸ்ஸ மக்³க³பச்சவெக்க²ணா, ததோ ச ப⁴வங்க³ங் ஓதரித்வா வுட்டி²தஸ்ஸ ப²லபச்சவெக்க²ணா, இமினாவ நயேன பஹீனகிலேஸபச்சவெக்க²ணா, அவஸிட்ட²கிலேஸபச்சவெக்க²ணா, நிப்³பா³னபச்சவெக்க²ணாதி பஞ்ச பச்சவெக்க²ணா பவத்தந்தி. தாஸு பச்சவெக்க²ணாஸு மக்³க³பச்சவெக்க²ணா ப²லபச்சவெக்க²ணா ச படிபா⁴னபடிஸம்பி⁴தா³ ஹோதி. கத²ங்? ‘‘யங்கிஞ்சி பச்சயஸம்பூ⁴தங் நிப்³பா³னங் பா⁴ஸிதத்தோ² விபாகோ கிரியாதி இமே பஞ்ச த⁴ம்மா அத்தோ²’’தி அபி⁴த⁴ம்மே பாளிங் அனுக³ந்த்வா தத³ட்ட²கதா²யங் வுத்தங். நிப்³பா³னஸ்ஸ ச அத்த²த்தா ததா³ரம்மணங் மக்³க³ப²லஞாணங் ‘‘அத்தே²ஸு ஞாணங் அத்த²படிஸம்பி⁴தா³’’தி (விப⁴॰ 718; படி॰ ம॰ 1.110) வசனதோ அத்த²படிஸம்பி⁴தா³ ஹோதி. தஸ்ஸ அத்த²படிஸம்பி⁴தா³பூ⁴தஸ்ஸ மக்³க³ப²லஞாணஸ்ஸ பச்சவெக்க²ணஞாணங் ‘‘ஞாணேஸு ஞாணங் படிபா⁴னபடிஸம்பி⁴தா³’’தி வசனதோ படிபா⁴னபடிஸம்பி⁴தா³ ஹோதி. ஸா ச பச்சவெக்க²ணபஞ்ஞா ஹாஸாகாரேன பவத்தமானசித்தஸந்தானஸ்ஸ ஹாஸபஞ்ஞா நாம ஹோதி. தஸ்மா நவ பஞ்ஞா ஹாஸபஞ்ஞங் பரிபூரெந்தீதி ச ஹாஸபஞ்ஞா படிபா⁴னபடிஸம்பி⁴தா³தி ச வுத்தங். ஸப்³ப³ப்பகாராபி பஞ்ஞா தஸ்ஸ தஸ்ஸ அத்த²ஸ்ஸ பாகடகரணஸங்கா²தேன பஞ்ஞாபனட்டே²ன பஞ்ஞா, தேன தேன வா பகாரேன த⁴ம்மே ஜானாதீதி பஞ்ஞா.
Imā nava paññātiādīsu tasseva kamena adhigatamaggaphalassa ariyapuggalassa paṇītalokuttaradhammopayogena paṇītacittasantānattā pahaṭṭhākāreneva ca pavattamānacittasantānassa phalānantaraṃ otiṇṇabhavaṅgato vuṭṭhitassa maggapaccavekkhaṇā, tato ca bhavaṅgaṃ otaritvā vuṭṭhitassa phalapaccavekkhaṇā, imināva nayena pahīnakilesapaccavekkhaṇā, avasiṭṭhakilesapaccavekkhaṇā, nibbānapaccavekkhaṇāti pañca paccavekkhaṇā pavattanti. Tāsu paccavekkhaṇāsu maggapaccavekkhaṇā phalapaccavekkhaṇā ca paṭibhānapaṭisambhidā hoti. Kathaṃ? ‘‘Yaṃkiñci paccayasambhūtaṃ nibbānaṃ bhāsitattho vipāko kiriyāti ime pañca dhammā attho’’ti abhidhamme pāḷiṃ anugantvā tadaṭṭhakathāyaṃ vuttaṃ. Nibbānassa ca atthattā tadārammaṇaṃ maggaphalañāṇaṃ ‘‘atthesu ñāṇaṃ atthapaṭisambhidā’’ti (vibha. 718; paṭi. ma. 1.110) vacanato atthapaṭisambhidā hoti. Tassa atthapaṭisambhidābhūtassa maggaphalañāṇassa paccavekkhaṇañāṇaṃ ‘‘ñāṇesu ñāṇaṃ paṭibhānapaṭisambhidā’’ti vacanato paṭibhānapaṭisambhidā hoti. Sā ca paccavekkhaṇapaññā hāsākārena pavattamānacittasantānassa hāsapaññā nāma hoti. Tasmā nava paññā hāsapaññaṃ paripūrentīti ca hāsapaññā paṭibhānapaṭisambhidāti ca vuttaṃ. Sabbappakārāpi paññā tassa tassa atthassa pākaṭakaraṇasaṅkhātena paññāpanaṭṭhena paññā, tena tena vā pakārena dhamme jānātīti paññā.
தஸ்ஸாதி தஸ்ஸ வுத்தப்பகாரஸ்ஸ அரியபுக்³க³லஸ்ஸ. கரணத்தே² ஸாமிவசனங். அத்த²வவத்தா²னதோதி யதா²வுத்தஸ்ஸ பஞ்சவித⁴ஸ்ஸ அத்த²ஸ்ஸ வவத்தா²பனவஸேன. வுத்தம்பி சேதங் ஸமணகரணீயகதா²யங் ‘‘ஹேதுப²லங் நிப்³பா³னங் வசனத்தோ² அத² விபாகங் கிரியாதி அத்தே² பஞ்ச பபே⁴தே³ பட²மந்தபபே⁴த³க³தங் ஞாண’’ந்தி. அதி⁴க³தா ஹோதீதி படிலத்³தா⁴ ஹோதி. ஸாயேவ படிலாப⁴ஸச்சி²கிரியாய ஸச்சி²கதா. படிலாப⁴ப²ஸ்ஸேனேவ ப²ஸ்ஸிதா பஞ்ஞாய. த⁴ம்மவவத்தா²னதோதி ‘‘யோ கோசி ப²லனிப்³ப³த்தகோ ஹேது அரியமக்³கோ³ பா⁴ஸிதங் குஸலங் அகுஸலந்தி இமே பஞ்ச த⁴ம்மா த⁴ம்மோ’’தி அபி⁴த⁴ம்மே பாளியானுஸாரேன வுத்தானங் பஞ்சன்னங் த⁴ம்மானங் வவத்தா²பனவஸேன. வுத்தம்பி சேதங் ஸமணகரணீயகதா²யங் ‘‘ஹேது அரியமக்³கோ³ வசனங் குஸலஞ்ச அகுஸலஞ்சாதி த⁴ம்மே பஞ்ச பபே⁴தே³ து³தியந்தபபே⁴த³க³தங் ஞாண’’ந்தி. நிருத்திவவத்தா²னதோதி தேஸங் தேஸங் அத்த²த⁴ம்மானங் அனுரூபனிருத்தீனங் வவத்தா²பனவஸேன. படிபா⁴னவவத்தா²னதோதி படிபா⁴னஸங்கா²தானங் திண்ணங் படிஸம்பி⁴தா³ஞாணானங் வவத்தா²பனவஸேன. தஸ்ஸிமாதி நிக³மனவசனமேதங்.
Tassāti tassa vuttappakārassa ariyapuggalassa. Karaṇatthe sāmivacanaṃ. Atthavavatthānatoti yathāvuttassa pañcavidhassa atthassa vavatthāpanavasena. Vuttampi cetaṃ samaṇakaraṇīyakathāyaṃ ‘‘hetuphalaṃ nibbānaṃ vacanattho atha vipākaṃ kiriyāti atthe pañca pabhede paṭhamantapabhedagataṃ ñāṇa’’nti. Adhigatā hotīti paṭiladdhā hoti. Sāyeva paṭilābhasacchikiriyāya sacchikatā. Paṭilābhaphasseneva phassitā paññāya. Dhammavavatthānatoti ‘‘yo koci phalanibbattako hetu ariyamaggo bhāsitaṃ kusalaṃ akusalanti ime pañca dhammā dhammo’’ti abhidhamme pāḷiyānusārena vuttānaṃ pañcannaṃ dhammānaṃ vavatthāpanavasena. Vuttampi cetaṃ samaṇakaraṇīyakathāyaṃ ‘‘hetu ariyamaggo vacanaṃ kusalañca akusalañcāti dhamme pañca pabhede dutiyantapabhedagataṃ ñāṇa’’nti. Niruttivavatthānatoti tesaṃ tesaṃ atthadhammānaṃ anurūpaniruttīnaṃ vavatthāpanavasena. Paṭibhānavavatthānatoti paṭibhānasaṅkhātānaṃ tiṇṇaṃ paṭisambhidāñāṇānaṃ vavatthāpanavasena. Tassimāti nigamanavacanametaṃ.
2. ஏவங் ஸப்³ப³ஸங்கா³ஹகவஸேன அனுபஸ்ஸனானங் விஸேஸங் த³ஸ்ஸெத்வா இதா³னி வத்து²பே⁴த³வஸேன த³ஸ்ஸெந்தோ ரூபே அனிச்சானுபஸ்ஸனாதிஆதி³மாஹ. தங் ஹெட்டா² வுத்தத்த²மேவ. புன ரூபாதீ³ஸுயேவ அதீதானாக³தபச்சுப்பன்னவஸேன ஜவனபஞ்ஞங் த³ஸ்ஸேதுகாமோ கேவலங் ரூபாதி³வஸேன ச அதீதானாக³தபச்சுப்பன்னரூபாதி³வஸேன ச புச்ச²ங் கத்வா புச்சா²கமேனேவ விஸ்ஸஜ்ஜனங் அகாஸி. தத்த² ஸுத்³த⁴ரூபாதி³விஸ்ஸஜ்ஜனேஸு பட²மங் நித்³தி³ட்டா² ஏவ பஞ்ஞா அதீதானாக³தபச்சுப்பன்னமூலகேஸு ஸப்³ப³விஸ்ஸஜ்ஜனேஸு தேஸு அதீதாதீ³ஸு ஜவனவஸேன ஜவனபஞ்ஞாதி நித்³தி³ட்டா².
2. Evaṃ sabbasaṅgāhakavasena anupassanānaṃ visesaṃ dassetvā idāni vatthubhedavasena dassento rūpe aniccānupassanātiādimāha. Taṃ heṭṭhā vuttatthameva. Puna rūpādīsuyeva atītānāgatapaccuppannavasena javanapaññaṃ dassetukāmo kevalaṃ rūpādivasena ca atītānāgatapaccuppannarūpādivasena ca pucchaṃ katvā pucchākameneva vissajjanaṃ akāsi. Tattha suddharūpādivissajjanesu paṭhamaṃ niddiṭṭhā eva paññā atītānāgatapaccuppannamūlakesu sabbavissajjanesu tesu atītādīsu javanavasena javanapaññāti niddiṭṭhā.
3. புன அனேகஸுத்தந்தபுப்³ப³ங்க³மங் பஞ்ஞாபபே⁴த³ங் த³ஸ்ஸேதுகாமோ பட²மங் தாவ ஸுத்தந்தே உத்³தி³ஸி. தத்த² ஸப்புரிஸஸங்ஸேவோதி ஹெட்டா² வுத்தப்பகாரானங் ஸப்புரிஸானங் ப⁴ஜனங். ஸத்³த⁴ம்மஸ்ஸவனந்தி தேஸங் ஸப்புரிஸானங் ஸந்திகே ஸீலாதி³படிபத்திதீ³பகஸ்ஸ ஸத்³த⁴ம்மவசனஸ்ஸ ஸவனங். யோனிஸோமனஸிகாரோதி ஸுதானங் த⁴ம்மானங் அத்தூ²பபரிக்க²ணவஸேன உபாயேன மனஸிகாரோ. த⁴ம்மானுத⁴ம்மபடிபத்தீதி லோகுத்தரத⁴ம்மே அனுக³தஸ்ஸ ஸீலாதி³படிபதா³த⁴ம்மஸ்ஸ படிபஜ்ஜனங். பஞ்ஞாபடிலாபா⁴ய பஞ்ஞாவுத்³தி⁴யா பஞ்ஞாவேபுல்லாய பஞ்ஞாபா³ஹுல்லாயாதி இமானி சத்தாரி பஞ்ஞாவஸேன பா⁴வவசனானி. ஸேஸானி த்³வாத³ஸ புக்³க³லவஸேன பா⁴வவசனானி.
3. Puna anekasuttantapubbaṅgamaṃ paññāpabhedaṃ dassetukāmo paṭhamaṃ tāva suttante uddisi. Tattha sappurisasaṃsevoti heṭṭhā vuttappakārānaṃ sappurisānaṃ bhajanaṃ. Saddhammassavananti tesaṃ sappurisānaṃ santike sīlādipaṭipattidīpakassa saddhammavacanassa savanaṃ. Yonisomanasikāroti sutānaṃ dhammānaṃ atthūpaparikkhaṇavasena upāyena manasikāro. Dhammānudhammapaṭipattīti lokuttaradhamme anugatassa sīlādipaṭipadādhammassa paṭipajjanaṃ. Paññāpaṭilābhāyapaññāvuddhiyā paññāvepullāya paññābāhullāyāti imāni cattāri paññāvasena bhāvavacanāni. Sesāni dvādasa puggalavasena bhāvavacanāni.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 1. மஹாபஞ்ஞாகதா² • 1. Mahāpaññākathā
