| Library / Tipiṭaka / д̇ибидага • Tipiṭaka / т̇зрийг̇аат̇аабаал̣и • Therīgāthāpāḷi |
7. г̇уд̇д̇аат̇зрийг̇аат̇аа
7. Guttātherīgāthā
163.
163.
‘‘г̇уд̇д̇з яад̣̇ад̇т̇ам̣ баб̣б̣аж̇ж̇аа, хид̇ваа буд̇д̇ам̣ васум̣ бияам̣;
‘‘Gutte yadatthaṃ pabbajjā, hitvā puttaṃ vasuṃ piyaṃ;
д̇амзва ануб̣руухзхи, маа жид̇д̇асса васам̣ г̇ами.
Tameva anubrūhehi, mā cittassa vasaṃ gami.
164.
164.
‘‘жид̇д̇зна ван̃жид̇аа сад̇д̇аа, маарасса висаяз рад̇аа;
‘‘Cittena vañcitā sattā, mārassa visaye ratā;
анзгаж̇аад̇исам̣саарам̣, санд̇хааванд̇и авид̣̇д̣̇асуу.
Anekajātisaṃsāraṃ, sandhāvanti aviddasū.
165.
165.
‘‘гаамажчанд̣̇ан̃жа б̣яаабаад̣̇ам̣, саггааяад̣̇идтимзва жа;
‘‘Kāmacchandañca byāpādaṃ, sakkāyadiṭṭhimeva ca;
сийлаб̣б̣ад̇абараамаасам̣, вижигижчан̃жа бан̃жамам̣.
Sīlabbataparāmāsaṃ, vicikicchañca pañcamaṃ.
166.
166.
‘‘сам̣яож̇анаани зд̇аани, баж̇ахид̇ваана бхигкуний;
‘‘Saṃyojanāni etāni, pajahitvāna bhikkhunī;
орамбхааг̇аманийяаани, наяид̣̇ам̣ бунарзхиси.
Orambhāgamanīyāni, nayidaṃ punarehisi.
167.
167.
‘‘рааг̇ам̣ маанам̣ авиж̇ж̇ан̃жа, уд̣̇д̇хажжан̃жа виваж̇ж̇ияа;
‘‘Rāgaṃ mānaṃ avijjañca, uddhaccañca vivajjiya;
сам̣яож̇анаани чзд̇ваана, д̣̇угкассанд̇ам̣ гариссаси.
Saṃyojanāni chetvāna, dukkhassantaṃ karissasi.
168.
168.
‘‘кзбзд̇ваа ж̇аад̇исам̣саарам̣, барин̃н̃ааяа бунаб̣бхавам̣;
‘‘Khepetvā jātisaṃsāraṃ, pariññāya punabbhavaṃ;
д̣̇идтзва д̇хаммз нижчаад̇аа, убасанд̇аа жариссад̇ий’’д̇и.
Diṭṭheva dhamme nicchātā, upasantā carissatī’’ti.
… г̇уд̇д̇аа т̇зрий….
… Guttā therī….
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зрийг̇аат̇аа-адтагат̇аа • Therīgāthā-aṭṭhakathā / 7. г̇уд̇д̇аат̇зрийг̇аат̇ааван̣н̣анаа • 7. Guttātherīgāthāvaṇṇanā
