| Library / Tipiṭaka / တိပိဋက • Tipiṭaka / ဝိမတိဝိနောဒနီ-ဋီကာ • Vimativinodanī-ṭīkā |
၇. မဟာနာမသိက္ခာပဒဝဏ္ဏနာ
7. Mahānāmasikkhāpadavaṇṇanā
၃၀၃. သတ္တမေ မဟာနာမောတိ သုက္ကောဒနသ္သ ပုတ္တော အနုရုဒ္ဓတ္ထေရသ္သ, သတ္ထု စ ဇေဋ္ဌဘာတာ။ အာနန္ဒတ္ထေရော အမိတောဒနသ္သ ပုတ္တော, နန္ဒတ္ထေရော ပန သုဒ္ဓောဒနသ္သေဝ။
303. Sattame mahānāmoti sukkodanassa putto anuruddhattherassa, satthu ca jeṭṭhabhātā. Ānandatthero amitodanassa putto, nandatthero pana suddhodanasseva.
၃၀၅. ပာဠိယံ ကာလံ အာဟရိသ္သထာတိ အဇ္ဇတနံ ကာလံ ဝီတိနာမေသ္သထ, သ္ဝေ ဘေသဇ္ဇံ ဟရိသ္သထာတိ ဝာ အတ္ထော။ ‘‘အတ္ထိ ပဝာရဏာ ဘေသဇ္ဇပရိယန္တာ စ ရတ္တိပရိယန္တာ စာ’’တိ တတိယကောဋ္ဌာသေ နိယမိတမေဝ ဘေသဇ္ဇံ နိယမိတကာလန္တရေယေဝ ဂဟေတဗ္ဗံ, န တတော ဗဟိ။ ဣတရထာ ဝိသုံ ပယောဇနံ နတ္ထီတိ ဒဋ္ဌဗ္ဗံ။ သပရိယန္တာ သင္ဃပဝာရဏာ, တဒုတ္တရိ ဘေသဇ္ဇဝိညတ္တိ, အဂိလာနတာတိ ဣမာနေတ္ထ တီဏိ အင္ဂာနိ။
305. Pāḷiyaṃ kālaṃ āharissathāti ajjatanaṃ kālaṃ vītināmessatha, sve bhesajjaṃ harissathāti vā attho. ‘‘Atthi pavāraṇā bhesajjapariyantā ca rattipariyantā cā’’ti tatiyakoṭṭhāse niyamitameva bhesajjaṃ niyamitakālantareyeva gahetabbaṃ, na tato bahi. Itarathā visuṃ payojanaṃ natthīti daṭṭhabbaṃ. Sapariyantā saṅghapavāraṇā, taduttari bhesajjaviññatti, agilānatāti imānettha tīṇi aṅgāni.
မဟာနာမသိက္ခာပဒဝဏ္ဏနာ နိဋ္ဌိတာ။
Mahānāmasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. အစေလကဝဂ္ဂော • 5. Acelakavaggo
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၇. မဟာနာမသိက္ခာပဒဝဏ္ဏနာ • 7. Mahānāmasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၇. မဟာနာမသိက္ခာပဒဝဏ္ဏနာ • 7. Mahānāmasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၇. မဟာနာမသိက္ခာပဒံ • 7. Mahānāmasikkhāpadaṃ
