| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৪৯১. মহামোরজাতকং (৮)
491. Mahāmorajātakaṃ (8)
১৪৩.
143.
সচে হি ত্যাহং ধনহেতু গাহিতো, মা মং ৰধী জীৰগাহং গহেত্ৰা।
Sace hi tyāhaṃ dhanahetu gāhito, mā maṃ vadhī jīvagāhaṃ gahetvā;
১৪৪.
144.
ন মে অযং তুয্হ ৰধায অজ্জ, সমাহিতো চাপধুরে 5 খুরপ্পো।
Na me ayaṃ tuyha vadhāya ajja, samāhito cāpadhure 6 khurappo;
পাসঞ্চ ত্যাহং অধিপাতযিস্সং, যথাসুখং গচ্ছতু মোররাজা॥
Pāsañca tyāhaṃ adhipātayissaṃ, yathāsukhaṃ gacchatu morarājā.
১৪৫.
145.
যং সত্ত ৰস্সানি মমানুবন্ধি, রত্তিন্দিৰং খুপ্পিপাসং সহন্তো।
Yaṃ satta vassāni mamānubandhi, rattindivaṃ khuppipāsaṃ sahanto;
অথ কিস্স মং পাসৰসূপনীতং, পমুত্তৰে ইচ্ছসি বন্ধনস্মা॥
Atha kissa maṃ pāsavasūpanītaṃ, pamuttave icchasi bandhanasmā.
১৪৬ .
146.
পাণাতিপাতা ৰিরতো নুসজ্জ, অভযং নু তে সব্বভূতেসু দিন্নং।
Pāṇātipātā virato nusajja, abhayaṃ nu te sabbabhūtesu dinnaṃ;
যং মং তুৰং পাসৰসূপনীতং, পমুত্তৰে ইচ্ছসি বন্ধনস্মা॥
Yaṃ maṃ tuvaṃ pāsavasūpanītaṃ, pamuttave icchasi bandhanasmā.
১৪৭.
147.
পাণাতিপাতা ৰিরতস্স ব্রূহি, অভযঞ্চ যো সব্বভূতেসু দেতি।
Pāṇātipātā viratassa brūhi, abhayañca yo sabbabhūtesu deti;
পুচ্ছামি তং মোররাজেতমত্থং, ইতো চুতো কিং লভতে সুখং সো॥
Pucchāmi taṃ morarājetamatthaṃ, ito cuto kiṃ labhate sukhaṃ so.
১৪৮.
148.
পাণাতিপাতা ৰিরতস্স ব্রূমি, অভযঞ্চ যো সব্বভূতেসু দেতি।
Pāṇātipātā viratassa brūmi, abhayañca yo sabbabhūtesu deti;
দিট্ঠেৰ ধম্মে লভতে পসংসং, সগ্গঞ্চ সো যাতি সরীরভেদা॥
Diṭṭheva dhamme labhate pasaṃsaṃ, saggañca so yāti sarīrabhedā.
১৪৯.
149.
ন সন্তি দেৰা ইতি আহু 7 একে, ইধেৰ জীৰো ৰিভৰং উপেতি।
Na santi devā iti āhu 8 eke, idheva jīvo vibhavaṃ upeti;
তথা ফলং সুকতদুক্কটানং, দত্তুপঞ্ঞত্তঞ্চ ৰদন্তি দানং।
Tathā phalaṃ sukatadukkaṭānaṃ, dattupaññattañca vadanti dānaṃ;
তেসং ৰচো অরহতং সদ্দহানো, তস্মা অহং সকুণে বাধযামি॥
Tesaṃ vaco arahataṃ saddahāno, tasmā ahaṃ sakuṇe bādhayāmi.
১৫০.
150.
চন্দো চ সুরিযো চ উভো সুদস্সনা, গচ্ছন্তি ওভাসযমন্তলিক্খে।
Cando ca suriyo ca ubho sudassanā, gacchanti obhāsayamantalikkhe;
ইমস্স লোকস্স পরস্স ৰা তে, কথং নু তে আহু মনুস্সলোকে॥
Imassa lokassa parassa vā te, kathaṃ nu te āhu manussaloke.
১৫১.
151.
চন্দো চ সুরিযো চ উভো সুদস্সনা, গচ্ছন্তি ওভাসযমন্তলিক্খে।
Cando ca suriyo ca ubho sudassanā, gacchanti obhāsayamantalikkhe;
পরস্স লোকস্স ন তে ইমস্স, দেৰাতি তে আহু মনুস্সলোকে॥
Parassa lokassa na te imassa, devāti te āhu manussaloke.
১৫২.
152.
এত্থেৰ তে নীহতা হীনৰাদা, অহেতুকা যে ন ৰদন্তি কম্মং।
Ettheva te nīhatā hīnavādā, ahetukā ye na vadanti kammaṃ;
তথা ফলং সুকতদুক্কটানং, দত্তুপঞ্ঞত্তং যে চ ৰদন্তি দানং॥
Tathā phalaṃ sukatadukkaṭānaṃ, dattupaññattaṃ ye ca vadanti dānaṃ.
১৫৩.
153.
তথা ফলং সুকতদুক্কটানং, দত্তুপঞ্ঞত্তঞ্চ কথং ভৰেয্য॥
Tathā phalaṃ sukatadukkaṭānaṃ, dattupaññattañca kathaṃ bhaveyya.
১৫৪.
154.
কথংকরো কিন্তিকরো কিমাচরং, কিং সেৰমানো কেন তপোগুণেন।
Kathaṃkaro kintikaro kimācaraṃ, kiṃ sevamāno kena tapoguṇena;
অক্খাহি 13 মে মোররাজেতমত্থং, যথা অহং নো নিরযং পতেয্যং॥
Akkhāhi 14 me morarājetamatthaṃ, yathā ahaṃ no nirayaṃ pateyyaṃ.
১৫৫.
155.
যে কেচি অত্থি সমণা পথব্যা, কাসাযৰত্থা অনগারিযা তে।
Ye keci atthi samaṇā pathabyā, kāsāyavatthā anagāriyā te;
পাতোৰ পিণ্ডায চরন্তি কালে, ৰিকালচরিযা ৰিরতা হি সন্তো॥
Pātova piṇḍāya caranti kāle, vikālacariyā viratā hi santo.
১৫৬.
156.
তে তত্থ কালেনুপসঙ্কমিত্ৰা, পুচ্ছাহি যং তে মনসো পিযং সিযা।
Te tattha kālenupasaṅkamitvā, pucchāhi yaṃ te manaso piyaṃ siyā;
তে তে পৰক্খন্তি যথাপজানং, ইমস্স লোকস্স পরস্স চত্থং॥
Te te pavakkhanti yathāpajānaṃ, imassa lokassa parassa catthaṃ.
১৫৭.
157.
তচংৰ জিণ্ণং উরগো পুরাণং, পণ্ডূপলাসং হরিতো দুমোৰ।
Tacaṃva jiṇṇaṃ urago purāṇaṃ, paṇḍūpalāsaṃ harito dumova;
এসপ্পহীনো মম লুদ্দভাৰো, জহামহং লুদ্দকভাৰমজ্জ॥
Esappahīno mama luddabhāvo, jahāmahaṃ luddakabhāvamajja.
১৫৮.
158.
যে চাপি মে সকুণা অত্থি বদ্ধা, সতানিনেকানি নিৰেসনস্মিং।
Ye cāpi me sakuṇā atthi baddhā, satāninekāni nivesanasmiṃ;
১৫৯.
159.
লুদ্দো চরী পাসহত্থো অরঞ্ঞে, বাধেতু মোরাধিপতিং যসস্সিং।
Luddo carī pāsahattho araññe, bādhetu morādhipatiṃ yasassiṃ;
মহামোরজাতকং অট্ঠমং।
Mahāmorajātakaṃ aṭṭhamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৪৯১] ৮. মহামোরজাতকৰণ্ণনা • [491] 8. Mahāmorajātakavaṇṇanā
