| Library / Tipiṭaka / д̇ибидага • Tipiṭaka / т̇зрийг̇аат̇аабаал̣и • Therīgāthāpāḷi |
6. махаабаж̇аабад̇иг̇од̇амийт̇зрийг̇аат̇аа
6. Mahāpajāpatigotamītherīgāthā
157.
157.
‘‘б̣уд̣̇д̇ха вийра намо д̇яад̇т̇у, саб̣б̣асад̇д̇аанамуд̇д̇ама;
‘‘Buddha vīra namo tyatthu, sabbasattānamuttama;
яо мам̣ д̣̇угкаа баможзси, ан̃н̃ан̃жа б̣ахугам̣ ж̇анам̣.
Yo maṃ dukkhā pamocesi, aññañca bahukaṃ janaṃ.
158.
158.
‘‘саб̣б̣ад̣̇угкам̣ барин̃н̃аад̇ам̣, хзд̇уд̇ан̣хаа висосид̇аа;
‘‘Sabbadukkhaṃ pariññātaṃ, hetutaṇhā visositā;
бхаавид̇о адтан̇г̇иго 1 маг̇г̇о, нирод̇хо пусид̇о маяаа.
Bhāvito aṭṭhaṅgiko 2 maggo, nirodho phusito mayā.
159.
159.
‘‘маад̇аа буд̇д̇о бид̇аа бхаад̇аа, аяяагаа жа бурз ахум̣;
‘‘Mātā putto pitā bhātā, ayyakā ca pure ahuṃ;
яат̇аабхужжамаж̇аананд̇ий, сам̣сарим̣хам̣ аниб̣б̣исам̣.
Yathābhuccamajānantī, saṃsariṃhaṃ anibbisaṃ.
160.
160.
‘‘д̣̇идто хи мз со бхаг̇аваа, анд̇имояам̣ самуссаяо;
‘‘Diṭṭho hi me so bhagavā, antimoyaṃ samussayo;
вигкийн̣о ж̇аад̇исам̣сааро, над̇т̇и д̣̇аани бунаб̣бхаво.
Vikkhīṇo jātisaṃsāro, natthi dāni punabbhavo.
161.
161.
‘‘аарад̣̇д̇хавийрияз бахид̇ад̇д̇з, нижжам̣ д̣̇ал̣хабараггамз;
‘‘Āraddhavīriye pahitatte, niccaṃ daḷhaparakkame;
самаг̇г̇з саавагз бассз, зсаа б̣уд̣̇д̇хаана ванд̣̇анаа.
Samagge sāvake passe, esā buddhāna vandanā.
162.
162.
‘‘б̣ахуунам̣ 3 вад̇а ад̇т̇ааяа, мааяаа ж̇анаяи г̇од̇амам̣;
‘‘Bahūnaṃ 4 vata atthāya, māyā janayi gotamaṃ;
б̣яаад̇химаран̣ад̇уннаанам̣, д̣̇угкагканд̇хам̣ б̣яабаануд̣̇ий’’д̇и.
Byādhimaraṇatunnānaṃ, dukkhakkhandhaṃ byapānudī’’ti.
… махаабаж̇аабад̇иг̇од̇амий т̇зрий….
… Mahāpajāpatigotamī therī….
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зрийг̇аат̇аа-адтагат̇аа • Therīgāthā-aṭṭhakathā / 6. махаабаж̇аабад̇иг̇од̇амийт̇зрийг̇аат̇ааван̣н̣анаа • 6. Mahāpajāpatigotamītherīgāthāvaṇṇanā
