| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਮਹਾਲਿਸੁਤ੍ਤવਣ੍ਣਨਾ
3. Mahālisuttavaṇṇanā
੨੫੯. ਤਤਿਯੇ ਉਪਸਙ੍ਕਮੀਤਿ ‘‘ਸਕ੍ਕੋ ਦੇવਰਾਜਾਤਿ ਕਥੇਨ੍ਤਿ, ਅਤ੍ਥਿ ਨੁ ਖੋ ਸੋ ਸਕ੍ਕੋ, ਯੇਨ ਸੋ ਦਿਟ੍ਠਪੁਬ੍ਬੋਤਿ ਇਮਮਤ੍ਥਂ ਦਸਬਲਂ ਪੁਚ੍ਛਿਸ੍ਸਾਮੀ’’ਤਿ ਉਪਸਙ੍ਕਮਿ। ਤਞ੍ਚ ਪਜਾਨਾਮੀਤਿ ਬਹੁવਚਨੇ ਏਕવਚਨਂ, ਤੇ ਚ ਧਮ੍ਮੇ ਪਜਾਨਾਮੀਤਿ ਅਤ੍ਥੋ। ਸਕ੍ਕੋ ਕਿਰ ਅਨਨ੍ਤਰੇ ਅਤ੍ਤਭਾવੇ ਮਗਧਰਟ੍ਠੇ ਮਚਲਗਾਮੇ ਮਘੋ ਨਾਮ ਮਾਣવੋ ਅਹੋਸਿ ਪਣ੍ਡਿਤੋ ਬ੍ਯਤ੍ਤੋ, ਬੋਧਿਸਤ੍ਤਚਰਿਯਾ વਿਯ ਚ ਤਸ੍ਸ ਚਰਿਯਾ ਅਹੋਸਿ। ਸੋ ਤੇਤ੍ਤਿਂਸ ਪੁਰਿਸੇ ਗਹੇਤ੍વਾ ਕਲ੍ਯਾਣਮਕਾਸਿ। ਏਕਦਿવਸਂ ਅਤ੍ਤਨੋવ ਪਞ੍ਞਾਯ ਉਪਪਰਿਕ੍ਖਿਤ੍વਾ ਗਾਮਮਜ੍ਝੇ ਮਹਾਜਨਸ੍ਸ ਸਨ੍ਨਿਪਤਿਤਟ੍ਠਾਨੇ ਕਚવਰਂ ਉਭਤੋਪਸ੍ਸੇਸੁ ਅਪਬ੍ਯੂਹਿਤ੍વਾ ਤਂ ਠਾਨਂ ਰਮਣੀਯਂ ਅਕਾਸਿ। ਪੁਨ ਤਤ੍ਥੇવ ਮਣ੍ਡਪਂ ਕਾਰੇਸਿ। ਪੁਨ ਗਚ੍ਛਨ੍ਤੇ ਕਾਲੇ ਸਾਲਂ ਕਾਰੇਸਿ। ਗਾਮਤੋ ਚ ਨਿਕ੍ਖਮਿਤ੍વਾ ਗਾવੁਤਮ੍ਪਿ ਅਡ੍ਢਯੋਜਨਮ੍ਪਿ ਤਿਗਾવੁਤਮ੍ਪਿ ਯੋਜਨਮ੍ਪਿ વਿਚਰਿਤ੍વਾ ਤੇਹਿ ਸਹਾਯੇਹਿ ਸਦ੍ਧਿਂ વਿਸਮਂ ਸਮਂ ਅਕਾਸਿ। ਤੇ ਸਬ੍ਬੇવ ਏਕਚ੍ਛਨ੍ਦਾ ਤਤ੍ਥ ਤਤ੍ਥ ਸੇਤੁਯੁਤ੍ਤਟ੍ਠਾਨੇ ਸੇਤੁਂ, ਮਣ੍ਡਪਸਾਲਾਪੋਕ੍ਖਰਣਿਮਾਲਾવਚ੍ਛਰੋਪਨਪਦੀਨਂ ਯੁਤ੍ਤਟ੍ਠਾਨੇਸੁ ਮਣ੍ਡਪਸਾਲਾਪੋਕ੍ਖਰਣਿਮਾਲਾવਚ੍ਛਰੋਪਨਾਦੀਨਿ ਕਰੋਨ੍ਤਾ ਬਹੁਂ ਪੁਞ੍ਞਮਕਂਸੁ। ਮਘੋ ਸਤ੍ਤ વਤਪਦਾਨਿ ਪੂਰੇਤ੍વਾ ਕਾਯਸ੍ਸ ਭੇਦਾ ਸਦ੍ਧਿਂ ਸਹਾਯੇਹਿ ਤਾવਤਿਂਸਭવਨੇ ਨਿਬ੍ਬਤ੍ਤਿ। ਤਂ ਸਬ੍ਬਂ ਭਗવਾ ਜਾਨਾਤਿ। ਤੇਨਾਹ – ਯੇਸਂ ਧਮ੍ਮਾਨਂ ਸਮਾਦਿਨ੍ਨਤ੍ਤਾ ਸਕ੍ਕੋ ਸਕ੍ਕਤ੍ਤਂ ਅਜ੍ਝਗਾ, ਤਞ੍ਚ ਪਜਾਨਾਮੀਤਿ। ਅਯਂ ਸਕ੍ਕਸ੍ਸ ਸਕ੍ਕਤ੍ਤਾਧਿਗਮੇ ਸਙ੍ਖੇਪਕਥਾ, વਿਤ੍ਥਾਰੋ ਪਨ ਸੁਮਙ੍ਗਲવਿਲਾਸਿਨਿਯਾ ਦੀਘਨਿਕਾਯਟ੍ਠਕਥਾਯ ਸਕ੍ਕਪਣ੍ਹવਣ੍ਣਨਾਯਂ વੁਤ੍ਤੋ। ਤਤਿਯਂ।
259. Tatiye upasaṅkamīti ‘‘sakko devarājāti kathenti, atthi nu kho so sakko, yena so diṭṭhapubboti imamatthaṃ dasabalaṃ pucchissāmī’’ti upasaṅkami. Tañca pajānāmīti bahuvacane ekavacanaṃ, te ca dhamme pajānāmīti attho. Sakko kira anantare attabhāve magadharaṭṭhe macalagāme magho nāma māṇavo ahosi paṇḍito byatto, bodhisattacariyā viya ca tassa cariyā ahosi. So tettiṃsa purise gahetvā kalyāṇamakāsi. Ekadivasaṃ attanova paññāya upaparikkhitvā gāmamajjhe mahājanassa sannipatitaṭṭhāne kacavaraṃ ubhatopassesu apabyūhitvā taṃ ṭhānaṃ ramaṇīyaṃ akāsi. Puna tattheva maṇḍapaṃ kāresi. Puna gacchante kāle sālaṃ kāresi. Gāmato ca nikkhamitvā gāvutampi aḍḍhayojanampi tigāvutampi yojanampi vicaritvā tehi sahāyehi saddhiṃ visamaṃ samaṃ akāsi. Te sabbeva ekacchandā tattha tattha setuyuttaṭṭhāne setuṃ, maṇḍapasālāpokkharaṇimālāvaccharopanapadīnaṃ yuttaṭṭhānesu maṇḍapasālāpokkharaṇimālāvaccharopanādīni karontā bahuṃ puññamakaṃsu. Magho satta vatapadāni pūretvā kāyassa bhedā saddhiṃ sahāyehi tāvatiṃsabhavane nibbatti. Taṃ sabbaṃ bhagavā jānāti. Tenāha – yesaṃ dhammānaṃ samādinnattā sakko sakkattaṃ ajjhagā, tañca pajānāmīti. Ayaṃ sakkassa sakkattādhigame saṅkhepakathā, vitthāro pana sumaṅgalavilāsiniyā dīghanikāyaṭṭhakathāya sakkapaṇhavaṇṇanāyaṃ vutto. Tatiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਮਹਾਲਿਸੁਤ੍ਤਂ • 3. Mahālisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਮਹਾਲਿਸੁਤ੍ਤવਣ੍ਣਨਾ • 3. Mahālisuttavaṇṇanā
