| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೮. ಖೇಮಾಥೇರೀಅಪದಾನಂ
8. Khemātherīapadānaṃ
೨೮೯.
289.
‘‘ಪದುಮುತ್ತರೋ ನಾಮ ಜಿನೋ, ಸಬ್ಬಧಮ್ಮೇಸು ಚಕ್ಖುಮಾ।
‘‘Padumuttaro nāma jino, sabbadhammesu cakkhumā;
ಇತೋ ಸತಸಹಸ್ಸಮ್ಹಿ, ಕಪ್ಪೇ ಉಪ್ಪಜ್ಜಿ ನಾಯಕೋ॥
Ito satasahassamhi, kappe uppajji nāyako.
೨೯೦.
290.
ನಾನಾರತನಪಜ್ಜೋತೇ, ಮಹಾಸುಖಸಮಪ್ಪಿತಾ॥
Nānāratanapajjote, mahāsukhasamappitā.
೨೯೧.
291.
‘‘ಉಪೇತ್ವಾ ತಂ ಮಹಾವೀರಂ, ಅಸ್ಸೋಸಿಂ ಧಮ್ಮದೇಸನಂ।
‘‘Upetvā taṃ mahāvīraṃ, assosiṃ dhammadesanaṃ;
ತತೋ ಜಾತಪ್ಪಸಾದಾಹಂ, ಉಪೇಮಿ ಸರಣಂ ಜಿನಂ॥
Tato jātappasādāhaṃ, upemi saraṇaṃ jinaṃ.
೨೯೨.
292.
‘‘ಮಾತರಂ ಪಿತರಂ ಚಾಹಂ, ಆಯಾಚಿತ್ವಾ ವಿನಾಯಕಂ।
‘‘Mātaraṃ pitaraṃ cāhaṃ, āyācitvā vināyakaṃ;
ನಿಮನ್ತಯಿತ್ವಾ ಸತ್ತಾಹಂ, ಭೋಜಯಿಂ ಸಹಸಾವಕಂ॥
Nimantayitvā sattāhaṃ, bhojayiṃ sahasāvakaṃ.
೨೯೩.
293.
‘‘ಅತಿಕ್ಕನ್ತೇ ಚ ಸತ್ತಾಹೇ, ಮಹಾಪಞ್ಞಾನಮುತ್ತಮಂ।
‘‘Atikkante ca sattāhe, mahāpaññānamuttamaṃ;
ಭಿಕ್ಖುನಿಂ ಏತದಗ್ಗಮ್ಹಿ, ಠಪೇಸಿ ನರಸಾರಥಿ॥
Bhikkhuniṃ etadaggamhi, ṭhapesi narasārathi.
೨೯೪.
294.
‘‘ತಂ ಸುತ್ವಾ ಮುದಿತಾ ಹುತ್ವಾ, ಪುನೋ ತಸ್ಸ ಮಹೇಸಿನೋ।
‘‘Taṃ sutvā muditā hutvā, puno tassa mahesino;
ಕಾರಂ ಕತ್ವಾನ ತಂ ಠಾನಂ, ಪಣಿಪಚ್ಚ ಪಣೀದಹಿಂ॥
Kāraṃ katvāna taṃ ṭhānaṃ, paṇipacca paṇīdahiṃ.
೨೯೫.
295.
ಸಸಙ್ಘೇ ಮೇ ಕತಂ ಕಾರಂ, ಅಪ್ಪಮೇಯ್ಯಫಲಂ ತಯಾ॥
Sasaṅghe me kataṃ kāraṃ, appameyyaphalaṃ tayā.
೨೯೬.
296.
‘‘‘ಸತಸಹಸ್ಸಿತೋ ಕಪ್ಪೇ, ಓಕ್ಕಾಕಕುಲಸಮ್ಭವೋ।
‘‘‘Satasahassito kappe, okkākakulasambhavo;
ಗೋತಮೋ ನಾಮ ಗೋತ್ತೇನ, ಸತ್ಥಾ ಲೋಕೇ ಭವಿಸ್ಸತಿ॥
Gotamo nāma gottena, satthā loke bhavissati.
೨೯೭.
297.
‘‘‘ತಸ್ಸ ಧಮ್ಮೇಸು ದಾಯಾದಾ, ಓರಸಾ ಧಮ್ಮನಿಮ್ಮಿತಾ।
‘‘‘Tassa dhammesu dāyādā, orasā dhammanimmitā;
ಏತದಗ್ಗಮನುಪ್ಪತ್ತಾ, ಖೇಮಾ ನಾಮ ಭವಿಸ್ಸತಿ’॥
Etadaggamanuppattā, khemā nāma bhavissati’.
೨೯೮.
298.
‘‘ತೇನ ಕಮ್ಮೇನ ಸುಕತೇನ, ಚೇತನಾಪಣಿಧೀಹಿ ಚ।
‘‘Tena kammena sukatena, cetanāpaṇidhīhi ca;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸೂಪಗಾ ಅಹಂ॥
Jahitvā mānusaṃ dehaṃ, tāvatiṃsūpagā ahaṃ.
೨೯೯.
299.
‘‘ತತೋ ಚುತಾ ಯಾಮಮಗಂ, ತತೋಹಂ ತುಸಿತಂ ಗತಾ।
‘‘Tato cutā yāmamagaṃ, tatohaṃ tusitaṃ gatā;
ತತೋ ಚ ನಿಮ್ಮಾನರತಿಂ, ವಸವತ್ತಿಪುರಂ ತತೋ॥
Tato ca nimmānaratiṃ, vasavattipuraṃ tato.
೩೦೦.
300.
‘‘ಯತ್ಥ ಯತ್ಥೂಪಪಜ್ಜಾಮಿ, ತಸ್ಸ ಕಮ್ಮಸ್ಸ ವಾಹಸಾ।
‘‘Yattha yatthūpapajjāmi, tassa kammassa vāhasā;
ತತ್ಥ ತತ್ಥೇವ ರಾಜೂನಂ, ಮಹೇಸಿತ್ತಮಕಾರಯಿಂ॥
Tattha tattheva rājūnaṃ, mahesittamakārayiṃ.
೩೦೧.
301.
‘‘ತತೋ ಚುತಾ ಮನುಸ್ಸತ್ತೇ, ರಾಜೂನಂ ಚಕ್ಕವತ್ತಿನಂ।
‘‘Tato cutā manussatte, rājūnaṃ cakkavattinaṃ;
ಮಣ್ಡಲೀನಞ್ಚ ರಾಜೂನಂ, ಮಹೇಸಿತ್ತಮಕಾರಯಿಂ॥
Maṇḍalīnañca rājūnaṃ, mahesittamakārayiṃ.
೩೦೨.
302.
‘‘ಸಮ್ಪತ್ತಿಂ ಅನುಭೋತ್ವಾನ, ದೇವೇಸು ಮನುಜೇಸು ಚ।
‘‘Sampattiṃ anubhotvāna, devesu manujesu ca;
ಸಬ್ಬತ್ಥ ಸುಖಿತಾ ಹುತ್ವಾ, ನೇಕಕಪ್ಪೇಸು ಸಂಸರಿಂ॥
Sabbattha sukhitā hutvā, nekakappesu saṃsariṃ.
೩೦೩.
303.
‘‘ಏಕನವುತಿತೋ ಕಪ್ಪೇ, ವಿಪಸ್ಸೀ ಲೋಕನಾಯಕೋ।
‘‘Ekanavutito kappe, vipassī lokanāyako;
೩೦೪.
304.
‘‘ತಮಹಂ ಲೋಕನಾಯಕಂ, ಉಪೇತ್ವಾ ನರಸಾರಥಿಂ।
‘‘Tamahaṃ lokanāyakaṃ, upetvā narasārathiṃ;
ಧಮ್ಮಂ ಭಣಿತಂ ಸುತ್ವಾನ, ಪಬ್ಬಜಿಂ ಅನಗಾರಿಯಂ॥
Dhammaṃ bhaṇitaṃ sutvāna, pabbajiṃ anagāriyaṃ.
೩೦೫.
305.
‘‘ದಸವಸ್ಸಸಹಸ್ಸಾನಿ , ತಸ್ಸ ವೀರಸ್ಸ ಸಾಸನೇ।
‘‘Dasavassasahassāni , tassa vīrassa sāsane;
ಬ್ರಹ್ಮಚರಿಯಂ ಚರಿತ್ವಾನ, ಯುತ್ತಯೋಗಾ ಬಹುಸ್ಸುತಾ॥
Brahmacariyaṃ caritvāna, yuttayogā bahussutā.
೩೦೬.
306.
‘‘ಪಚ್ಚಯಾಕಾರಕುಸಲಾ, ಚತುಸಚ್ಚವಿಸಾರದಾ।
‘‘Paccayākārakusalā, catusaccavisāradā;
ನಿಪುಣಾ ಚಿತ್ತಕಥಿಕಾ, ಸತ್ಥುಸಾಸನಕಾರಿಕಾ॥
Nipuṇā cittakathikā, satthusāsanakārikā.
೩೦೭.
307.
‘‘ತತೋ ಚುತಾಹಂ ತುಸಿತಂ, ಉಪಪನ್ನಾ ಯಸಸ್ಸಿನೀ।
‘‘Tato cutāhaṃ tusitaṃ, upapannā yasassinī;
ಅಭಿಭೋಮಿ ತಹಿಂ ಅಞ್ಞೇ, ಬ್ರಹ್ಮಚಾರೀಫಲೇನಹಂ॥
Abhibhomi tahiṃ aññe, brahmacārīphalenahaṃ.
೩೦೮.
308.
‘‘ಯತ್ಥ ಯತ್ಥೂಪಪನ್ನಾಹಂ, ಮಹಾಭೋಗಾ ಮಹದ್ಧನಾ।
‘‘Yattha yatthūpapannāhaṃ, mahābhogā mahaddhanā;
೩೦೯.
309.
‘‘ಭವಾಮಿ ತೇನ ಕಮ್ಮೇನ, ಯೋಗೇನ ಜಿನಸಾಸನೇ।
‘‘Bhavāmi tena kammena, yogena jinasāsane;
ಸಬ್ಬಾ ಸಮ್ಪತ್ತಿಯೋ ಮಯ್ಹಂ, ಸುಲಭಾ ಮನಸೋ ಪಿಯಾ॥
Sabbā sampattiyo mayhaṃ, sulabhā manaso piyā.
೩೧೦.
310.
‘‘ಯೋಪಿ ಮೇ ಭವತೇ ಭತ್ತಾ, ಯತ್ಥ ಯತ್ಥ ಗತಾಯಪಿ।
‘‘Yopi me bhavate bhattā, yattha yattha gatāyapi;
ವಿಮಾನೇತಿ ನ ಮಂ ಕೋಚಿ, ಪಟಿಪತ್ತಿಬಲೇನ ಮೇ॥
Vimāneti na maṃ koci, paṭipattibalena me.
೩೧೧.
311.
‘‘ಇಮಮ್ಹಿ ಭದ್ದಕೇ ಕಪ್ಪೇ, ಬ್ರಹ್ಮಬನ್ಧು ಮಹಾಯಸೋ।
‘‘Imamhi bhaddake kappe, brahmabandhu mahāyaso;
ನಾಮೇನ ಕೋಣಾಗಮನೋ, ಉಪ್ಪಜ್ಜಿ ವದತಂ ವರೋ॥
Nāmena koṇāgamano, uppajji vadataṃ varo.
೩೧೨.
312.
ಧನಞ್ಜಾನೀ ಸುಮೇಧಾ ಚ, ಅಹಮ್ಪಿ ಚ ತಯೋ ಜನಾ॥
Dhanañjānī sumedhā ca, ahampi ca tayo janā.
೩೧೩.
313.
೩೧೪.
314.
‘‘ತತೋ ಚುತಾ ಮಯಂ ಸಬ್ಬಾ, ತಾವತಿಂಸೂಪಗಾ ಅಹುಂ।
‘‘Tato cutā mayaṃ sabbā, tāvatiṃsūpagā ahuṃ;
ಯಸಸಾ ಅಗ್ಗತಂ ಪತ್ತಾ, ಮನುಸ್ಸೇಸು ತಥೇವ ಚ॥
Yasasā aggataṃ pattā, manussesu tatheva ca.
೩೧೫.
315.
‘‘ಇಮಸ್ಮಿಂಯೇವ ಕಪ್ಪಮ್ಹಿ, ಬ್ರಹ್ಮಬನ್ಧು ಮಹಾಯಸೋ।
‘‘Imasmiṃyeva kappamhi, brahmabandhu mahāyaso;
ಕಸ್ಸಪೋ ನಾಮ ಗೋತ್ತೇನ, ಉಪ್ಪಜ್ಜಿ ವದತಂ ವರೋ॥
Kassapo nāma gottena, uppajji vadataṃ varo.
೩೧೬.
316.
‘‘ಉಪಟ್ಠಾಕೋ ಮಹೇಸಿಸ್ಸ, ತದಾ ಆಸಿ ನರಿಸ್ಸರೋ।
‘‘Upaṭṭhāko mahesissa, tadā āsi narissaro;
ಕಾಸಿರಾಜಾ ಕಿಕೀ ನಾಮ, ಬಾರಾಣಸಿಪುರುತ್ತಮೇ॥
Kāsirājā kikī nāma, bārāṇasipuruttame.
೩೧೭.
317.
‘‘ತಸ್ಸಾಸಿಂ ಜೇಟ್ಠಿಕಾ ಧೀತಾ, ಸಮಣೀ ಇತಿ ವಿಸ್ಸುತಾ।
‘‘Tassāsiṃ jeṭṭhikā dhītā, samaṇī iti vissutā;
ಧಮ್ಮಂ ಸುತ್ವಾ ಜಿನಗ್ಗಸ್ಸ, ಪಬ್ಬಜ್ಜಂ ಸಮರೋಚಯಿಂ॥
Dhammaṃ sutvā jinaggassa, pabbajjaṃ samarocayiṃ.
೩೧೮.
318.
‘‘ಅನುಜಾನಿ ನ ನೋ ತಾತೋ, ಅಗಾರೇವ ತದಾ ಮಯಂ।
‘‘Anujāni na no tāto, agāreva tadā mayaṃ;
ವೀಸವಸ್ಸಸಹಸ್ಸಾನಿ, ವಿಚರಿಮ್ಹ ಅತನ್ದಿತಾ॥
Vīsavassasahassāni, vicarimha atanditā.
೩೧೯.
319.
‘‘ಕೋಮಾರಿಬ್ರಹ್ಮಚರಿಯಂ, ರಾಜಕಞ್ಞಾ ಸುಖೇಧಿತಾ।
‘‘Komāribrahmacariyaṃ, rājakaññā sukhedhitā;
ಬುದ್ಧೋಪಟ್ಠಾನನಿರತಾ, ಮುದಿತಾ ಸತ್ತ ಧೀತರೋ॥
Buddhopaṭṭhānaniratā, muditā satta dhītaro.
೩೨೦.
320.
‘‘ಸಮಣೀ ಸಮಣಗುತ್ತಾ ಚ, ಭಿಕ್ಖುನೀ ಭಿಕ್ಖುದಾಯಿಕಾ।
‘‘Samaṇī samaṇaguttā ca, bhikkhunī bhikkhudāyikā;
ಧಮ್ಮಾ ಚೇವ ಸುಧಮ್ಮಾ ಚ, ಸತ್ತಮೀ ಸಙ್ಘದಾಯಿಕಾ॥
Dhammā ceva sudhammā ca, sattamī saṅghadāyikā.
೩೨೧.
321.
‘‘ಅಹಂ ಉಪ್ಪಲವಣ್ಣಾ ಚ, ಪಟಾಚಾರಾ ಚ ಕುಣ್ಡಲಾ।
‘‘Ahaṃ uppalavaṇṇā ca, paṭācārā ca kuṇḍalā;
ಕಿಸಾಗೋತಮೀ ಧಮ್ಮದಿನ್ನಾ, ವಿಸಾಖಾ ಹೋತಿ ಸತ್ತಮೀ॥
Kisāgotamī dhammadinnā, visākhā hoti sattamī.
೩೨೨.
322.
‘‘ಕದಾಚಿ ಸೋ ನರಾದಿಚ್ಚೋ, ಧಮ್ಮಂ ದೇಸೇಸಿ ಅಬ್ಭುತಂ।
‘‘Kadāci so narādicco, dhammaṃ desesi abbhutaṃ;
ಮಹಾನಿದಾನಸುತ್ತನ್ತಂ, ಸುತ್ವಾ ತಂ ಪರಿಯಾಪುಣಿಂ॥
Mahānidānasuttantaṃ, sutvā taṃ pariyāpuṇiṃ.
೩೨೩.
323.
‘‘ತೇಹಿ ಕಮ್ಮೇಹಿ ಸುಕತೇಹಿ, ಚೇತನಾಪಣಿಧೀಹಿ ಚ।
‘‘Tehi kammehi sukatehi, cetanāpaṇidhīhi ca;
ಜಹಿತ್ವಾ ಮಾನುಸಂ ದೇಹಂ, ತಾವತಿಂಸಮಗಚ್ಛಹಂ॥
Jahitvā mānusaṃ dehaṃ, tāvatiṃsamagacchahaṃ.
೩೨೪.
324.
‘‘ಪಚ್ಛಿಮೇ ಚ ಭವೇ ದಾನಿ, ಸಾಕಲಾಯ ಪುರುತ್ತಮೇ।
‘‘Pacchime ca bhave dāni, sākalāya puruttame;
ರಞ್ಞೋ ಮದ್ದಸ್ಸ ಧೀತಾಮ್ಹಿ, ಮನಾಪಾ ದಯಿತಾ ಪಿಯಾ॥
Rañño maddassa dhītāmhi, manāpā dayitā piyā.
೩೨೫.
325.
‘‘ಸಹ ಮೇ ಜಾತಮತ್ತಮ್ಹಿ, ಖೇಮಂ ತಮ್ಹಿ ಪುರೇ ಅಹು।
‘‘Saha me jātamattamhi, khemaṃ tamhi pure ahu;
ತತೋ ಖೇಮಾತಿ ನಾಮಂ ಮೇ, ಗುಣತೋ ಉಪಪಜ್ಜಥ॥
Tato khemāti nāmaṃ me, guṇato upapajjatha.
೩೨೬.
326.
ತದಾ ಅದಾಸಿ ಮಂ ತಾತೋ, ಬಿಮ್ಬಿಸಾರಸ್ಸ ರಾಜಿನೋ॥
Tadā adāsi maṃ tāto, bimbisārassa rājino.
೩೨೭.
327.
‘‘ತಸ್ಸಾಹಂ ಸುಪ್ಪಿಯಾ ಆಸಿಂ, ರೂಪಕೇ ಲಾಯನೇ ರತಾ।
‘‘Tassāhaṃ suppiyā āsiṃ, rūpake lāyane ratā;
ರೂಪಾನಂ ದೋಸವಾದೀತಿ, ನ ಉಪೇಸಿಂ ಮಹಾದಯಂ॥
Rūpānaṃ dosavādīti, na upesiṃ mahādayaṃ.
೩೨೮.
328.
‘‘ಬಿಮ್ಬಿಸಾರೋ ತದಾ ರಾಜಾ, ಮಮಾನುಗ್ಗಹಬುದ್ಧಿಯಾ।
‘‘Bimbisāro tadā rājā, mamānuggahabuddhiyā;
ವಣ್ಣಯಿತ್ವಾ ವೇಳುವನಂ, ಗಾಯಕೇ ಗಾಪಯೀ ಮಮಂ॥
Vaṇṇayitvā veḷuvanaṃ, gāyake gāpayī mamaṃ.
೩೨೯.
329.
‘‘ರಮ್ಮಂ ವೇಳುವನಂ ಯೇನ, ನ ದಿಟ್ಠಂ ಸುಗತಾಲಯಂ।
‘‘Rammaṃ veḷuvanaṃ yena, na diṭṭhaṃ sugatālayaṃ;
ನ ತೇನ ನನ್ದನಂ ದಿಟ್ಠಂ, ಇತಿ ಮಞ್ಞಾಮಸೇ ಮಯಂ॥
Na tena nandanaṃ diṭṭhaṃ, iti maññāmase mayaṃ.
೩೩೦.
330.
‘‘ಯೇನ ವೇಳುವನಂ ದಿಟ್ಠಂ, ನರನನ್ದನನನ್ದನಂ।
‘‘Yena veḷuvanaṃ diṭṭhaṃ, naranandananandanaṃ;
ಸುದಿಟ್ಠಂ ನನ್ದನಂ ತೇನ, ಅಮರಿನ್ದಸುನನ್ದನಂ॥
Sudiṭṭhaṃ nandanaṃ tena, amarindasunandanaṃ.
೩೩೧.
331.
ರಮ್ಮಂ ವೇಳುವನಂ ದಿಸ್ವಾ, ನ ತಪ್ಪನ್ತಿ ಸುವಿಮ್ಹಿತಾ॥
Rammaṃ veḷuvanaṃ disvā, na tappanti suvimhitā.
೩೩೨.
332.
‘‘ರಾಜಪುಞ್ಞೇನ ನಿಬ್ಬತ್ತಂ, ಬುದ್ಧಪುಞ್ಞೇನ ಭೂಸಿತಂ।
‘‘Rājapuññena nibbattaṃ, buddhapuññena bhūsitaṃ;
ಕೋ ವತ್ತಾ ತಸ್ಸ ನಿಸ್ಸೇಸಂ, ವನಸ್ಸ ಗುಣಸಞ್ಚಯಂ॥
Ko vattā tassa nissesaṃ, vanassa guṇasañcayaṃ.
೩೩೩.
333.
‘‘ತಂ ಸುತ್ವಾ ವನಸಮಿದ್ಧಂ, ಮಮ ಸೋತಮನೋಹರಂ।
‘‘Taṃ sutvā vanasamiddhaṃ, mama sotamanoharaṃ;
ದಟ್ಠುಕಾಮಾ ತಮುಯ್ಯಾನಂ, ರಞ್ಞೋ ಆರೋಚಯಿಂ ತದಾ॥
Daṭṭhukāmā tamuyyānaṃ, rañño ārocayiṃ tadā.
೩೩೪.
334.
೩೩೫.
335.
‘‘ಗಚ್ಛ ಪಸ್ಸ ಮಹಾಭೋಗೇ, ವನಂ ನೇತ್ತರಸಾಯನಂ।
‘‘Gaccha passa mahābhoge, vanaṃ nettarasāyanaṃ;
ಯಂ ಸದಾ ಭಾತಿ ಸಿರಿಯಾ, ಸುಗತಾಭಾನುರಞ್ಜಿತಂ॥
Yaṃ sadā bhāti siriyā, sugatābhānurañjitaṃ.
೩೩೬.
336.
‘‘ಯದಾ ಚ ಪಿಣ್ಡಾಯ ಮುನಿ, ಗಿರಿಬ್ಬಜಪುರುತ್ತಮಂ।
‘‘Yadā ca piṇḍāya muni, giribbajapuruttamaṃ;
ಪವಿಟ್ಠೋಹಂ ತದಾಯೇವ, ವನಂ ದಟ್ಠುಮುಪಾಗಮಿಂ॥
Paviṭṭhohaṃ tadāyeva, vanaṃ daṭṭhumupāgamiṃ.
೩೩೭.
337.
‘‘ತದಾ ತಂ ಫುಲ್ಲವಿಪಿನಂ, ನಾನಾಭಮರಕೂಜಿತಂ।
‘‘Tadā taṃ phullavipinaṃ, nānābhamarakūjitaṃ;
ಕೋಕಿಲಾಗೀತಸಹಿತಂ, ಮಯೂರಗಣನಚ್ಚಿತಂ॥
Kokilāgītasahitaṃ, mayūragaṇanaccitaṃ.
೩೩೮.
338.
‘‘ಅಪ್ಪಸದ್ದಮನಾಕಿಣ್ಣಂ, ನಾನಾಚಙ್ಕಮಭೂಸಿತಂ।
‘‘Appasaddamanākiṇṇaṃ, nānācaṅkamabhūsitaṃ;
ಕುಟಿಮಣ್ಡಪಸಙ್ಕಿಣ್ಣಂ, ಯೋಗೀವರವಿರಾಜಿತಂ॥
Kuṭimaṇḍapasaṅkiṇṇaṃ, yogīvaravirājitaṃ.
೩೩೯.
339.
‘‘ವಿಚರನ್ತೀ ಅಮಞ್ಞಿಸ್ಸಂ, ಸಫಲಂ ನಯನಂ ಮಮ।
‘‘Vicarantī amaññissaṃ, saphalaṃ nayanaṃ mama;
ತತ್ಥಾಪಿ ತರುಣಂ ಭಿಕ್ಖುಂ, ಯುತ್ತಂ ದಿಸ್ವಾ ವಿಚಿನ್ತಯಿಂ॥
Tatthāpi taruṇaṃ bhikkhuṃ, yuttaṃ disvā vicintayiṃ.
೩೪೦.
340.
‘‘‘ಈದಿಸೇ ವಿಪಿನೇ ರಮ್ಮೇ, ಠಿತೋಯಂ ನವಯೋಬ್ಬನೇ।
‘‘‘Īdise vipine ramme, ṭhitoyaṃ navayobbane;
ವಸನ್ತಮಿವ ಕನ್ತೇನ, ರೂಪೇನ ಚ ಸಮನ್ವಿತೋ॥
Vasantamiva kantena, rūpena ca samanvito.
೩೪೧.
341.
‘‘‘ನಿಸಿನ್ನೋ ರುಕ್ಖಮೂಲಮ್ಹಿ, ಮುಣ್ಡೋ ಸಙ್ಘಾಟಿಪಾರುತೋ।
‘‘‘Nisinno rukkhamūlamhi, muṇḍo saṅghāṭipāruto;
ಝಾಯತೇ ವತಯಂ ಭಿಕ್ಖು, ಹಿತ್ವಾ ವಿಸಯಜಂ ರತಿಂ॥
Jhāyate vatayaṃ bhikkhu, hitvā visayajaṃ ratiṃ.
೩೪೨.
342.
‘‘‘ನನು ನಾಮ ಗಹಟ್ಠೇನ, ಕಾಮಂ ಭುತ್ವಾ ಯಥಾಸುಖಂ।
‘‘‘Nanu nāma gahaṭṭhena, kāmaṃ bhutvā yathāsukhaṃ;
ಪಚ್ಛಾ ಜಿಣ್ಣೇನ ಧಮ್ಮೋಯಂ, ಚರಿತಬ್ಬೋ ಸುಭದ್ದಕೋ’॥
Pacchā jiṇṇena dhammoyaṃ, caritabbo subhaddako’.
೩೪೩.
343.
‘‘ಸುಞ್ಞಕನ್ತಿ ವಿದಿತ್ವಾನ, ಗನ್ಧಗೇಹಂ ಜಿನಾಲಯಂ।
‘‘Suññakanti viditvāna, gandhagehaṃ jinālayaṃ;
ಉಪೇತ್ವಾ ಜಿನಮದ್ದಕ್ಖಂ, ಉದಯನ್ತಂವ ಭಾಕರಂ॥
Upetvā jinamaddakkhaṃ, udayantaṃva bhākaraṃ.
೩೪೪.
344.
‘‘ಏಕಕಂ ಸುಖಮಾಸೀನಂ, ಬೀಜಮಾನಂ ವರಿತ್ಥಿಯಾ।
‘‘Ekakaṃ sukhamāsīnaṃ, bījamānaṃ varitthiyā;
ದಿಸ್ವಾನೇವಂ ವಿಚಿನ್ತೇಸಿಂ, ನಾಯಂ ಲೂಖೋ ನರಾಸಭೋ॥
Disvānevaṃ vicintesiṃ, nāyaṃ lūkho narāsabho.
೩೪೫.
345.
‘‘ಸಾ ಕಞ್ಞಾ ಕನಕಾಭಾಸಾ, ಪದುಮಾನನಲೋಚನಾ।
‘‘Sā kaññā kanakābhāsā, padumānanalocanā;
ಬಿಮ್ಬೋಟ್ಠೀ ಕುನ್ದದಸನಾ, ಮನೋನೇತ್ತರಸಾಯನಾ॥
Bimboṭṭhī kundadasanā, manonettarasāyanā.
೩೪೬.
346.
೩೪೭.
347.
‘‘ರತ್ತಂಸಕುಪಸಂಬ್ಯಾನಾ, ನೀಲಮಟ್ಠನಿವಾಸನಾ।
‘‘Rattaṃsakupasaṃbyānā, nīlamaṭṭhanivāsanā;
೩೪೮.
348.
‘‘ದಿಸ್ವಾ ತಮೇವಂ ಚಿನ್ತೇಸಿಂ, ಅಹೋಯಮಭಿರೂಪಿನೀ।
‘‘Disvā tamevaṃ cintesiṃ, ahoyamabhirūpinī;
ನ ಮಯಾನೇನ ನೇತ್ತೇನ, ದಿಟ್ಠಪುಬ್ಬಾ ಕುದಾಚನಂ॥
Na mayānena nettena, diṭṭhapubbā kudācanaṃ.
೩೪೯.
349.
‘‘ತತೋ ಜರಾಭಿಭೂತಾ ಸಾ, ವಿವಣ್ಣಾ ವಿಕತಾನನಾ।
‘‘Tato jarābhibhūtā sā, vivaṇṇā vikatānanā;
ಭಿನ್ನದನ್ತಾ ಸೇತಸಿರಾ, ಸಲಾಲಾ ವದನಾಸುಚಿ॥
Bhinnadantā setasirā, salālā vadanāsuci.
೩೫೦.
350.
‘‘ಸಙ್ಖಿತ್ತಕಣ್ಣಾ ಸೇತಕ್ಖೀ, ಲಮ್ಬಾಸುಭಪಯೋಧರಾ।
‘‘Saṅkhittakaṇṇā setakkhī, lambāsubhapayodharā;
ವಲಿವಿತತಸಬ್ಬಙ್ಗೀ, ಸಿರಾವಿತತದೇಹಿನೀ॥
Valivitatasabbaṅgī, sirāvitatadehinī.
೩೫೧.
351.
ಪವೇಧಮಾನಾ ಪತಿತಾ, ನಿಸ್ಸಸನ್ತೀ ಮುಹುಂ ಮುಹುಂ॥
Pavedhamānā patitā, nissasantī muhuṃ muhuṃ.
೩೫೨.
352.
‘‘ತತೋ ಮೇ ಆಸಿ ಸಂವೇಗೋ, ಅಬ್ಭುತೋ ಲೋಮಹಂಸನೋ।
‘‘Tato me āsi saṃvego, abbhuto lomahaṃsano;
ಧಿರತ್ಥು ರೂಪಂ ಅಸುಚಿಂ, ರಮನ್ತೇ ಯತ್ಥ ಬಾಲಿಸಾ॥
Dhiratthu rūpaṃ asuciṃ, ramante yattha bālisā.
೩೫೩.
353.
‘‘ತದಾ ಮಹಾಕಾರುಣಿಕೋ, ದಿಸ್ವಾ ಸಂವಿಗ್ಗಮಾನಸಂ।
‘‘Tadā mahākāruṇiko, disvā saṃviggamānasaṃ;
ಉದಗ್ಗಚಿತ್ತೋ ಸುಗತೋ, ಇಮಾ ಗಾಥಾ ಅಭಾಸಥ॥
Udaggacitto sugato, imā gāthā abhāsatha.
೩೫೪.
354.
‘‘‘ಆತುರಂ ಅಸುಚಿಂ ಪೂತಿಂ, ಪಸ್ಸ ಖೇಮೇ ಸಮುಸ್ಸಯಂ।
‘‘‘Āturaṃ asuciṃ pūtiṃ, passa kheme samussayaṃ;
ಉಗ್ಘರನ್ತಂ ಪಗ್ಘರನ್ತಂ, ಬಾಲಾನಂ ಅಭಿನನ್ದಿತಂ॥
Uggharantaṃ paggharantaṃ, bālānaṃ abhinanditaṃ.
೩೫೫.
355.
‘‘‘ಅಸುಭಾಯ ಚಿತ್ತಂ ಭಾವೇಹಿ, ಏಕಗ್ಗಂ ಸುಸಮಾಹಿತಂ।
‘‘‘Asubhāya cittaṃ bhāvehi, ekaggaṃ susamāhitaṃ;
ಸತಿ ಕಾಯಗತಾ ತ್ಯತ್ಥು, ನಿಬ್ಬಿದಾ ಬಹುಲಾ ಭವ॥
Sati kāyagatā tyatthu, nibbidā bahulā bhava.
೩೫೬.
356.
‘‘‘ಯಥಾ ಇದಂ ತಥಾ ಏತಂ, ಯಥಾ ಏತಂ ತಥಾ ಇದಂ।
‘‘‘Yathā idaṃ tathā etaṃ, yathā etaṃ tathā idaṃ;
ಅಜ್ಝತ್ತಞ್ಚ ಬಹಿದ್ಧಾ ಚ, ಕಾಯೇ ಛನ್ದಂ ವಿರಾಜಯ॥
Ajjhattañca bahiddhā ca, kāye chandaṃ virājaya.
೩೫೭.
357.
‘‘‘ಅನಿಮಿತ್ತಞ್ಚ ಭಾವೇಹಿ, ಮಾನಾನುಸಯಮುಜ್ಜಹ।
‘‘‘Animittañca bhāvehi, mānānusayamujjaha;
ತತೋ ಮಾನಾಭಿಸಮಯಾ, ಉಪಸನ್ತಾ ಚರಿಸ್ಸಸಿ॥
Tato mānābhisamayā, upasantā carissasi.
೩೫೮.
358.
‘‘‘ಯೇ ರಾಗರತ್ತಾನುಪತನ್ತಿ ಸೋತಂ, ಸಯಂ ಕತಂ ಮಕ್ಕಟಕೋವ ಜಾಲಂ।
‘‘‘Ye rāgarattānupatanti sotaṃ, sayaṃ kataṃ makkaṭakova jālaṃ;
ಏತಮ್ಪಿ ಛೇತ್ವಾನ ಪರಿಬ್ಬಜನ್ತಿ, ನ ಪೇಕ್ಖಿನೋ 35 ಕಾಮಸುಖಂ ಪಹಾಯ’॥
Etampi chetvāna paribbajanti, na pekkhino 36 kāmasukhaṃ pahāya’.
೩೫೯.
359.
ಮಹಾನಿದಾನಂ ದೇಸೇಸಿ, ಸುತ್ತನ್ತಂ ವಿನಯಾಯ ಮೇ॥
Mahānidānaṃ desesi, suttantaṃ vinayāya me.
೩೬೦.
360.
‘‘ಸುತ್ವಾ ಸುತ್ತನ್ತಸೇಟ್ಠಂ ತಂ, ಪುಬ್ಬಸಞ್ಞಮನುಸ್ಸರಿಂ।
‘‘Sutvā suttantaseṭṭhaṃ taṃ, pubbasaññamanussariṃ;
ತತ್ಥ ಠಿತಾವಹಂ ಸನ್ತೀ, ಧಮ್ಮಚಕ್ಖುಂ ವಿಸೋಧಯಿಂ॥
Tattha ṭhitāvahaṃ santī, dhammacakkhuṃ visodhayiṃ.
೩೬೧.
361.
‘‘ನಿಪತಿತ್ವಾ ಮಹೇಸಿಸ್ಸ, ಪಾದಮೂಲಮ್ಹಿ ತಾವದೇ।
‘‘Nipatitvā mahesissa, pādamūlamhi tāvade;
ಅಚ್ಚಯಂ ದೇಸನತ್ಥಾಯ, ಇದಂ ವಚನಮಬ್ರವಿಂ॥
Accayaṃ desanatthāya, idaṃ vacanamabraviṃ.
೩೬೨.
362.
‘‘‘ನಮೋ ತೇ ಸಬ್ಬದಸ್ಸಾವೀ, ನಮೋ ತೇ ಕರುಣಾಕರ।
‘‘‘Namo te sabbadassāvī, namo te karuṇākara;
ನಮೋ ತೇ ತಿಣ್ಣಸಂಸಾರ, ನಮೋ ತೇ ಅಮತಂ ದದ॥
Namo te tiṇṇasaṃsāra, namo te amataṃ dada.
೩೬೩.
363.
ತಯಾ ಸಮ್ಮಾ ಉಪಾಯೇನ, ವಿನೀತಾ ವಿನಯೇ ರತಾ॥
Tayā sammā upāyena, vinītā vinaye ratā.
೩೬೪.
364.
ಅನುಭೋನ್ತಿ ಮಹಾದುಕ್ಖಂ, ಸತ್ತಾ ಸಂಸಾರಸಾಗರೇ॥
Anubhonti mahādukkhaṃ, sattā saṃsārasāgare.
೩೬೫.
365.
೩೬೬.
366.
‘‘‘ಮಹಾಹಿತಂ ವರದದಂ, ಅಹಿತೋತಿ ವಿಸಙ್ಕಿತಾ।
‘‘‘Mahāhitaṃ varadadaṃ, ahitoti visaṅkitā;
ನೋಪೇಸಿಂ ರೂಪನಿರತಾ, ದೇಸಯಾಮಿ ತಮಚ್ಚಯಂ’॥
Nopesiṃ rūpaniratā, desayāmi tamaccayaṃ’.
೩೬೭.
367.
‘‘ತದಾ ಮಧುರನಿಗ್ಘೋಸೋ, ಮಹಾಕಾರುಣಿಕೋ ಜಿನೋ।
‘‘Tadā madhuranigghoso, mahākāruṇiko jino;
ಅವೋಚ ತಿಟ್ಠ ಖೇಮೇತಿ, ಸಿಞ್ಚನ್ತೋ ಅಮತೇನ ಮಂ॥
Avoca tiṭṭha khemeti, siñcanto amatena maṃ.
೩೬೮.
368.
‘‘ತದಾ ಪಣಮ್ಯ ಸಿರಸಾ, ಕತ್ವಾ ಚ ನಂ ಪದಕ್ಖಿಣಂ।
‘‘Tadā paṇamya sirasā, katvā ca naṃ padakkhiṇaṃ;
ಗನ್ತ್ವಾ ದಿಸ್ವಾ ನರಪತಿಂ, ಇದಂ ವಚನಮಬ್ರವಿಂ॥
Gantvā disvā narapatiṃ, idaṃ vacanamabraviṃ.
೩೬೯.
369.
‘‘‘ಅಹೋ ಸಮ್ಮಾ ಉಪಾಯೋ ತೇ, ಚಿನ್ತಿತೋಯಮರಿನ್ದಮ।
‘‘‘Aho sammā upāyo te, cintitoyamarindama;
ವನದಸ್ಸನಕಾಮಾಯ, ದಿಟ್ಠೋ ನಿಬ್ಬಾನತೋ ಮುನಿ॥
Vanadassanakāmāya, diṭṭho nibbānato muni.
೩೭೦.
370.
ದುತಿಯಂ ಭಾಣವಾರಂ।
Dutiyaṃ bhāṇavāraṃ.
೩೭೧.
371.
‘‘ಅಞ್ಜಲಿಂ ಪಗ್ಗಹೇತ್ವಾನ, ತದಾಹ ಸ ಮಹೀಪತಿ।
‘‘Añjaliṃ paggahetvāna, tadāha sa mahīpati;
‘ಅನುಜಾನಾಮಿ ತೇ ಭದ್ದೇ, ಪಬ್ಬಜ್ಜಾ ತವ ಸಿಜ್ಝತು’॥
‘Anujānāmi te bhadde, pabbajjā tava sijjhatu’.
೩೭೨.
372.
ದೀಪೋದಯಞ್ಚ ಭೇದಞ್ಚ, ದಿಸ್ವಾ ಸಂವಿಗ್ಗಮಾನಸಾ॥
Dīpodayañca bhedañca, disvā saṃviggamānasā.
೩೭೩.
373.
‘‘ನಿಬ್ಬಿನ್ನಾ ಸಬ್ಬಸಙ್ಖಾರೇ, ಪಚ್ಚಯಾಕಾರಕೋವಿದಾ।
‘‘Nibbinnā sabbasaṅkhāre, paccayākārakovidā;
ಚತುರೋಘೇ ಅತಿಕ್ಕಮ್ಮ, ಅರಹತ್ತಮಪಾಪುಣಿಂ॥
Caturoghe atikkamma, arahattamapāpuṇiṃ.
೩೭೪.
374.
‘‘ಇದ್ಧೀಸು ಚ ವಸೀ ಆಸಿಂ, ದಿಬ್ಬಾಯ ಸೋತಧಾತುಯಾ।
‘‘Iddhīsu ca vasī āsiṃ, dibbāya sotadhātuyā;
ಚೇತೋಪರಿಯಞಾಣಸ್ಸ, ವಸೀ ಚಾಪಿ ಭವಾಮಹಂ॥
Cetopariyañāṇassa, vasī cāpi bhavāmahaṃ.
೩೭೫.
375.
‘‘ಪುಬ್ಬೇನಿವಾಸಂ ಜಾನಾಮಿ, ದಿಬ್ಬಚಕ್ಖು ವಿಸೋಧಿತಂ।
‘‘Pubbenivāsaṃ jānāmi, dibbacakkhu visodhitaṃ;
ಸಬ್ಬಾಸವಪರಿಕ್ಖೀಣಾ, ನತ್ಥಿ ದಾನಿ ಪುನಬ್ಭವೋ॥
Sabbāsavaparikkhīṇā, natthi dāni punabbhavo.
೩೭೬.
376.
‘‘ಅತ್ಥಧಮ್ಮನಿರುತ್ತೀಸು, ಪಟಿಭಾನೇ ತಥೇವ ಚ।
‘‘Atthadhammaniruttīsu, paṭibhāne tatheva ca;
ಪರಿಸುದ್ಧಂ ಮಮ ಞಾಣಂ, ಉಪ್ಪನ್ನಂ ಬುದ್ಧಸಾಸನೇ॥
Parisuddhaṃ mama ñāṇaṃ, uppannaṃ buddhasāsane.
೩೭೭.
377.
‘‘ಕುಸಲಾಹಂ ವಿಸುದ್ಧೀಸು, ಕಥಾವತ್ಥುವಿಸಾರದಾ।
‘‘Kusalāhaṃ visuddhīsu, kathāvatthuvisāradā;
ಅಭಿಧಮ್ಮನಯಞ್ಞೂ ಚ, ವಸಿಪ್ಪತ್ತಾಮ್ಹಿ ಸಾಸನೇ॥
Abhidhammanayaññū ca, vasippattāmhi sāsane.
೩೭೮.
378.
‘‘ತತೋ ತೋರಣವತ್ಥುಸ್ಮಿಂ, ರಞ್ಞಾ ಕೋಸಲಸಾಮಿನಾ।
‘‘Tato toraṇavatthusmiṃ, raññā kosalasāminā;
ಪುಚ್ಛಿತಾ ನಿಪುಣೇ ಪಞ್ಹೇ, ಬ್ಯಾಕರೋನ್ತೀ ಯಥಾತಥಂ॥
Pucchitā nipuṇe pañhe, byākarontī yathātathaṃ.
೩೭೯.
379.
‘‘ತದಾ ಸ ರಾಜಾ ಸುಗತಂ, ಉಪಸಙ್ಕಮ್ಮ ಪುಚ್ಛಥ।
‘‘Tadā sa rājā sugataṃ, upasaṅkamma pucchatha;
ತಥೇವ ಬುದ್ಧೋ ಬ್ಯಾಕಾಸಿ, ಯಥಾ ತೇ ಬ್ಯಾಕತಾ ಮಯಾ॥
Tatheva buddho byākāsi, yathā te byākatā mayā.
೩೮೦.
380.
‘‘ಜಿನೋ ತಸ್ಮಿಂ ಗುಣೇ ತುಟ್ಠೋ, ಏತದಗ್ಗೇ ಠಪೇಸಿ ಮಂ।
‘‘Jino tasmiṃ guṇe tuṭṭho, etadagge ṭhapesi maṃ;
ಮಹಾಪಞ್ಞಾನಮಗ್ಗಾತಿ, ಭಿಕ್ಖುನೀನಂ ನರುತ್ತಮೋ॥
Mahāpaññānamaggāti, bhikkhunīnaṃ naruttamo.
೩೮೧.
381.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವಾ॥
‘‘Kilesā jhāpitā mayhaṃ…pe… viharāmi anāsavā.
೩೮೨.
382.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೩೮೩.
383.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಖೇಮಾ ಭಿಕ್ಖುನೀ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ khemā bhikkhunī imā gāthāyo abhāsitthāti.
ಖೇಮಾಥೇರಿಯಾಪದಾನಂ ಅಟ್ಠಮಂ।
Khemātheriyāpadānaṃ aṭṭhamaṃ.
Footnotes:
