| Library / Tipiṭaka / တိပိဋက • Tipiṭaka / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā |
၇. မဟာနာမသိက္ခာပဒဝဏ္ဏနာ
7. Mahānāmasikkhāpadavaṇṇanā
၃၀၃. သတ္တမသိက္ခာပဒေ – မဟာနာမော နာမ ဘဂဝတော စူဠပိတုပုတ္တော မာသမတ္တေန မဟလ္လကတရော ဒ္ဝီသု ဖလေသု ပတိဋ္ဌိတော အရိယသာဝကော။ ဘေသဇ္ဇံ ဥသ္သန္နံ ဟောတီတိ ဝဇတော အာဟရိတ္ဝာ ဌပိတသပ္ပိ ဗဟု ဟောတိ။
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
၃၀၆. သာဒိတဗ္ဗာတိ တသ္မိံ သမယေ ရောဂော နတ္ထီတိ န ပဋိက္ခိပိတဗ္ဗာ; ရောဂေ သတိ ဝိညာပေသ္သာမီတိ အဓိဝာသေတဗ္ဗာ။ ဧတ္တကေဟိ ဘေသဇ္ဇေဟိ ပဝာရေမီတိ နာမဝသေန သပ္ပိတေလာဒီသု ဒ္ဝီဟိ တီဟိ ဝာ ပရိမာဏဝသေန ပတ္ထေန နာဠိယာ အာဠ္ဟကေနာတိ ဝာ။အညံ ဘေသဇ္ဇံ ဝိညာပေတီတိ သပ္ပိနာ ပဝာရိတော တေလံ ဝိညာပေတိ, အာဠ္ဟကေန ပဝာရိတော ဒောဏံ။ န ဘေသဇ္ဇေန ကရဏီယေနာတိ မိသ္သကဘတ္တေနပိ စေ ယာပေတုံ သက္ကောတိ, န ဘေသဇ္ဇကရဏီယံ နာမ ဟောတိ။
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
၃၁၀. ပဝာရိတာနန္တိ ယေ အတ္တနော ပုဂ္ဂလိကာယ ပဝာရဏာယ ပဝာရိတာ; တေသံ ပဝာရိတာနုရူပေန ဝိညတ္တိယာ အနာပတ္တိ။ သင္ဃဝသေန ပဝာရိတေသု ပန ပမာဏံ သလ္လက္ခေတဗ္ဗမေဝာတိ။ သေသံ ဥတ္တာနမေဝ။
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
ဆသမုဋ္ဌာနံ – ကိရိယံ, နောသညာဝိမောက္ခံ, အစိတ္တကံ, ပဏ္ဏတ္တိဝဇ္ဇံ, ကာယကမ္မံ, ဝစီကမ္မံ, တိစိတ္တံ, တိဝေဒနန္တိ။
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
မဟာနာမသိက္ခာပဒံ သတ္တမံ။
Mahānāmasikkhāpadaṃ sattamaṃ.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၅. အစေလကဝဂ္ဂော • 5. Acelakavaggo
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ၇. မဟာနာမသိက္ခာပဒဝဏ္ဏနာ • 7. Mahānāmasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝဇိရဗုဒ္ဓိ-ဋီကာ • Vajirabuddhi-ṭīkā / ၇. မဟာနာမသိက္ခာပဒဝဏ္ဏနာ • 7. Mahānāmasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၇. မဟာနာမသိက္ခာပဒဝဏ္ဏနာ • 7. Mahānāmasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi / ၇. မဟာနာမသိက္ခာပဒံ • 7. Mahānāmasikkhāpadaṃ
