| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಮಹಾಪಜಾಪತಿಗೋತಮೀಥೇರೀಅಪದಾನಂ
7. Mahāpajāpatigotamītherīapadānaṃ
೯೭.
97.
‘‘ಏಕದಾ ಲೋಕಪಜ್ಜೋತೋ, ವೇಸಾಲಿಯಂ ಮಹಾವನೇ।
‘‘Ekadā lokapajjoto, vesāliyaṃ mahāvane;
ಕೂಟಾಗಾರೇ ಸುಸಾಲಾಯಂ, ವಸತೇ ನರಸಾರಥಿ॥
Kūṭāgāre susālāyaṃ, vasate narasārathi.
೯೮.
98.
‘‘ತದಾ ಜಿನಸ್ಸ ಮಾತುಚ್ಛಾ, ಮಹಾಗೋತಮಿ ಭಿಕ್ಖುನೀ।
‘‘Tadā jinassa mātucchā, mahāgotami bhikkhunī;
೯೯.
99.
‘‘ಭಿಕ್ಖುನೀಹಿ ವಿಮುತ್ತಾಹಿ, ಸತೇಹಿ ಸಹ ಪಞ್ಚಹಿ।
‘‘Bhikkhunīhi vimuttāhi, satehi saha pañcahi;
೧೦೦.
100.
‘‘ಬುದ್ಧಸ್ಸ ಪರಿನಿಬ್ಬಾನಂ, ಸಾವಕಗ್ಗಯುಗಸ್ಸ ವಾ।
‘‘Buddhassa parinibbānaṃ, sāvakaggayugassa vā;
ರಾಹುಲಾನನ್ದನನ್ದಾನಂ, ನಾಹಂ ಲಚ್ಛಾಮಿ ಪಸ್ಸಿತುಂ॥
Rāhulānandanandānaṃ, nāhaṃ lacchāmi passituṃ.
೧೦೧.
101.
‘‘ಬುದ್ಧಸ್ಸ ಪರಿನಿಬ್ಬಾನಾ, ಸಾವಕಗ್ಗಯುಗಸ್ಸ ವಾ।
‘‘Buddhassa parinibbānā, sāvakaggayugassa vā;
ಮಹಾಕಸ್ಸಪನನ್ದಾನಂ, ಆನನ್ದರಾಹುಲಾನ ಚ॥
Mahākassapanandānaṃ, ānandarāhulāna ca.
೧೦೨.
102.
ಗಚ್ಛೇಯ್ಯಂ ಲೋಕನಾಥೇನ, ಅನುಞ್ಞಾತಾ ಮಹೇಸಿನಾ॥
Gaccheyyaṃ lokanāthena, anuññātā mahesinā.
೧೦೩.
103.
‘‘ತಥಾ ಪಞ್ಚಸತಾನಮ್ಪಿ, ಭಿಕ್ಖುನೀನಂ ವಿತಕ್ಕಿತಂ।
‘‘Tathā pañcasatānampi, bhikkhunīnaṃ vitakkitaṃ;
ಆಸಿ ಖೇಮಾದಿಕಾನಮ್ಪಿ, ಏತದೇವ ವಿತಕ್ಕಿತಂ॥
Āsi khemādikānampi, etadeva vitakkitaṃ.
೧೦೪.
104.
‘‘ಭೂಮಿಚಾಲೋ ತದಾ ಆಸಿ, ನಾದಿತಾ ದೇವದುನ್ದುಭೀ।
‘‘Bhūmicālo tadā āsi, nāditā devadundubhī;
ಉಪಸ್ಸಯಾಧಿವತ್ಥಾಯೋ, ದೇವತಾ ಸೋಕಪೀಳಿತಾ॥
Upassayādhivatthāyo, devatā sokapīḷitā.
೧೦೫.
105.
೧೦೬.
106.
‘‘ನಿಪಚ್ಚ ಸಿರಸಾ ಪಾದೇ, ಇದಂ ವಚನಮಬ್ರವುಂ।
‘‘Nipacca sirasā pāde, idaṃ vacanamabravuṃ;
‘ತತ್ಥ ತೋಯಲವಾಸಿತ್ತಾ, ಮಯಮಯ್ಯೇ ರಹೋಗತಾ॥
‘Tattha toyalavāsittā, mayamayye rahogatā.
೧೦೭.
107.
‘‘‘ಸಾ ಚಲಾ ಚಲಿತಾ ಭೂಮಿ, ನಾದಿತಾ ದೇವದುನ್ದುಭೀ।
‘‘‘Sā calā calitā bhūmi, nāditā devadundubhī;
ಪರಿದೇವಾ ಚ ಸುಯ್ಯನ್ತೇ, ಕಿಮತ್ಥಂ ನೂನ ಗೋತಮೀ’॥
Paridevā ca suyyante, kimatthaṃ nūna gotamī’.
೧೦೮.
108.
‘‘ತದಾ ಅವೋಚ ಸಾ ಸಬ್ಬಂ, ಯಥಾಪರಿವಿತಕ್ಕಿತಂ।
‘‘Tadā avoca sā sabbaṃ, yathāparivitakkitaṃ;
ತಾಯೋಪಿ ಸಬ್ಬಾ ಆಹಂಸು, ಯಥಾಪರಿವಿತಕ್ಕಿತಂ॥
Tāyopi sabbā āhaṃsu, yathāparivitakkitaṃ.
೧೦೯.
109.
‘‘‘ಯದಿ ತೇ ರುಚಿತಂ ಅಯ್ಯೇ, ನಿಬ್ಬಾನಂ ಪರಮಂ ಸಿವಂ।
‘‘‘Yadi te rucitaṃ ayye, nibbānaṃ paramaṃ sivaṃ;
ನಿಬ್ಬಾಯಿಸ್ಸಾಮ ಸಬ್ಬಾಪಿ, ಬುದ್ಧಾನುಞ್ಞಾಯ ಸುಬ್ಬತೇ॥
Nibbāyissāma sabbāpi, buddhānuññāya subbate.
೧೧೦.
110.
‘‘‘ಮಯಂ ಸಹಾವ ನಿಕ್ಖನ್ತಾ, ಘರಾಪಿ ಚ ಭವಾಪಿ ಚ।
‘‘‘Mayaṃ sahāva nikkhantā, gharāpi ca bhavāpi ca;
ಸಹಾಯೇವ ಗಮಿಸ್ಸಾಮ, ನಿಬ್ಬಾನಂ ಪದಮುತ್ತಮಂ’॥
Sahāyeva gamissāma, nibbānaṃ padamuttamaṃ’.
೧೧೧.
111.
‘‘‘ನಿಬ್ಬಾನಾಯ ವಜನ್ತೀನಂ, ಕಿಂ ವಕ್ಖಾಮೀ’ತಿ ಸಾ ವದಂ।
‘‘‘Nibbānāya vajantīnaṃ, kiṃ vakkhāmī’ti sā vadaṃ;
ಸಹ ಸಬ್ಬಾಹಿ ನಿಗ್ಗಞ್ಛಿ, ಭಿಕ್ಖುನೀನಿಲಯಾ ತದಾ॥
Saha sabbāhi niggañchi, bhikkhunīnilayā tadā.
೧೧೨.
112.
‘‘ಉಪಸ್ಸಯೇ ಯಾಧಿವತ್ಥಾ, ದೇವತಾ ತಾ ಖಮನ್ತು ಮೇ।
‘‘Upassaye yādhivatthā, devatā tā khamantu me;
ಭಿಕ್ಖುನೀನಿಲಯಸ್ಸೇದಂ, ಪಚ್ಛಿಮಂ ದಸ್ಸನಂ ಮಮ॥
Bhikkhunīnilayassedaṃ, pacchimaṃ dassanaṃ mama.
೧೧೩.
113.
‘‘ನ ಜರಾ ಮಚ್ಚು ವಾ ಯತ್ಥ, ಅಪ್ಪಿಯೇಹಿ ಸಮಾಗಮೋ।
‘‘Na jarā maccu vā yattha, appiyehi samāgamo;
೧೧೪.
114.
‘‘ಅವೀತರಾಗಾ ತಂ ಸುತ್ವಾ, ವಚನಂ ಸುಗತೋರಸಾ।
‘‘Avītarāgā taṃ sutvā, vacanaṃ sugatorasā;
ಸೋಕಟ್ಟಾ ಪರಿದೇವಿಂಸು, ಅಹೋ ನೋ ಅಪ್ಪಪುಞ್ಞತಾ॥
Sokaṭṭā parideviṃsu, aho no appapuññatā.
೧೧೫.
115.
‘‘ಭಿಕ್ಖುನೀನಿಲಯೋ ಸುಞ್ಞೋ, ಭೂತೋ ತಾಹಿ ವಿನಾ ಅಯಂ।
‘‘Bhikkhunīnilayo suñño, bhūto tāhi vinā ayaṃ;
ಪಭಾತೇ ವಿಯ ತಾರಾಯೋ, ನ ದಿಸ್ಸನ್ತಿ ಜಿನೋರಸಾ॥
Pabhāte viya tārāyo, na dissanti jinorasā.
೧೧೬.
116.
‘‘ನಿಬ್ಬಾನಂ ಗೋತಮೀ ಯಾತಿ, ಸತೇಹಿ ಸಹ ಪಞ್ಚಹಿ।
‘‘Nibbānaṃ gotamī yāti, satehi saha pañcahi;
ನದೀಸತೇಹಿವ ಸಹ, ಗಙ್ಗಾ ಪಞ್ಚಹಿ ಸಾಗರಂ॥
Nadīsatehiva saha, gaṅgā pañcahi sāgaraṃ.
೧೧೭.
117.
ಘರಾ ನಿಕ್ಖಮ್ಮ ಪಾದೇಸು, ನಿಪಚ್ಚ ಇದಮಬ್ರವುಂ॥
Gharā nikkhamma pādesu, nipacca idamabravuṃ.
೧೧೮.
118.
‘‘‘ಪಸೀದಸ್ಸು ಮಹಾಭೋಗೇ, ಅನಾಥಾಯೋ ವಿಹಾಯ ನೋ।
‘‘‘Pasīdassu mahābhoge, anāthāyo vihāya no;
ತಯಾ ನ ಯುತ್ತಾ 15 ನಿಬ್ಬಾತುಂ, ಇಚ್ಛಟ್ಟಾ ವಿಲಪಿಂಸು ತಾ’॥
Tayā na yuttā 16 nibbātuṃ, icchaṭṭā vilapiṃsu tā’.
೧೧೯.
119.
‘‘ತಾಸಂ ಸೋಕಪಹಾನತ್ಥಂ, ಅವೋಚ ಮಧುರಂ ಗಿರಂ।
‘‘Tāsaṃ sokapahānatthaṃ, avoca madhuraṃ giraṃ;
‘ರುದಿತೇನ ಅಲಂ ಪುತ್ತಾ, ಹಾಸಕಾಲೋಯಮಜ್ಜ ವೋ॥
‘Ruditena alaṃ puttā, hāsakāloyamajja vo.
೧೨೦.
120.
‘‘‘ಪರಿಞ್ಞಾತಂ ಮಯಾ ದುಕ್ಖಂ, ದುಕ್ಖಹೇತು ವಿವಜ್ಜಿತೋ।
‘‘‘Pariññātaṃ mayā dukkhaṃ, dukkhahetu vivajjito;
ನಿರೋಧೋ ಮೇ ಸಚ್ಛಿಕತೋ, ಮಗ್ಗೋ ಚಾಪಿ ಸುಭಾವಿತೋ॥
Nirodho me sacchikato, maggo cāpi subhāvito.
ಪಠಮಂ ಭಾಣವಾರಂ।
Paṭhamaṃ bhāṇavāraṃ.
೧೨೧.
121.
‘‘‘ಪರಿಚಿಣ್ಣೋ ಮಯಾ ಸತ್ಥಾ, ಕತಂ ಬುದ್ಧಸ್ಸ ಸಾಸನಂ।
‘‘‘Pariciṇṇo mayā satthā, kataṃ buddhassa sāsanaṃ;
ಓಹಿತೋ ಗರುಕೋ ಭಾರೋ, ಭವನೇತ್ತಿ ಸಮೂಹತಾ॥
Ohito garuko bhāro, bhavanetti samūhatā.
೧೨೨.
122.
‘‘‘ಯಸ್ಸತ್ಥಾಯ ಪಬ್ಬಜಿತಾ, ಅಗಾರಸ್ಮಾನಗಾರಿಯಂ।
‘‘‘Yassatthāya pabbajitā, agārasmānagāriyaṃ;
ಸೋ ಮೇ ಅತ್ಥೋ ಅನುಪ್ಪತ್ತೋ, ಸಬ್ಬಸಂಯೋಜನಕ್ಖಯೋ॥
So me attho anuppatto, sabbasaṃyojanakkhayo.
೧೨೩.
123.
‘‘‘ಬುದ್ಧೋ ತಸ್ಸ ಚ ಸದ್ಧಮ್ಮೋ, ಅನೂನೋ ಯಾವ ತಿಟ್ಠತಿ।
‘‘‘Buddho tassa ca saddhammo, anūno yāva tiṭṭhati;
ನಿಬ್ಬಾತುಂ ತಾವ ಕಾಲೋ ಮೇ, ಮಾ ಮಂ ಸೋಚಥ ಪುತ್ತಿಕಾ॥
Nibbātuṃ tāva kālo me, mā maṃ socatha puttikā.
೧೨೪.
124.
‘‘‘ಕೋಣ್ಡಞ್ಞಾನನ್ದನನ್ದಾದೀ , ತಿಟ್ಠನ್ತಿ ರಾಹುಲೋ ಜಿನೋ।
‘‘‘Koṇḍaññānandanandādī , tiṭṭhanti rāhulo jino;
ಸುಖಿತೋ ಸಹಿತೋ ಸಙ್ಘೋ, ಹತದಬ್ಬಾ ಚ ತಿತ್ಥಿಯಾ॥
Sukhito sahito saṅgho, hatadabbā ca titthiyā.
೧೨೫.
125.
‘‘‘ಓಕ್ಕಾಕವಂಸಸ್ಸ ಯಸೋ, ಉಸ್ಸಿತೋ ಮಾರಮದ್ದನೋ।
‘‘‘Okkākavaṃsassa yaso, ussito māramaddano;
ನನು ಸಮ್ಪತಿ ಕಾಲೋ ಮೇ, ನಿಬ್ಬಾನತ್ಥಾಯ ಪುತ್ತಿಕಾ॥
Nanu sampati kālo me, nibbānatthāya puttikā.
೧೨೬.
126.
‘‘‘ಚಿರಪ್ಪಭುತಿ ಯಂ ಮಯ್ಹಂ, ಪತ್ಥಿತಂ ಅಜ್ಜ ಸಿಜ್ಝತೇ।
‘‘‘Cirappabhuti yaṃ mayhaṃ, patthitaṃ ajja sijjhate;
ಆನನ್ದಭೇರಿಕಾಲೋಯಂ, ಕಿಂ ವೋ ಅಸ್ಸೂಹಿ ಪುತ್ತಿಕಾ॥
Ānandabherikāloyaṃ, kiṃ vo assūhi puttikā.
೧೨೭.
127.
‘‘‘ಸಚೇ ಮಯಿ ದಯಾ ಅತ್ಥಿ, ಯದಿ ಚತ್ಥಿ ಕತಞ್ಞುತಾ।
‘‘‘Sace mayi dayā atthi, yadi catthi kataññutā;
ಸದ್ಧಮ್ಮಟ್ಠಿತಿಯಾ ಸಬ್ಬಾ, ಕರೋಥ ವೀರಿಯಂ ದಳ್ಹಂ॥
Saddhammaṭṭhitiyā sabbā, karotha vīriyaṃ daḷhaṃ.
೧೨೮.
128.
‘‘‘ಥೀನಂ ಅದಾಸಿ ಪಬ್ಬಜ್ಜಂ, ಸಮ್ಬುದ್ಧೋ ಯಾಚಿತೋ ಮಯಾ।
‘‘‘Thīnaṃ adāsi pabbajjaṃ, sambuddho yācito mayā;
ತಸ್ಮಾ ಯಥಾಹಂ ನನ್ದಿಸ್ಸಂ, ತಥಾ ತಮನುತಿಟ್ಠಥ’॥
Tasmā yathāhaṃ nandissaṃ, tathā tamanutiṭṭhatha’.
೧೨೯.
129.
‘‘ತಾ ಏವಮನುಸಾಸಿತ್ವಾ, ಭಿಕ್ಖುನೀಹಿ ಪುರಕ್ಖತಾ।
‘‘Tā evamanusāsitvā, bhikkhunīhi purakkhatā;
ಉಪೇಚ್ಚ ಬುದ್ಧಂ ವನ್ದಿತ್ವಾ, ಇದಂ ವಚನಮಬ್ರವಿ॥
Upecca buddhaṃ vanditvā, idaṃ vacanamabravi.
೧೩೦.
130.
‘‘‘ಅಹಂ ಸುಗತ ತೇ ಮಾತಾ, ತ್ವಞ್ಚ ವೀರ ಪಿತಾ ಮಮ।
‘‘‘Ahaṃ sugata te mātā, tvañca vīra pitā mama;
೧೩೧.
131.
‘‘‘ಸಂವದ್ಧಿತೋಯಂ ಸುಗತ, ರೂಪಕಾಯೋ ಮಯಾ ತವ।
‘‘‘Saṃvaddhitoyaṃ sugata, rūpakāyo mayā tava;
೧೩೨.
132.
‘‘‘ಮುಹುತ್ತಂ ತಣ್ಹಾಸಮಣಂ, ಖೀರಂ ತ್ವಂ ಪಾಯಿತೋ ಮಯಾ।
‘‘‘Muhuttaṃ taṇhāsamaṇaṃ, khīraṃ tvaṃ pāyito mayā;
೧೩೩.
133.
ಪುತ್ತಕಾಮಾ ಥಿಯೋ ಯಾಚಂ, ಲಭನ್ತಿ ತಾದಿಸಂ ಸುತಂ॥
Puttakāmā thiyo yācaṃ, labhanti tādisaṃ sutaṃ.
೧೩೪.
134.
‘‘‘ಮನ್ಧಾತಾದಿನರಿನ್ದಾನಂ, ಯಾ ಮಾತಾ ಸಾ ಭವಣ್ಣವೇ।
‘‘‘Mandhātādinarindānaṃ, yā mātā sā bhavaṇṇave;
ನಿಮುಗ್ಗಾಹಂ ತಯಾ ಪುತ್ತ, ತಾರಿತಾ ಭವಸಾಗರಾ॥
Nimuggāhaṃ tayā putta, tāritā bhavasāgarā.
೧೩೫.
135.
‘‘‘ರಞ್ಞೋ ಮಾತಾ ಮಹೇಸೀತಿ, ಸುಲಭಂ ನಾಮಮಿತ್ಥಿನಂ।
‘‘‘Rañño mātā mahesīti, sulabhaṃ nāmamitthinaṃ;
ಬುದ್ಧಮಾತಾತಿ ಯಂ ನಾಮಂ, ಏತಂ ಪರಮದುಲ್ಲಭಂ॥
Buddhamātāti yaṃ nāmaṃ, etaṃ paramadullabhaṃ.
೧೩೬.
136.
‘‘‘ತಞ್ಚ ಲದ್ಧಂ ಮಹಾವೀರ, ಪಣಿಧಾನಂ ಮಮಂ ತಯಾ।
‘‘‘Tañca laddhaṃ mahāvīra, paṇidhānaṃ mamaṃ tayā;
ಅಣುಕಂ ವಾ ಮಹನ್ತಂ ವಾ, ತಂ ಸಬ್ಬಂ ಪೂರಿತಂ ಮಯಾ॥
Aṇukaṃ vā mahantaṃ vā, taṃ sabbaṃ pūritaṃ mayā.
೧೩೭.
137.
‘‘‘ಪರಿನಿಬ್ಬಾತುಮಿಚ್ಛಾಮಿ , ವಿಹಾಯೇಮಂ ಕಳೇವರಂ।
‘‘‘Parinibbātumicchāmi , vihāyemaṃ kaḷevaraṃ;
ಅನುಜಾನಾಹಿ ಮೇ ವೀರ, ದುಕ್ಖನ್ತಕರ ನಾಯಕ॥
Anujānāhi me vīra, dukkhantakara nāyaka.
೧೩೮.
138.
‘‘‘ಚಕ್ಕಙ್ಕುಸಧಜಾಕಿಣ್ಣೇ, ಪಾದೇ ಕಮಲಕೋಮಲೇ।
‘‘‘Cakkaṅkusadhajākiṇṇe, pāde kamalakomale;
೧೩೯.
139.
‘‘‘ಸುವಣ್ಣರಾಸಿಸಙ್ಕಾಸಂ, ಸರೀರಂ ಕುರು ಪಾಕಟಂ।
‘‘‘Suvaṇṇarāsisaṅkāsaṃ, sarīraṃ kuru pākaṭaṃ;
ಕತ್ವಾ ದೇಹಂ ಸುದಿಟ್ಠಂ ತೇ, ಸನ್ತಿಂ ಗಚ್ಛಾಮಿ ನಾಯಕ’॥
Katvā dehaṃ sudiṭṭhaṃ te, santiṃ gacchāmi nāyaka’.
೧೪೦.
140.
‘‘ದ್ವತ್ತಿಂಸಲಕ್ಖಣೂಪೇತಂ, ಸುಪ್ಪಭಾಲಙ್ಕತಂ ತನುಂ।
‘‘Dvattiṃsalakkhaṇūpetaṃ, suppabhālaṅkataṃ tanuṃ;
ಸಞ್ಝಾಘನಾವ ಬಾಲಕ್ಕಂ, ಮಾತುಚ್ಛಂ ದಸ್ಸಯೀ ಜಿನೋ॥
Sañjhāghanāva bālakkaṃ, mātucchaṃ dassayī jino.
೧೪೧.
141.
‘‘ಫುಲ್ಲಾರವಿನ್ದಸಂಕಾಸೇ, ತರುಣಾದಿಚ್ಚಸಪ್ಪಭೇ।
‘‘Phullāravindasaṃkāse, taruṇādiccasappabhe;
ಚಕ್ಕಙ್ಕಿತೇ ಪಾದತಲೇ, ತತೋ ಸಾ ಸಿರಸಾ ಪತಿ॥
Cakkaṅkite pādatale, tato sā sirasā pati.
೧೪೨.
142.
‘‘‘ಪಣಮಾಮಿ ನರಾದಿಚ್ಚ, ಆದಿಚ್ಚಕುಲಕೇತುಕಂ।
‘‘‘Paṇamāmi narādicca, ādiccakulaketukaṃ;
೧೪೩.
143.
‘‘‘ಇತ್ಥಿಯೋ ನಾಮ ಲೋಕಗ್ಗ, ಸಬ್ಬದೋಸಾಕರಾ ಮತಾ।
‘‘‘Itthiyo nāma lokagga, sabbadosākarā matā;
ಯದಿ ಕೋ ಚತ್ಥಿ ದೋಸೋ ಮೇ, ಖಮಸ್ಸು ಕರುಣಾಕರ॥
Yadi ko catthi doso me, khamassu karuṇākara.
೧೪೪.
144.
‘‘‘ಇತ್ಥಿಕಾನಞ್ಚ ಪಬ್ಬಜ್ಜಂ, ಹಂ ತಂ ಯಾಚಿಂ ಪುನಪ್ಪುನಂ।
‘‘‘Itthikānañca pabbajjaṃ, haṃ taṃ yāciṃ punappunaṃ;
ತತ್ಥ ಚೇ ಅತ್ಥಿ ದೋಸೋ ಮೇ, ತಂ ಖಮಸ್ಸು ನರಾಸಭ॥
Tattha ce atthi doso me, taṃ khamassu narāsabha.
೧೪೫.
145.
‘‘‘ಮಯಾ ಭಿಕ್ಖುನಿಯೋ ವೀರ, ತವಾನುಞ್ಞಾಯ ಸಾಸಿತಾ।
‘‘‘Mayā bhikkhuniyo vīra, tavānuññāya sāsitā;
೧೪೬.
146.
‘‘‘ಅಕ್ಖನ್ತೇ ನಾಮ ಖನ್ತಬ್ಬಂ, ಕಿಂ ಭವೇ ಗುಣಭೂಸನೇ।
‘‘‘Akkhante nāma khantabbaṃ, kiṃ bhave guṇabhūsane;
ಕಿಮುತ್ತರಂ ತೇ ವಕ್ಖಾಮಿ, ನಿಬ್ಬಾನಾಯ ವಜನ್ತಿಯಾ॥
Kimuttaraṃ te vakkhāmi, nibbānāya vajantiyā.
೧೪೭.
147.
‘‘‘ಸುದ್ಧೇ ಅನೂನೇ ಮಮ ಭಿಕ್ಖುಸಙ್ಘೇ, ಲೋಕಾ ಇತೋ ನಿಸ್ಸರಿತುಂ ಖಮನ್ತೇ।
‘‘‘Suddhe anūne mama bhikkhusaṅghe, lokā ito nissarituṃ khamante;
ಪಭಾತಕಾಲೇ ಬ್ಯಸನಙ್ಗತಾನಂ, ದಿಸ್ವಾನ ನಿಯ್ಯಾತಿವ ಚನ್ದಲೇಖಾ’॥
Pabhātakāle byasanaṅgatānaṃ, disvāna niyyātiva candalekhā’.
೧೪೮.
148.
‘‘‘ತದೇತರಾ ಭಿಕ್ಖುನಿಯೋ ಜಿನಗ್ಗಂ, ತಾರಾವ ಚನ್ದಾನುಗತಾ ಸುಮೇರುಂ।
‘‘‘Tadetarā bhikkhuniyo jinaggaṃ, tārāva candānugatā sumeruṃ;
ಪದಕ್ಖಿಣಂ ಕಚ್ಚ ನಿಪಚ್ಚ ಪಾದೇ, ಠಿತಾ ಮುಖನ್ತಂ ಸಮುದಿಕ್ಖಮಾನಾ॥
Padakkhiṇaṃ kacca nipacca pāde, ṭhitā mukhantaṃ samudikkhamānā.
೧೪೯.
149.
‘‘‘ನ ತಿತ್ತಿಪುಬ್ಬಂ ತವ ದಸ್ಸನೇನ, ಚಕ್ಖುಂ ನ ಸೋತಂ ತವ ಭಾಸಿತೇನ।
‘‘‘Na tittipubbaṃ tava dassanena, cakkhuṃ na sotaṃ tava bhāsitena;
ಚಿತ್ತಂ ಮಮಂ ಕೇವಲಮೇಕಮೇವ, ಪಪ್ಪುಯ್ಯ ತಂ ಧಮ್ಮರಸೇನ ತಿತ್ತಿ॥
Cittaṃ mamaṃ kevalamekameva, pappuyya taṃ dhammarasena titti.
೧೫೦.
150.
‘‘‘ನದತೋ ಪರಿಸಾಯಂ ತೇ, ವಾದಿತಬ್ಬಪಹಾರಿನೋ।
‘‘‘Nadato parisāyaṃ te, vāditabbapahārino;
ಯೇ ತೇ ದಕ್ಖನ್ತಿ ವದನಂ, ಧಞ್ಞಾ ತೇ ನರಪುಙ್ಗವ॥
Ye te dakkhanti vadanaṃ, dhaññā te narapuṅgava.
೧೫೧.
151.
‘‘‘ದೀಘಙ್ಗುಲೀ ತಮ್ಬನಖೇ, ಸುಭೇ ಆಯತಪಣ್ಹಿಕೇ।
‘‘‘Dīghaṅgulī tambanakhe, subhe āyatapaṇhike;
೧೫೨.
152.
‘‘‘ಮಧುರಾನಿ ಪಹಟ್ಠಾನಿ, ದೋಸಗ್ಘಾನಿ ಹಿತಾನಿ ಚ।
‘‘‘Madhurāni pahaṭṭhāni, dosagghāni hitāni ca;
ಯೇ ತೇ ವಾಕ್ಯಾನಿ ಸುಯ್ಯನ್ತಿ, ತೇಪಿ ಧಞ್ಞಾ ನರುತ್ತಮ॥
Ye te vākyāni suyyanti, tepi dhaññā naruttama.
೧೫೩.
153.
ತಿಣ್ಣಸಂಸಾರಕನ್ತಾರಾ, ಸುವಾಕ್ಯೇನ ಸಿರೀಮತೋ’॥
Tiṇṇasaṃsārakantārā, suvākyena sirīmato’.
೧೫೪.
154.
ರಾಹುಲಾನನ್ದನನ್ದೇ ಚ, ವನ್ದಿತ್ವಾ ಇದಮಬ್ರವಿ॥
Rāhulānandanande ca, vanditvā idamabravi.
೧೫೫.
155.
‘‘‘ಆಸೀವಿಸಾಲಯಸಮೇ, ರೋಗಾವಾಸೇ ಕಳೇವರೇ।
‘‘‘Āsīvisālayasame, rogāvāse kaḷevare;
ನಿಬ್ಬಿನ್ದಾ ದುಕ್ಖಸಙ್ಘಾಟೇ, ಜರಾಮರಣಗೋಚರೇ॥
Nibbindā dukkhasaṅghāṭe, jarāmaraṇagocare.
೧೫೬.
156.
ತೇನ ನಿಬ್ಬಾತುಮಿಚ್ಛಾಮಿ, ಅನುಮಞ್ಞಥ ಪುತ್ತಕಾ’॥
Tena nibbātumicchāmi, anumaññatha puttakā’.
೧೫೭.
157.
‘‘ನನ್ದೋ ರಾಹುಲಭದ್ದೋ ಚ, ವೀತಸೋಕಾ ನಿರಾಸವಾ।
‘‘Nando rāhulabhaddo ca, vītasokā nirāsavā;
ಠಿತಾಚಲಟ್ಠಿತಿ ಥಿರಾ, ಧಮ್ಮತಮನುಚಿನ್ತಯುಂ॥
Ṭhitācalaṭṭhiti thirā, dhammatamanucintayuṃ.
೧೫೮.
158.
‘‘‘ಧಿರತ್ಥು ಸಙ್ಖತಂ ಲೋಲಂ, ಅಸಾರಂ ಕದಲೂಪಮಂ।
‘‘‘Dhiratthu saṅkhataṃ lolaṃ, asāraṃ kadalūpamaṃ;
ಮಾಯಾಮರೀಚಿಸದಿಸಂ, ಇತರಂ ಅನವಟ್ಠಿತಂ॥
Māyāmarīcisadisaṃ, itaraṃ anavaṭṭhitaṃ.
೧೫೯.
159.
‘‘‘ಯತ್ಥ ನಾಮ ಜಿನಸ್ಸಾಯಂ, ಮಾತುಚ್ಛಾ ಬುದ್ಧಪೋಸಿಕಾ।
‘‘‘Yattha nāma jinassāyaṃ, mātucchā buddhaposikā;
ಗೋತಮೀ ನಿಧನಂ ಯಾತಿ, ಅನಿಚ್ಚಂ ಸಬ್ಬಸಙ್ಖತಂ’॥
Gotamī nidhanaṃ yāti, aniccaṃ sabbasaṅkhataṃ’.
೧೬೦.
160.
ತತ್ಥಸ್ಸೂನಿ ಕರೋನ್ತೋ ಸೋ, ಕರುಣಂ ಪರಿದೇವತಿ॥
Tatthassūni karonto so, karuṇaṃ paridevati.
೧೬೧.
161.
‘‘ಹಾ ಸನ್ತಿಂ 43 ಗೋತಮೀ ಯಾತಿ, ನೂನ ಬುದ್ಧೋಪಿ ನಿಬ್ಬುತಿಂ।
‘‘Hā santiṃ 44 gotamī yāti, nūna buddhopi nibbutiṃ;
ಗಚ್ಛತಿ ನ ಚಿರೇನೇವ, ಅಗ್ಗಿರಿವ ನಿರಿನ್ಧನೋ॥
Gacchati na cireneva, aggiriva nirindhano.
೧೬೨.
162.
‘‘ಏವಂ ವಿಲಾಪಮಾನಂ ತಂ, ಆನನ್ದಂ ಆಹ ಗೋತಮೀ।
‘‘Evaṃ vilāpamānaṃ taṃ, ānandaṃ āha gotamī;
ಸುತಸಾಗರಗಮ್ಭೀರ , ಬುದ್ಧೋಪಟ್ಠಾನತಪ್ಪರ॥
Sutasāgaragambhīra , buddhopaṭṭhānatappara.
೧೬೩.
163.
‘‘‘ನ ಯುತ್ತಂ ಸೋಚಿತುಂ ಪುತ್ತ, ಹಾಸಕಾಲೇ ಉಪಟ್ಠಿತೇ।
‘‘‘Na yuttaṃ socituṃ putta, hāsakāle upaṭṭhite;
ತಯಾ ಮೇ ಸರಣಂ ಪುತ್ತ, ನಿಬ್ಬಾನಂ ತಮುಪಾಗತಂ॥
Tayā me saraṇaṃ putta, nibbānaṃ tamupāgataṃ.
೧೬೪.
164.
‘‘‘ತಯಾ ತಾತ ಸಮಜ್ಝಿಟ್ಠೋ, ಪಬ್ಬಜ್ಜಂ ಅನುಜಾನಿ ನೋ।
‘‘‘Tayā tāta samajjhiṭṭho, pabbajjaṃ anujāni no;
ಮಾ ಪುತ್ತ ವಿಮನೋ ಹೋಹಿ, ಸಫಲೋ ತೇ ಪರಿಸ್ಸಮೋ॥
Mā putta vimano hohi, saphalo te parissamo.
೧೬೫.
165.
‘‘‘ಯಂ ನ ದಿಟ್ಠಂ ಪುರಾಣೇಹಿ, ತಿತ್ಥಿಕಾಚರಿಯೇಹಿಪಿ।
‘‘‘Yaṃ na diṭṭhaṃ purāṇehi, titthikācariyehipi;
ತಂ ಪದಂ ಸುಕುಮಾರೀಹಿ, ಸತ್ತವಸ್ಸಾಹಿ ವೇದಿತಂ॥
Taṃ padaṃ sukumārīhi, sattavassāhi veditaṃ.
೧೬೬.
166.
‘‘‘ಬುದ್ಧಸಾಸನಪಾಲೇತ, ಪಚ್ಛಿಮಂ ದಸ್ಸನಂ ತವ।
‘‘‘Buddhasāsanapāleta, pacchimaṃ dassanaṃ tava;
ತತ್ಥ ಗಚ್ಛಾಮಹಂ ಪುತ್ತ, ಗತೋ ಯತ್ಥ ನ ದಿಸ್ಸತೇ॥
Tattha gacchāmahaṃ putta, gato yattha na dissate.
೧೬೭.
167.
‘‘‘ಕದಾಚಿ ಧಮ್ಮಂ ದೇಸೇನ್ತೋ, ಖಿಪೀ ಲೋಕಗ್ಗನಾಯಕೋ।
‘‘‘Kadāci dhammaṃ desento, khipī lokagganāyako;
ತದಾಹಂ ಆಸೀಸವಾಚಂ, ಅವೋಚಂ ಅನುಕಮ್ಪಿಕಾ॥
Tadāhaṃ āsīsavācaṃ, avocaṃ anukampikā.
೧೬೮.
168.
‘‘‘ಚಿರಂ ಜೀವ ಮಹಾವೀರ, ಕಪ್ಪಂ ತಿಟ್ಠ ಮಹಾಮುನೇ।
‘‘‘Ciraṃ jīva mahāvīra, kappaṃ tiṭṭha mahāmune;
ಸಬ್ಬಲೋಕಸ್ಸ ಅತ್ಥಾಯ, ಭವಸ್ಸು ಅಜರಾಮರೋ॥
Sabbalokassa atthāya, bhavassu ajarāmaro.
೧೬೯.
169.
‘‘‘ತಂ ತಥಾವಾದಿನಿಂ ಬುದ್ಧೋ, ಮಮಂ ಸೋ ಏತದಬ್ರವಿ।
‘‘‘Taṃ tathāvādiniṃ buddho, mamaṃ so etadabravi;
‘ನ ಹೇವಂ ವನ್ದಿಯಾ ಬುದ್ಧಾ, ಯಥಾ ವನ್ದಸಿ ಗೋತಮೀ॥
‘Na hevaṃ vandiyā buddhā, yathā vandasi gotamī.
೧೭೦.
170.
‘‘‘ಕಥಂ ಚರಹಿ ಸಬ್ಬಞ್ಞೂ, ವನ್ದಿತಬ್ಬಾ ತಥಾಗತಾ।
‘‘‘Kathaṃ carahi sabbaññū, vanditabbā tathāgatā;
ಕಥಂ ಅವನ್ದಿಯಾ ಬುದ್ಧಾ, ತಂ ಮೇ ಅಕ್ಖಾಹಿ ಪುಚ್ಛಿತೋ॥
Kathaṃ avandiyā buddhā, taṃ me akkhāhi pucchito.
೧೭೧.
171.
‘‘‘ಆರದ್ಧವೀರಿಯೇ ಪಹಿತತ್ತೇ, ನಿಚ್ಚಂ ದಳ್ಹಪರಕ್ಕಮೇ।
‘‘‘Āraddhavīriye pahitatte, niccaṃ daḷhaparakkame;
ಸಮಗ್ಗೇ ಸಾವಕೇ ಪಸ್ಸ, ಏತಂ ಬುದ್ಧಾನವನ್ದನಂ॥
Samagge sāvake passa, etaṃ buddhānavandanaṃ.
೧೭೨.
172.
‘‘‘ತತೋ ಉಪಸ್ಸಯಂ ಗನ್ತ್ವಾ, ಏಕಿಕಾಹಂ ವಿಚಿನ್ತಯಿಂ।
‘‘‘Tato upassayaṃ gantvā, ekikāhaṃ vicintayiṃ;
ಸಮಗ್ಗಪರಿಸಂ ನಾಥೋ, ರೋಧೇಸಿ ತಿಭವನ್ತಗೋ॥
Samaggaparisaṃ nātho, rodhesi tibhavantago.
೧೭೩.
173.
‘‘‘ಹನ್ದಾಹಂ ಪರಿನಿಬ್ಬಿಸ್ಸಂ, ಮಾ ವಿಪತ್ತಿತಮದ್ದಸಂ।
‘‘‘Handāhaṃ parinibbissaṃ, mā vipattitamaddasaṃ;
ಏವಾಹಂ ಚಿನ್ತಯಿತ್ವಾನ, ದಿಸ್ವಾನ ಇಸಿಸತ್ತಮಂ॥
Evāhaṃ cintayitvāna, disvāna isisattamaṃ.
೧೭೪.
174.
ತತೋ ಸೋ ಸಮನುಞ್ಞಾಸಿ, ಕಾಲಂ ಜಾನಾಹಿ ಗೋತಮೀ॥
Tato so samanuññāsi, kālaṃ jānāhi gotamī.
೧೭೫.
175.
‘‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವಾ॥
‘‘‘Kilesā jhāpitā mayhaṃ…pe… viharāmi anāsavā.
೧೭೬.
176.
‘‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘‘Svāgataṃ vata me āsi…pe… kataṃ buddhassa sāsanaṃ.
೧೭೭.
177.
‘‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘‘Paṭisambhidā catasso…pe… kataṃ buddhassa sāsanaṃ.
೧೭೮.
178.
‘‘‘ಥೀನಂ ಧಮ್ಮಾಭಿಸಮಯೇ, ಯೇ ಬಾಲಾ ವಿಮತಿಂ ಗತಾ।
‘‘‘Thīnaṃ dhammābhisamaye, ye bālā vimatiṃ gatā;
ತೇಸಂ ದಿಟ್ಠಿಪ್ಪಹಾನತ್ಥಂ, ಇದ್ಧಿಂ ದಸ್ಸೇಹಿ ಗೋತಮೀ’॥
Tesaṃ diṭṭhippahānatthaṃ, iddhiṃ dassehi gotamī’.
೧೭೯.
179.
‘‘ತದಾ ನಿಪಚ್ಚ ಸಮ್ಬುದ್ಧಂ, ಉಪ್ಪತಿತ್ವಾನ ಅಮ್ಬರಂ।
‘‘Tadā nipacca sambuddhaṃ, uppatitvāna ambaraṃ;
ಇದ್ಧೀ ಅನೇಕಾ ದಸ್ಸೇಸಿ, ಬುದ್ಧಾನುಞ್ಞಾಯ ಗೋತಮೀ॥
Iddhī anekā dassesi, buddhānuññāya gotamī.
೧೮೦.
180.
‘‘ಏಕಿಕಾ ಬಹುಧಾ ಆಸಿ, ಬಹುಕಾ ಚೇತಿಕಾ ತಥಾ।
‘‘Ekikā bahudhā āsi, bahukā cetikā tathā;
೧೮೧.
181.
‘‘ಅಸಜ್ಜಮಾನಾ ಅಗಮಾ, ಭೂಮಿಯಮ್ಪಿ ನಿಮುಜ್ಜಥ।
‘‘Asajjamānā agamā, bhūmiyampi nimujjatha;
ಅಭಿಜ್ಜಮಾನೇ ಉದಕೇ, ಅಗಞ್ಛಿ ಮಹಿಯಾ ಯಥಾ॥
Abhijjamāne udake, agañchi mahiyā yathā.
೧೮೨.
182.
‘‘ಸಕುಣೀವ ತಥಾಕಾಸೇ, ಪಲ್ಲಙ್ಕೇನ ಕಮೀ ತದಾ।
‘‘Sakuṇīva tathākāse, pallaṅkena kamī tadā;
ವಸಂ ವತ್ತೇಸಿ ಕಾಯೇನ, ಯಾವ ಬ್ರಹ್ಮನಿವೇಸನಂ॥
Vasaṃ vattesi kāyena, yāva brahmanivesanaṃ.
೧೮೩.
183.
‘‘ಸಿನೇರುಂ ದಣ್ಡಂ ಕತ್ವಾನ, ಛತ್ತಂ ಕತ್ವಾ ಮಹಾಮಹಿಂ।
‘‘Sineruṃ daṇḍaṃ katvāna, chattaṃ katvā mahāmahiṃ;
ಸಮೂಲಂ ಪರಿವತ್ತೇತ್ವಾ, ಧಾರಯಂ ಚಙ್ಕಮೀ ನಭೇ॥
Samūlaṃ parivattetvā, dhārayaṃ caṅkamī nabhe.
೧೮೪.
184.
‘‘ಛಸ್ಸೂರೋದಯಕಾಲೇವ, ಲೋಕಞ್ಚಾಕಾಸಿ ಧೂಮಿಕಂ।
‘‘Chassūrodayakāleva, lokañcākāsi dhūmikaṃ;
ಯುಗನ್ತೇ ವಿಯ ಲೋಕಂ ಸಾ, ಜಾಲಾಮಾಲಾಕುಲಂ ಅಕಾ॥
Yugante viya lokaṃ sā, jālāmālākulaṃ akā.
೧೮೫.
185.
ಸಾಸಪಾರಿವ ಸಬ್ಬಾನಿ, ಏಕೇನಗ್ಗಹಿ ಮುಟ್ಠಿನಾ॥
Sāsapāriva sabbāni, ekenaggahi muṭṭhinā.
೧೮೬.
186.
‘‘ಅಙ್ಗುಲಗ್ಗೇನ ಛಾದೇಸಿ, ಭಾಕರಂ ಸನಿಸಾಕರಂ।
‘‘Aṅgulaggena chādesi, bhākaraṃ sanisākaraṃ;
ಚನ್ದಸೂರಸಹಸ್ಸಾನಿ, ಆವೇಳಮಿವ ಧಾರಯಿ॥
Candasūrasahassāni, āveḷamiva dhārayi.
೧೮೭.
187.
‘‘ಚತುಸಾಗರತೋಯಾನಿ, ಧಾರಯೀ ಏಕಪಾಣಿನಾ।
‘‘Catusāgaratoyāni, dhārayī ekapāṇinā;
ಯುಗನ್ತಜಲದಾಕಾರಂ, ಮಹಾವಸ್ಸಂ ಪವಸ್ಸಥ॥
Yugantajaladākāraṃ, mahāvassaṃ pavassatha.
೧೮೮.
188.
‘‘ಚಕ್ಕವತ್ತಿಂ ಸಪರಿಸಂ, ಮಾಪಯೀ ಸಾ ನಭತ್ತಲೇ।
‘‘Cakkavattiṃ saparisaṃ, māpayī sā nabhattale;
ಗರುಳಂ ದ್ವಿರದಂ ಸೀಹಂ, ವಿನದನ್ತಂ ಪದಸ್ಸಯಿ॥
Garuḷaṃ dviradaṃ sīhaṃ, vinadantaṃ padassayi.
೧೮೯.
189.
‘‘ಏಕಿಕಾ ಅಭಿನಿಮ್ಮಿತ್ವಾ, ಅಪ್ಪಮೇಯ್ಯಂ ಭಿಕ್ಖುನೀಗಣಂ।
‘‘Ekikā abhinimmitvā, appameyyaṃ bhikkhunīgaṇaṃ;
ಪುನ ಅನ್ತರಧಾಪೇತ್ವಾ, ಏಕಿಕಾ ಮುನಿಮಬ್ರವಿ॥
Puna antaradhāpetvā, ekikā munimabravi.
೧೯೦.
190.
‘‘‘ಮಾತುಚ್ಛಾ ತೇ ಮಹಾವೀರ, ತವ ಸಾಸನಕಾರಿಕಾ।
‘‘‘Mātucchā te mahāvīra, tava sāsanakārikā;
ಅನುಪ್ಪತ್ತಾ ಸಕಂ ಅತ್ಥಂ, ಪಾದೇ ವನ್ದಾಮಿ ಚಕ್ಖುಮ’॥
Anuppattā sakaṃ atthaṃ, pāde vandāmi cakkhuma’.
೧೯೧.
191.
‘‘ದಸ್ಸೇತ್ವಾ ವಿವಿಧಾ ಇದ್ಧೀ, ಓರೋಹಿತ್ವಾ ನಭತ್ತಲಾ।
‘‘Dassetvā vividhā iddhī, orohitvā nabhattalā;
ವನ್ದಿತ್ವಾ ಲೋಕಪಜ್ಜೋತಂ, ಏಕಮನ್ತಂ ನಿಸೀದಿ ಸಾ॥
Vanditvā lokapajjotaṃ, ekamantaṃ nisīdi sā.
೧೯೨.
192.
‘‘ಸಾ ವೀಸವಸ್ಸಸತಿಕಾ, ಜಾತಿಯಾಹಂ ಮಹಾಮುನೇ।
‘‘Sā vīsavassasatikā, jātiyāhaṃ mahāmune;
ಅಲಮೇತ್ತಾವತಾ ವೀರ, ನಿಬ್ಬಾಯಿಸ್ಸಾಮಿ ನಾಯಕ॥
Alamettāvatā vīra, nibbāyissāmi nāyaka.
೧೯೩.
193.
‘‘ತದಾತಿವಿಮ್ಹಿತಾ ಸಬ್ಬಾ, ಪರಿಸಾ ಸಾ ಕತಞ್ಜಲೀ।
‘‘Tadātivimhitā sabbā, parisā sā katañjalī;
ಅವೋಚಯ್ಯೇ ಕಥಂ ಆಸಿ, ಅತುಲಿದ್ಧಿಪರಕ್ಕಮಾ॥
Avocayye kathaṃ āsi, atuliddhiparakkamā.
೧೯೪.
194.
‘‘ಪದುಮುತ್ತರೋ ನಾಮ ಜಿನೋ, ಸಬ್ಬಧಮ್ಮೇಸು ಚಕ್ಖುಮಾ।
‘‘Padumuttaro nāma jino, sabbadhammesu cakkhumā;
ಇತೋ ಸತಸಹಸ್ಸಮ್ಹಿ, ಕಪ್ಪೇ ಉಪ್ಪಜ್ಜಿ ನಾಯಕೋ॥
Ito satasahassamhi, kappe uppajji nāyako.
೧೯೫.
195.
‘‘ತದಾಹಂ ಹಂಸವತಿಯಂ, ಜಾತಾಮಚ್ಚಕುಲೇ ಅಹುಂ।
‘‘Tadāhaṃ haṃsavatiyaṃ, jātāmaccakule ahuṃ;
ಸಬ್ಬೋಪಕಾರಸಮ್ಪನ್ನೇ, ಇದ್ಧೇ ಫೀತೇ ಮಹದ್ಧನೇ॥
Sabbopakārasampanne, iddhe phīte mahaddhane.
೧೯೬.
196.
‘‘ಕದಾಚಿ ಪಿತುನಾ ಸದ್ಧಿಂ, ದಾಸಿಗಣಪುರಕ್ಖತಾ।
‘‘Kadāci pitunā saddhiṃ, dāsigaṇapurakkhatā;
ಮಹತಾ ಪರಿವಾರೇನ, ತಂ ಉಪೇಚ್ಚ ನರಾಸಭಂ॥
Mahatā parivārena, taṃ upecca narāsabhaṃ.
೧೯೭.
197.
೧೯೮.
198.
‘‘ದಿಸ್ವಾ ಚಿತ್ತಂ ಪಸಾದೇತ್ವಾ, ಸುತ್ವಾ ಚಸ್ಸ ಸುಭಾಸಿತಂ।
‘‘Disvā cittaṃ pasādetvā, sutvā cassa subhāsitaṃ;
ಮಾತುಚ್ಛಂ ಭಿಕ್ಖುನಿಂ ಅಗ್ಗೇ, ಠಪೇನ್ತಂ ನರನಾಯಕಂ॥
Mātucchaṃ bhikkhuniṃ agge, ṭhapentaṃ naranāyakaṃ.
೧೯೯.
199.
‘‘ಸುತ್ವಾ ದತ್ವಾ ಮಹಾದಾನಂ, ಸತ್ತಾಹಂ ತಸ್ಸ ತಾದಿನೋ।
‘‘Sutvā datvā mahādānaṃ, sattāhaṃ tassa tādino;
ಸಸಙ್ಘಸ್ಸ ನರಗ್ಗಸ್ಸ, ಪಚ್ಚಯಾನಿ ಬಹೂನಿ ಚ॥
Sasaṅghassa naraggassa, paccayāni bahūni ca.
೨೦೦.
200.
‘‘ನಿಪಚ್ಚ ಪಾದಮೂಲಮ್ಹಿ, ತಂ ಠಾನಮಭಿಪತ್ಥಯಿಂ।
‘‘Nipacca pādamūlamhi, taṃ ṭhānamabhipatthayiṃ;
ತತೋ ಮಹಾಪರಿಸತಿಂ, ಅವೋಚ ಇಸಿಸತ್ತಮೋ॥
Tato mahāparisatiṃ, avoca isisattamo.
೨೦೧.
201.
‘‘‘ಯಾ ಸಸಙ್ಘಂ ಅಭೋಜೇಸಿ, ಸತ್ತಾಹಂ ಲೋಕನಾಯಕಂ।
‘‘‘Yā sasaṅghaṃ abhojesi, sattāhaṃ lokanāyakaṃ;
ತಮಹಂ ಕಿತ್ತಯಿಸ್ಸಾಮಿ, ಸುಣಾಥ ಮಮ ಭಾಸತೋ॥
Tamahaṃ kittayissāmi, suṇātha mama bhāsato.
೨೦೨.
202.
‘‘‘ಸತಸಹಸ್ಸಿತೋ ಕಪ್ಪೇ, ಓಕ್ಕಾಕಕುಲಸಮ್ಭವೋ।
‘‘‘Satasahassito kappe, okkākakulasambhavo;
ಗೋತಮೋ ನಾಮ ಗೋತ್ತೇನ, ಸತ್ಥಾ ಲೋಕೇ ಭವಿಸ್ಸತಿ॥
Gotamo nāma gottena, satthā loke bhavissati.
೨೦೩.
203.
‘‘‘ತಸ್ಸ ಧಮ್ಮೇಸು ದಾಯಾದಾ, ಓರಸಾ ಧಮ್ಮನಿಮ್ಮಿತಾ।
‘‘‘Tassa dhammesu dāyādā, orasā dhammanimmitā;
ಗೋತಮೀ ನಾಮ ನಾಮೇನ, ಹೇಸ್ಸತಿ ಸತ್ಥು ಸಾವಿಕಾ॥
Gotamī nāma nāmena, hessati satthu sāvikā.
೨೦೪.
204.
ರತ್ತಞ್ಞೂನಞ್ಚ ಅಗ್ಗತ್ತಂ, ಭಿಕ್ಖುನೀನಂ ಲಭಿಸ್ಸತಿ’॥
Rattaññūnañca aggattaṃ, bhikkhunīnaṃ labhissati’.
೨೦೫.
205.
ಪಚ್ಚಯೇಹಿ ಉಪಟ್ಠಿತ್ವಾ, ತತೋ ಕಾಲಙ್ಕತಾ ಅಹಂ॥
Paccayehi upaṭṭhitvā, tato kālaṅkatā ahaṃ.
೨೦೬.
206.
‘‘ತಾವತಿಂಸೇಸು ದೇವೇಸು, ಸಬ್ಬಕಾಮಸಮಿದ್ಧಿಸು।
‘‘Tāvatiṃsesu devesu, sabbakāmasamiddhisu;
ನಿಬ್ಬತ್ತಾ ದಸಹಙ್ಗೇಹಿ, ಅಞ್ಞೇ ಅಭಿಭವಿಂ ಅಹಂ॥
Nibbattā dasahaṅgehi, aññe abhibhaviṃ ahaṃ.
೨೦೭.
207.
‘‘ರೂಪಸದ್ದೇಹಿ ಗನ್ಧೇಹಿ, ರಸೇಹಿ ಫುಸನೇಹಿ ಚ।
‘‘Rūpasaddehi gandhehi, rasehi phusanehi ca;
ಆಯುನಾಪಿ ಚ ವಣ್ಣೇನ, ಸುಖೇನ ಯಸಸಾಪಿ ಚ॥
Āyunāpi ca vaṇṇena, sukhena yasasāpi ca.
೨೦೮.
208.
‘‘ತಥೇವಾಧಿಪತೇಯ್ಯೇನ, ಅಧಿಗಯ್ಹ ವಿರೋಚಹಂ।
‘‘Tathevādhipateyyena, adhigayha virocahaṃ;
ಅಹೋಸಿಂ ಅಮರಿನ್ದಸ್ಸ, ಮಹೇಸೀ ದಯಿತಾ ತಹಿಂ॥
Ahosiṃ amarindassa, mahesī dayitā tahiṃ.
೨೦೯.
209.
‘‘ಸಂಸಾರೇ ಸಂಸರನ್ತೀಹಂ, ಕಮ್ಮವಾಯುಸಮೇರಿತಾ।
‘‘Saṃsāre saṃsarantīhaṃ, kammavāyusameritā;
ಕಾಸಿಸ್ಸ ರಞ್ಞೋ ವಿಸಯೇ, ಅಜಾಯಿಂ ದಾಸಗಾಮಕೇ॥
Kāsissa rañño visaye, ajāyiṃ dāsagāmake.
೨೧೦.
210.
‘‘ಪಞ್ಚದಾಸಸತಾನೂನಾ, ನಿವಸನ್ತಿ ತಹಿಂ ತದಾ।
‘‘Pañcadāsasatānūnā, nivasanti tahiṃ tadā;
ಸಬ್ಬೇಸಂ ತತ್ಥ ಯೋ ಜೇಟ್ಠೋ, ತಸ್ಸ ಜಾಯಾ ಅಹೋಸಹಂ॥
Sabbesaṃ tattha yo jeṭṭho, tassa jāyā ahosahaṃ.
೨೧೧.
211.
‘‘ಸಯಮ್ಭುನೋ ಪಞ್ಚಸತಾ, ಗಾಮಂ ಪಿಣ್ಡಾಯ ಪಾವಿಸುಂ।
‘‘Sayambhuno pañcasatā, gāmaṃ piṇḍāya pāvisuṃ;
೨೧೨.
212.
೨೧೩.
213.
‘‘ತತೋ ಚುತಾ ಸಬ್ಬಾಪಿ ತಾ, ತಾವತಿಂಸಗತಾ ಮಯಂ।
‘‘Tato cutā sabbāpi tā, tāvatiṃsagatā mayaṃ;
ಪಚ್ಛಿಮೇ ಚ ಭವೇ ದಾನಿ, ಜಾತಾ ದೇವದಹೇ ಪುರೇ॥
Pacchime ca bhave dāni, jātā devadahe pure.
೨೧೪.
214.
‘‘ಪಿತಾ ಅಞ್ಜನಸಕ್ಕೋ ಮೇ, ಮಾತಾ ಮಮ ಸುಲಕ್ಖಣಾ।
‘‘Pitā añjanasakko me, mātā mama sulakkhaṇā;
ತತೋ ಕಪಿಲವತ್ಥುಸ್ಮಿಂ, ಸುದ್ಧೋದನಘರಂ ಗತಾ॥
Tato kapilavatthusmiṃ, suddhodanagharaṃ gatā.
೨೧೫.
215.
ಅಹಂ ವಿಸಿಟ್ಠಾ ಸಬ್ಬಾಸಂ, ಜಿನಸ್ಸಾಪಾದಿಕಾ ಅಹುಂ॥
Ahaṃ visiṭṭhā sabbāsaṃ, jinassāpādikā ahuṃ.
೨೧೬.
216.
ಪಚ್ಛಾಹಂ ಪಬ್ಬಜಿತ್ವಾನ, ಸತೇಹಿ ಸಹ ಪಞ್ಚಹಿ॥
Pacchāhaṃ pabbajitvāna, satehi saha pañcahi.
೨೧೭.
217.
‘‘ಸಾಕಿಯಾನೀಹಿ ಧೀರಾಹಿ, ಸಹ ಸನ್ತಿಸುಖಂ ಫುಸಿಂ।
‘‘Sākiyānīhi dhīrāhi, saha santisukhaṃ phusiṃ;
ಯೇ ತದಾ ಪುಬ್ಬಜಾತಿಯಂ, ಅಮ್ಹಾಕಂ ಆಸು ಸಾಮಿನೋ॥
Ye tadā pubbajātiyaṃ, amhākaṃ āsu sāmino.
೨೧೮.
218.
‘‘ಸಹಪುಞ್ಞಸ್ಸ ಕತ್ತಾರೋ, ಮಹಾಸಮಯಕಾರಕಾ।
‘‘Sahapuññassa kattāro, mahāsamayakārakā;
ಫುಸಿಂಸು ಅರಹತ್ತಂ ತೇ, ಸುಗತೇನಾನುಕಮ್ಪಿತಾ॥
Phusiṃsu arahattaṃ te, sugatenānukampitā.
೨೧೯.
219.
‘‘ತದೇತರಾ ಭಿಕ್ಖುನಿಯೋ, ಆರುಹಿಂಸು ನಭತ್ತಲಂ।
‘‘Tadetarā bhikkhuniyo, āruhiṃsu nabhattalaṃ;
೨೨೦.
220.
‘‘ಇದ್ಧೀ ಅನೇಕಾ ದಸ್ಸೇಸುಂ, ಪಿಳನ್ಧವಿಕತಿಂ ಯಥಾ।
‘‘Iddhī anekā dassesuṃ, piḷandhavikatiṃ yathā;
೨೨೧.
221.
ತೋಸೇತ್ವಾ ವಾದಿಪವರಂ, ಮುನಿಂ ಸಪರಿಸಂ ತದಾ॥
Tosetvā vādipavaraṃ, muniṃ saparisaṃ tadā.
೨೨೨.
222.
‘‘ಓರೋಹಿತ್ವಾನ ಗಗನಾ, ವನ್ದಿತ್ವಾ ಇಸಿಸತ್ತಮಂ।
‘‘Orohitvāna gaganā, vanditvā isisattamaṃ;
ಅನುಞ್ಞಾತಾ ನರಗ್ಗೇನ, ಯಥಾಠಾನೇ ನಿಸೀದಿಸುಂ॥
Anuññātā naraggena, yathāṭhāne nisīdisuṃ.
೨೨೩.
223.
‘‘‘ಅಹೋನುಕಮ್ಪಿಕಾ ಅಮ್ಹಂ, ಸಬ್ಬಾಸಂ ಚಿರ ಗೋತಮೀ।
‘‘‘Ahonukampikā amhaṃ, sabbāsaṃ cira gotamī;
ವಾಸಿತಾ ತವ ಪುಞ್ಞೇಹಿ, ಪತ್ತಾ ನೋ ಆಸವಕ್ಖಯಂ॥
Vāsitā tava puññehi, pattā no āsavakkhayaṃ.
೨೨೪.
224.
‘‘‘ಕಿಲೇಸಾ ಝಾಪಿತಾ ಅಮ್ಹಂ, ಭವಾ ಸಬ್ಬೇ ಸಮೂಹತಾ।
‘‘‘Kilesā jhāpitā amhaṃ, bhavā sabbe samūhatā;
ನಾಗೀವ ಬನ್ಧನಂ ಛೇತ್ವಾ, ವಿಹರಾಮ ಅನಾಸವಾ॥
Nāgīva bandhanaṃ chetvā, viharāma anāsavā.
೨೨೫.
225.
‘‘‘ಸ್ವಾಗತಂ ವತ ನೋ ಆಸಿ, ಬುದ್ಧಸೇಟ್ಠಸ್ಸ ಸನ್ತಿಕೇ।
‘‘‘Svāgataṃ vata no āsi, buddhaseṭṭhassa santike;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಕತಂ ಬುದ್ಧಸ್ಸ ಸಾಸನಂ॥
Tisso vijjā anuppattā, kataṃ buddhassa sāsanaṃ.
೨೨೬.
226.
‘‘‘ಪಟಿಸಮ್ಭಿದಾ ಚತಸ್ಸೋ, ವಿಮೋಕ್ಖಾಪಿ ಚ ಅಟ್ಠಿಮೇ।
‘‘‘Paṭisambhidā catasso, vimokkhāpi ca aṭṭhime;
ಛಳಭಿಞ್ಞಾ ಸಚ್ಛಿಕತಾ, ಕತಂ ಬುದ್ಧಸ್ಸ ಸಾಸನಂ॥
Chaḷabhiññā sacchikatā, kataṃ buddhassa sāsanaṃ.
೨೨೭.
227.
‘‘‘ಇದ್ಧೀಸು ಚ ವಸೀ ಹೋಮ, ದಿಬ್ಬಾಯ ಸೋತಧಾತುಯಾ।
‘‘‘Iddhīsu ca vasī homa, dibbāya sotadhātuyā;
ಚೇತೋಪರಿಯಞಾಣಸ್ಸ, ವಸೀ ಹೋಮ ಮಹಾಮುನೇ॥
Cetopariyañāṇassa, vasī homa mahāmune.
೨೨೮.
228.
‘‘‘ಪುಬ್ಬೇನಿವಾಸಂ ಜಾನಾಮ, ದಿಬ್ಬಚಕ್ಖು ವಿಸೋಧಿತಂ।
‘‘‘Pubbenivāsaṃ jānāma, dibbacakkhu visodhitaṃ;
ಸಬ್ಬಾಸವಪರಿಕ್ಖೀಣಾ, ನತ್ಥಿ ದಾನಿ ಪುನಬ್ಭವೋ॥
Sabbāsavaparikkhīṇā, natthi dāni punabbhavo.
೨೨೯.
229.
‘‘‘ಅತ್ಥೇ ಧಮ್ಮೇ ಚ ನೇರುತ್ತೇ, ಪಟಿಭಾನೇ 77 ಚ ವಿಜ್ಜತಿ।
‘‘‘Atthe dhamme ca nerutte, paṭibhāne 78 ca vijjati;
ಞಾಣಂ ಅಮ್ಹಂ ಮಹಾವೀರ, ಉಪ್ಪನ್ನಂ ತವ ಸನ್ತಿಕೇ॥
Ñāṇaṃ amhaṃ mahāvīra, uppannaṃ tava santike.
೨೩೦.
230.
‘‘‘ಅಸ್ಮಾಭಿ ಪರಿಚಿಣ್ಣೋಸಿ, ಮೇತ್ತಚಿತ್ತಾಹಿ ನಾಯಕ।
‘‘‘Asmābhi pariciṇṇosi, mettacittāhi nāyaka;
೨೩೧.
231.
‘‘ನಿಬ್ಬಾಯಿಸ್ಸಾಮ ಇಚ್ಚೇವಂ, ಕಿಂ ವಕ್ಖಾಮಿ ವದನ್ತಿಯೋ।
‘‘Nibbāyissāma iccevaṃ, kiṃ vakkhāmi vadantiyo;
ಯಸ್ಸ ದಾನಿ ಚ ವೋ ಕಾಲಂ, ಮಞ್ಞಥಾತಿ ಜಿನೋಬ್ರವಿ॥
Yassa dāni ca vo kālaṃ, maññathāti jinobravi.
೨೩೨.
232.
‘‘ಗೋತಮೀಆದಿಕಾ ತಾಯೋ, ತದಾ ಭಿಕ್ಖುನಿಯೋ ಜಿನಂ।
‘‘Gotamīādikā tāyo, tadā bhikkhuniyo jinaṃ;
ವನ್ದಿತ್ವಾ ಆಸನಾ ತಮ್ಹಾ, ವುಟ್ಠಾಯ ಅಗಮಿಂಸು ತಾ॥
Vanditvā āsanā tamhā, vuṭṭhāya agamiṃsu tā.
೨೩೩.
233.
‘‘ಮಹತಾ ಜನಕಾಯೇನ, ಸಹ ಲೋಕಗ್ಗನಾಯಕೋ।
‘‘Mahatā janakāyena, saha lokagganāyako;
೨೩೪.
234.
‘‘ತದಾ ನಿಪತಿ ಪಾದೇಸು, ಗೋತಮೀ ಲೋಕಬನ್ಧುನೋ।
‘‘Tadā nipati pādesu, gotamī lokabandhuno;
ಸಹೇವ ತಾಹಿ ಸಬ್ಬಾಹಿ, ಪಚ್ಛಿಮಂ ಪಾದವನ್ದನಂ॥
Saheva tāhi sabbāhi, pacchimaṃ pādavandanaṃ.
೨೩೫.
235.
‘‘‘ಇದಂ ಪಚ್ಛಿಮಕಂ ಮಯ್ಹಂ, ಲೋಕನಾಥಸ್ಸ ದಸ್ಸನಂ।
‘‘‘Idaṃ pacchimakaṃ mayhaṃ, lokanāthassa dassanaṃ;
ನ ಪುನೋ ಅಮತಾಕಾರಂ, ಪಸ್ಸಿಸ್ಸಾಮಿ ಮುಖಂ ತವ॥
Na puno amatākāraṃ, passissāmi mukhaṃ tava.
೨೩೬.
236.
ಸಮ್ಫುಸಿಸ್ಸತಿ ಲೋಕಗ್ಗ, ಅಜ್ಜ ಗಚ್ಛಾಮಿ ನಿಬ್ಬುತಿಂ’॥
Samphusissati lokagga, ajja gacchāmi nibbutiṃ’.
೨೩೭.
237.
‘‘ರೂಪೇನ ಕಿಂ ತವಾನೇನ, ದಿಟ್ಠೇ ಧಮ್ಮೇ ಯಥಾತಥೇ।
‘‘Rūpena kiṃ tavānena, diṭṭhe dhamme yathātathe;
ಸಬ್ಬಂ ಸಙ್ಖತಮೇವೇತಂ, ಅನಸ್ಸಾಸಿಕಮಿತ್ತರಂ॥
Sabbaṃ saṅkhatamevetaṃ, anassāsikamittaraṃ.
೨೩೮.
238.
‘‘ಸಾ ಸಹ ತಾಹಿ ಗನ್ತ್ವಾನ, ಭಿಕ್ಖುನುಪಸ್ಸಯಂ ಸಕಂ।
‘‘Sā saha tāhi gantvāna, bhikkhunupassayaṃ sakaṃ;
ಅಡ್ಢಪಲ್ಲಙ್ಕಮಾಭುಜ್ಜ, ನಿಸೀದಿ ಪರಮಾಸನೇ॥
Aḍḍhapallaṅkamābhujja, nisīdi paramāsane.
೨೩೯.
239.
‘‘ತದಾ ಉಪಾಸಿಕಾ ತತ್ಥ, ಬುದ್ಧಸಾಸನವಚ್ಛಲಾ।
‘‘Tadā upāsikā tattha, buddhasāsanavacchalā;
ತಸ್ಸಾ ಪವತ್ತಿಂ ಸುತ್ವಾನ, ಉಪೇಸುಂ ಪಾದವನ್ದಿಕಾ॥
Tassā pavattiṃ sutvāna, upesuṃ pādavandikā.
೨೪೦.
240.
‘‘ಕರೇಹಿ ಉರಂ ಪಹನ್ತಾ, ಛಿನ್ನಮೂಲಾ ಯಥಾ ಲತಾ।
‘‘Karehi uraṃ pahantā, chinnamūlā yathā latā;
ರೋದನ್ತಾ ಕರುಣಂ ರವಂ, ಸೋಕಟ್ಟಾ ಭೂಮಿಪಾತಿತಾ॥
Rodantā karuṇaṃ ravaṃ, sokaṭṭā bhūmipātitā.
೨೪೧.
241.
‘‘ಮಾ ನೋ ಸರಣದೇ ನಾಥೇ, ವಿಹಾಯ ಗಮಿ ನಿಬ್ಬುತಿಂ।
‘‘Mā no saraṇade nāthe, vihāya gami nibbutiṃ;
ನಿಪತಿತ್ವಾನ ಯಾಚಾಮ, ಸಬ್ಬಾಯೋ ಸಿರಸಾ ಮಯಂ॥
Nipatitvāna yācāma, sabbāyo sirasā mayaṃ.
೨೪೨.
242.
‘‘ಯಾ ಪಧಾನತಮಾ ತಾಸಂ, ಸದ್ಧಾ ಪಞ್ಞಾ ಉಪಾಸಿಕಾ।
‘‘Yā padhānatamā tāsaṃ, saddhā paññā upāsikā;
ತಸ್ಸಾ ಸೀಸಂ ಪಮಜ್ಜನ್ತೀ, ಇದಂ ವಚನಮಬ್ರವಿ॥
Tassā sīsaṃ pamajjantī, idaṃ vacanamabravi.
೨೪೩.
243.
‘‘‘ಅಲಂ ಪುತ್ತಾ ವಿಸಾದೇನ, ಮಾರಪಾಸಾನುವತ್ತಿನಾ।
‘‘‘Alaṃ puttā visādena, mārapāsānuvattinā;
ಅನಿಚ್ಚಂ ಸಙ್ಖತಂ ಸಬ್ಬಂ, ವಿಯೋಗನ್ತಂ ಚಲಾಚಲಂ’॥
Aniccaṃ saṅkhataṃ sabbaṃ, viyogantaṃ calācalaṃ’.
೨೪೪.
244.
‘‘ತತೋ ಸಾ ತಾ ವಿಸಜ್ಜಿತ್ವಾ, ಪಠಮಂ ಝಾನಮುತ್ತಮಂ।
‘‘Tato sā tā visajjitvā, paṭhamaṃ jhānamuttamaṃ;
ದುತಿಯಞ್ಚ ತತಿಯಞ್ಚ, ಸಮಾಪಜ್ಜಿ ಚತುತ್ಥಕಂ॥
Dutiyañca tatiyañca, samāpajji catutthakaṃ.
೨೪೫.
245.
‘‘ಆಕಾಸಾಯತನಞ್ಚೇವ, ವಿಞ್ಞಾಣಾಯತನಂ ತಥಾ।
‘‘Ākāsāyatanañceva, viññāṇāyatanaṃ tathā;
ಆಕಿಞ್ಚಂ ನೇವಸಞ್ಞಞ್ಚ, ಸಮಾಪಜ್ಜಿ ಯಥಾಕ್ಕಮಂ॥
Ākiñcaṃ nevasaññañca, samāpajji yathākkamaṃ.
೨೪೬.
246.
‘‘ಪಟಿಲೋಮೇನ ಝಾನಾನಿ, ಸಮಾಪಜ್ಜಿತ್ಥ ಗೋತಮೀ।
‘‘Paṭilomena jhānāni, samāpajjittha gotamī;
ಯಾವತಾ ಪಠಮಂ ಝಾನಂ, ತತೋ ಯಾವಚತುತ್ಥಕಂ॥
Yāvatā paṭhamaṃ jhānaṃ, tato yāvacatutthakaṃ.
೨೪೭.
247.
ಭೂಮಿಚಾಲೋ ಮಹಾ ಆಸಿ, ನಭಸಾ ವಿಜ್ಜುತಾ ಪತಿ॥
Bhūmicālo mahā āsi, nabhasā vijjutā pati.
೨೪೮.
248.
‘‘ಪನಾದಿತಾ ದುನ್ದುಭಿಯೋ, ಪರಿದೇವಿಂಸು ದೇವತಾ।
‘‘Panāditā dundubhiyo, parideviṃsu devatā;
ಪುಪ್ಫವುಟ್ಠೀ ಚ ಗಗನಾ, ಅಭಿವಸ್ಸಥ ಮೇದನಿಂ॥
Pupphavuṭṭhī ca gaganā, abhivassatha medaniṃ.
೨೪೯.
249.
‘‘ಕಮ್ಪಿತೋ ಮೇರುರಾಜಾಪಿ, ರಙ್ಗಮಜ್ಝೇ ಯಥಾ ನಟೋ।
‘‘Kampito merurājāpi, raṅgamajjhe yathā naṭo;
ಸೋಕೇನ ಚಾತಿದೀನೋವ ವಿರವೋ ಆಸಿ ಸಾಗರೋ॥
Sokena cātidīnova viravo āsi sāgaro.
೨೫೦.
250.
‘‘ದೇವಾ ನಾಗಾಸುರಾ ಬ್ರಹ್ಮಾ, ಸಂವಿಗ್ಗಾಹಿಂಸು ತಙ್ಖಣೇ।
‘‘Devā nāgāsurā brahmā, saṃviggāhiṃsu taṅkhaṇe;
‘ಅನಿಚ್ಚಾ ವತ ಸಙ್ಖಾರಾ, ಯಥಾಯಂ ವಿಲಯಂ ಗತಾ’॥
‘Aniccā vata saṅkhārā, yathāyaṃ vilayaṃ gatā’.
೨೫೧.
251.
‘‘ಯಾ ಚೇ ಮಂ ಪರಿವಾರಿಂಸು, ಸತ್ಥು ಸಾಸನಕಾರಿಕಾ।
‘‘Yā ce maṃ parivāriṃsu, satthu sāsanakārikā;
೨೫೨.
252.
‘‘ಹಾ ಯೋಗಾ ವಿಪ್ಪಯೋಗನ್ತಾ, ಹಾನಿಚ್ಚಂ ಸಬ್ಬಸಙ್ಖತಂ।
‘‘Hā yogā vippayogantā, hāniccaṃ sabbasaṅkhataṃ;
ಹಾ ಜೀವಿತಂ ವಿನಾಸನ್ತಂ, ಇಚ್ಚಾಸಿ ಪರಿದೇವನಾ॥
Hā jīvitaṃ vināsantaṃ, iccāsi paridevanā.
೨೫೩.
253.
‘‘ತತೋ ದೇವಾ ಚ ಬ್ರಹ್ಮಾ ಚ, ಲೋಕಧಮ್ಮಾನುವತ್ತನಂ।
‘‘Tato devā ca brahmā ca, lokadhammānuvattanaṃ;
ಕಾಲಾನುರೂಪಂ ಕುಬ್ಬನ್ತಿ, ಉಪೇತ್ವಾ ಇಸಿಸತ್ತಮಂ॥
Kālānurūpaṃ kubbanti, upetvā isisattamaṃ.
೨೫೪.
254.
‘ಗಚ್ಛಾನನ್ದ ನಿವೇದೇಹಿ, ಭಿಕ್ಖೂನಂ ಮಾತು ನಿಬ್ಬುತಿಂ’॥
‘Gacchānanda nivedehi, bhikkhūnaṃ mātu nibbutiṃ’.
೨೫೫.
255.
‘‘ತದಾನನ್ದೋ ನಿರಾನನ್ದೋ, ಅಸ್ಸುನಾ ಪುಣ್ಣಲೋಚನೋ।
‘‘Tadānando nirānando, assunā puṇṇalocano;
ಗಗ್ಗರೇನ ಸರೇನಾಹ, ‘ಸಮಾಗಚ್ಛನ್ತು ಭಿಕ್ಖವೋ॥
Gaggarena sarenāha, ‘samāgacchantu bhikkhavo.
೨೫೬.
256.
‘‘‘ಪುಬ್ಬದಕ್ಖಿಣಪಚ್ಛಾಸು, ಉತ್ತರಾಯ ಚ ಸನ್ತಿಕೇ।
‘‘‘Pubbadakkhiṇapacchāsu, uttarāya ca santike;
ಸುಣನ್ತು ಭಾಸಿತಂ ಮಯ್ಹಂ, ಭಿಕ್ಖವೋ ಸುಗತೋರಸಾ॥
Suṇantu bhāsitaṃ mayhaṃ, bhikkhavo sugatorasā.
೨೫೭.
257.
‘‘‘ಯಾ ವಡ್ಢಯಿ ಪಯತ್ತೇನ, ಸರೀರಂ ಪಚ್ಛಿಮಂ ಮುನೇ।
‘‘‘Yā vaḍḍhayi payattena, sarīraṃ pacchimaṃ mune;
ಸಾ ಗೋತಮೀ ಗತಾ ಸನ್ತಿಂ, ತಾರಾವ ಸೂರಿಯೋದಯೇ॥
Sā gotamī gatā santiṃ, tārāva sūriyodaye.
೨೫೮.
258.
೨೫೯.
259.
‘‘‘ಯಸ್ಸತ್ಥಿ ಸುಗತೇ ಸದ್ಧಾ, ಯೋ ಚ ಪಿಯೋ ಮಹಾಮುನೇ।
‘‘‘Yassatthi sugate saddhā, yo ca piyo mahāmune;
೨೬೦.
260.
‘‘ಸುದೂರಟ್ಠಾಪಿ ತಂ ಸುತ್ವಾ, ಸೀಘಮಾಗಚ್ಛು ಭಿಕ್ಖವೋ।
‘‘Sudūraṭṭhāpi taṃ sutvā, sīghamāgacchu bhikkhavo;
ಕೇಚಿ ಬುದ್ಧಾನುಭಾವೇನ, ಕೇಚಿ ಇದ್ಧೀಸು ಕೋವಿದಾ॥
Keci buddhānubhāvena, keci iddhīsu kovidā.
೨೬೧.
261.
‘‘ಕೂಟಾಗಾರವರೇ ರಮ್ಮೇ, ಸಬ್ಬಸೋಣ್ಣಮಯೇ ಸುಭೇ।
‘‘Kūṭāgāravare ramme, sabbasoṇṇamaye subhe;
ಮಞ್ಚಕಂ ಸಮಾರೋಪೇಸುಂ, ಯತ್ಥ ಸುತ್ತಾಸಿ ಗೋತಮೀ॥
Mañcakaṃ samāropesuṃ, yattha suttāsi gotamī.
೨೬೨.
262.
‘‘ಚತ್ತಾರೋ ಲೋಕಪಾಲಾ ತೇ, ಅಂಸೇಹಿ ಸಮಧಾರಯುಂ।
‘‘Cattāro lokapālā te, aṃsehi samadhārayuṃ;
ಸೇಸಾ ಸಕ್ಕಾದಿಕಾ ದೇವಾ, ಕೂಟಾಗಾರೇ ಸಮಗ್ಗಹುಂ॥
Sesā sakkādikā devā, kūṭāgāre samaggahuṃ.
೨೬೩.
263.
‘‘ಕೂಟಾಗಾರಾನಿ ಸಬ್ಬಾನಿ, ಆಸುಂ ಪಞ್ಚಸತಾನಿಪಿ।
‘‘Kūṭāgārāni sabbāni, āsuṃ pañcasatānipi;
ಸರದಾದಿಚ್ಚವಣ್ಣಾನಿ, ವಿಸ್ಸಕಮ್ಮಕತಾನಿ ಹಿ॥
Saradādiccavaṇṇāni, vissakammakatāni hi.
೨೬೪.
264.
‘‘ಸಬ್ಬಾ ತಾಪಿ ಭಿಕ್ಖುನಿಯೋ, ಆಸುಂ ಮಞ್ಚೇಸು ಸಾಯಿತಾ।
‘‘Sabbā tāpi bhikkhuniyo, āsuṃ mañcesu sāyitā;
ದೇವಾನಂ ಖನ್ಧಮಾರುಳ್ಹಾ, ನಿಯ್ಯನ್ತಿ ಅನುಪುಬ್ಬಸೋ॥
Devānaṃ khandhamāruḷhā, niyyanti anupubbaso.
೨೬೫.
265.
‘‘ಸಬ್ಬಸೋ ಛಾದಿತಂ ಆಸಿ, ವಿತಾನೇನ ನಭತ್ತಲಂ।
‘‘Sabbaso chāditaṃ āsi, vitānena nabhattalaṃ;
ಸತಾರಾ ಚನ್ದಸೂರಾ ಚ, ಲಞ್ಛಿತಾ ಕನಕಾಮಯಾ॥
Satārā candasūrā ca, lañchitā kanakāmayā.
೨೬೬.
266.
‘‘ಪಟಾಕಾ ಉಸ್ಸಿತಾನೇಕಾ, ವಿತತಾ ಪುಪ್ಫಕಞ್ಚುಕಾ।
‘‘Paṭākā ussitānekā, vitatā pupphakañcukā;
೨೬೭.
267.
‘‘ದಸ್ಸನ್ತಿ ಚನ್ದಸೂರಿಯಾ, ಪಜ್ಜಲನ್ತಿ ಚ ತಾರಕಾ।
‘‘Dassanti candasūriyā, pajjalanti ca tārakā;
ಮಜ್ಝಂ ಗತೋಪಿ ಚಾದಿಚ್ಚೋ, ನ ತಾಪೇಸಿ ಸಸೀ ಯಥಾ॥
Majjhaṃ gatopi cādicco, na tāpesi sasī yathā.
೨೬೮.
268.
‘‘ದೇವಾ ದಿಬ್ಬೇಹಿ ಗನ್ಧೇಹಿ, ಮಾಲೇಹಿ ಸುರಭೀಹಿ ಚ।
‘‘Devā dibbehi gandhehi, mālehi surabhīhi ca;
ವಾದಿತೇಹಿ ಚ ನಚ್ಚೇಹಿ, ಸಙ್ಗೀತೀಹಿ ಚ ಪೂಜಯುಂ॥
Vāditehi ca naccehi, saṅgītīhi ca pūjayuṃ.
೨೬೯.
269.
‘‘ನಾಗಾಸುರಾ ಚ ಬ್ರಹ್ಮಾನೋ, ಯಥಾಸತ್ತಿ ಯಥಾಬಲಂ।
‘‘Nāgāsurā ca brahmāno, yathāsatti yathābalaṃ;
ಪೂಜಯಿಂಸು ಚ ನಿಯ್ಯನ್ತಿಂ, ನಿಬ್ಬುತಂ ಬುದ್ಧಮಾತರಂ॥
Pūjayiṃsu ca niyyantiṃ, nibbutaṃ buddhamātaraṃ.
೨೭೦.
270.
‘‘ಸಬ್ಬಾಯೋ ಪುರತೋ ನೀತಾ, ನಿಬ್ಬುತಾ ಸುಗತೋರಸಾ।
‘‘Sabbāyo purato nītā, nibbutā sugatorasā;
ಗೋತಮೀ ನಿಯ್ಯತೇ ಪಚ್ಛಾ, ಸಕ್ಕತಾ ಬುದ್ಧಪೋಸಿಕಾ॥
Gotamī niyyate pacchā, sakkatā buddhaposikā.
೨೭೧.
271.
‘‘ಪುರತೋ ದೇವಮನುಜಾ, ಸನಾಗಾಸುರಬ್ರಹ್ಮಕಾ।
‘‘Purato devamanujā, sanāgāsurabrahmakā;
ಪಚ್ಛಾ ಸಸಾವಕೋ ಬುದ್ಧೋ, ಪೂಜತ್ಥಂ ಯಾತಿ ಮಾತುಯಾ॥
Pacchā sasāvako buddho, pūjatthaṃ yāti mātuyā.
೨೭೨.
272.
‘‘ಬುದ್ಧಸ್ಸ ಪರಿನಿಬ್ಬಾನಂ, ನೇದಿಸಂ ಆಸಿ ಯಾದಿಸಂ।
‘‘Buddhassa parinibbānaṃ, nedisaṃ āsi yādisaṃ;
೨೭೩.
273.
೨೭೪.
274.
‘‘ಚಿತಕಾನಿ ಕರಿತ್ವಾನ, ಸಬ್ಬಗನ್ಧಮಯಾನಿ ತೇ।
‘‘Citakāni karitvāna, sabbagandhamayāni te;
ಗನ್ಧಚುಣ್ಣಪಕಿಣ್ಣಾನಿ, ಝಾಪಯಿಂಸು ಚ ತಾ ತಹಿಂ॥
Gandhacuṇṇapakiṇṇāni, jhāpayiṃsu ca tā tahiṃ.
೨೭೫.
275.
‘‘ಸೇಸಭಾಗಾನಿ ಡಯ್ಹಿಂಸು, ಅಟ್ಠೀ ಸೇಸಾನಿ ಸಬ್ಬಸೋ।
‘‘Sesabhāgāni ḍayhiṃsu, aṭṭhī sesāni sabbaso;
ಆನನ್ದೋ ಚ ತದಾವೋಚ, ಸಂವೇಗಜನಕಂ ವಚೋ॥
Ānando ca tadāvoca, saṃvegajanakaṃ vaco.
೨೭೬.
276.
‘‘‘ಗೋತಮೀ ನಿಧನಂ ಯಾತಾ, ಡಯ್ಹಞ್ಚಸ್ಸಾ ಸರೀರಕಂ।
‘‘‘Gotamī nidhanaṃ yātā, ḍayhañcassā sarīrakaṃ;
ಸಙ್ಕೇತಂ ಬುದ್ಧನಿಬ್ಬಾನಂ, ನ ಚಿರೇನ ಭವಿಸ್ಸತಿ’॥
Saṅketaṃ buddhanibbānaṃ, na cirena bhavissati’.
೨೭೭.
277.
‘‘ತತೋ ಗೋತಮಿಧಾತೂನಿ, ತಸ್ಸಾ ಪತ್ತಗತಾನಿ ಸೋ।
‘‘Tato gotamidhātūni, tassā pattagatāni so;
ಉಪನಾಮೇಸಿ ನಾಥಸ್ಸ, ಆನನ್ದೋ ಬುದ್ಧಚೋದಿತೋ॥
Upanāmesi nāthassa, ānando buddhacodito.
೨೭೮.
278.
‘‘ಪಾಣಿನಾ ತಾನಿ ಪಗ್ಗಯ್ಹ, ಅವೋಚ ಇಸಿಸತ್ತಮೋ।
‘‘Pāṇinā tāni paggayha, avoca isisattamo;
‘ಮಹತೋ ಸಾರವನ್ತಸ್ಸ, ಯಥಾ ರುಕ್ಖಸ್ಸ ತಿಟ್ಠತೋ॥
‘Mahato sāravantassa, yathā rukkhassa tiṭṭhato.
೨೭೯.
279.
‘‘‘ಯೋ ಸೋ ಮಹತ್ತರೋ ಖನ್ಧೋ, ಪಲುಜ್ಜೇಯ್ಯ ಅನಿಚ್ಚತಾ।
‘‘‘Yo so mahattaro khandho, palujjeyya aniccatā;
ತಥಾ ಭಿಕ್ಖುನಿಸಙ್ಘಸ್ಸ, ಗೋತಮೀ ಪರಿನಿಬ್ಬುತಾ॥
Tathā bhikkhunisaṅghassa, gotamī parinibbutā.
೨೮೦.
280.
೨೮೧.
281.
‘‘‘ನ ಸೋಚಿಯಾ ಪರೇಸಂ ಸಾ, ತಿಣ್ಣಸಂಸಾರಸಾಗರಾ।
‘‘‘Na sociyā paresaṃ sā, tiṇṇasaṃsārasāgarā;
ಪರಿವಜ್ಜಿತಸನ್ತಾಪಾ, ಸೀತಿಭೂತಾ ಸುನಿಬ್ಬುತಾ॥
Parivajjitasantāpā, sītibhūtā sunibbutā.
೨೮೨.
282.
‘‘‘ಪಣ್ಡಿತಾಸಿ ಮಹಾಪಞ್ಞಾ, ಪುಥುಪಞ್ಞಾ ತಥೇವ ಚ।
‘‘‘Paṇḍitāsi mahāpaññā, puthupaññā tatheva ca;
ರತ್ತಞ್ಞೂ ಭಿಕ್ಖುನೀನಂ ಸಾ, ಏವಂ ಧಾರೇಥ ಭಿಕ್ಖವೋ॥
Rattaññū bhikkhunīnaṃ sā, evaṃ dhāretha bhikkhavo.
೨೮೩.
283.
‘‘‘ಇದ್ಧೀಸು ಚ ವಸೀ ಆಸಿ, ದಿಬ್ಬಾಯ ಸೋತಧಾತುಯಾ।
‘‘‘Iddhīsu ca vasī āsi, dibbāya sotadhātuyā;
ಚೇತೋಪರಿಯಞಾಣಸ್ಸ, ವಸೀ ಆಸಿ ಚ ಗೋತಮೀ॥
Cetopariyañāṇassa, vasī āsi ca gotamī.
೨೮೪.
284.
‘‘‘ಪುಬ್ಬೇನಿವಾಸಮಞ್ಞಾಸಿ, ದಿಬ್ಬಚಕ್ಖು ವಿಸೋಧಿತಂ।
‘‘‘Pubbenivāsamaññāsi, dibbacakkhu visodhitaṃ;
ಸಬ್ಬಾಸವಪರಿಕ್ಖೀಣಾ, ನತ್ಥಿ ತಸ್ಸಾ ಪುನಬ್ಭವೋ॥
Sabbāsavaparikkhīṇā, natthi tassā punabbhavo.
೨೮೫.
285.
‘‘‘ಅತ್ಥಧಮ್ಮನಿರುತ್ತೀಸು, ಪಟಿಭಾನೇ ತಥೇವ ಚ।
‘‘‘Atthadhammaniruttīsu, paṭibhāne tatheva ca;
ಪರಿಸುದ್ಧಂ ಅಹು ಞಾಣಂ, ತಸ್ಮಾ ಸೋಚನಿಯಾ ನ ಸಾ॥
Parisuddhaṃ ahu ñāṇaṃ, tasmā socaniyā na sā.
೨೮೬.
286.
‘‘‘ಅಯೋಘನಹತಸ್ಸೇವ, ಜಲತೋ ಜಾತವೇದಸ್ಸ।
‘‘‘Ayoghanahatasseva, jalato jātavedassa;
ಅನುಪುಬ್ಬೂಪಸನ್ತಸ್ಸ, ಯಥಾ ನ ಞಾಯತೇ ಗತಿ॥
Anupubbūpasantassa, yathā na ñāyate gati.
೨೮೭.
287.
‘‘‘ಏವಂ ಸಮ್ಮಾ ವಿಮುತ್ತಾನಂ, ಕಾಮಬನ್ಧೋಘತಾರಿನಂ।
‘‘‘Evaṃ sammā vimuttānaṃ, kāmabandhoghatārinaṃ;
ಪಞ್ಞಾಪೇತುಂ ಗತಿ ನತ್ಥಿ, ಪತ್ತಾನಂ ಅಚಲಂ ಸುಖಂ॥
Paññāpetuṃ gati natthi, pattānaṃ acalaṃ sukhaṃ.
೨೮೮.
288.
‘‘‘ಅತ್ತದೀಪಾ ತತೋ ಹೋಥ, ಸತಿಪಟ್ಠಾನಗೋಚರಾ।
‘‘‘Attadīpā tato hotha, satipaṭṭhānagocarā;
ಭಾವೇತ್ವಾ ಸತ್ತಬೋಜ್ಝಙ್ಗೇ, ದುಕ್ಖಸ್ಸನ್ತಂ ಕರಿಸ್ಸಥ’’’॥
Bhāvetvā sattabojjhaṅge, dukkhassantaṃ karissatha’’’.
ಇತ್ಥಂ ಸುದಂ ಮಹಾಪಜಾಪತಿಗೋತಮೀ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ mahāpajāpatigotamī imā gāthāyo abhāsitthāti.
ಮಹಾಪಜಾಪತಿಗೋತಮೀಥೇರಿಯಾಪದಾನಂ ಸತ್ತಮಂ।
Mahāpajāpatigotamītheriyāpadānaṃ sattamaṃ.
Footnotes:
