| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၈. မဟဒ္ဓနသုတ္တဝဏ္ဏနာ
8. Mahaddhanasuttavaṇṇanā
၂၈. အဋ္ဌမေ နိဓာနဂတံ မုတ္တသာရာဒိ မဟန္တံ ဓနမေတေသန္တိ မဟဒ္ဓနာ။ သုဝဏ္ဏရဇတဘာဇနာဒိ မဟာဘောဂော ဧတေသန္တိ မဟာဘောဂာ။ အညမညာဘိဂိဇ္ဈန္တီတိ အညမညံ အဘိဂိဇ္ဈန္တိ ပတ္ထေန္တိ ပိဟေန္တိ။ အနလင္ကတာတိ အတိတ္တာ အပရိယတ္တဇာတာ။ ဥသ္သုက္ကဇာတေသူတိ နာနာကိစ္စဇာတေသု အနုပ္ပန္နာနံ ရူပာဒီနံ ဥပ္ပာဒနတ္ထာယ ဥပ္ပန္နာနံ အနုဘဝနတ္ထာယ ဥသ္သုက္ကေသု။ ဘဝသောတာနုသာရီသူတိ ဝဋ္ဋသောတံ အနုသရန္တေသု။ အနုသ္သုကာတိ အဝာဝဋာ။ အဂာရန္တိ မာတုဂာမေန သဒ္ဓိံ ဂေဟံ။ ဝိရာဇိယာတိ ဝိရာဇေတ္ဝာ။ သေသံ ဥတ္တာနမေဝာတိ။ အဋ္ဌမံ။
28. Aṭṭhame nidhānagataṃ muttasārādi mahantaṃ dhanametesanti mahaddhanā. Suvaṇṇarajatabhājanādi mahābhogo etesanti mahābhogā. Aññamaññābhigijjhantīti aññamaññaṃ abhigijjhanti patthenti pihenti. Analaṅkatāti atittā apariyattajātā. Ussukkajātesūti nānākiccajātesu anuppannānaṃ rūpādīnaṃ uppādanatthāya uppannānaṃ anubhavanatthāya ussukkesu. Bhavasotānusārīsūti vaṭṭasotaṃ anusarantesu. Anussukāti avāvaṭā. Agāranti mātugāmena saddhiṃ gehaṃ. Virājiyāti virājetvā. Sesaṃ uttānamevāti. Aṭṭhamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. မဟဒ္ဓနသုတ္တံ • 8. Mahaddhanasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၈. မဟဒ္ဓနသုတ္တဝဏ္ဏနာ • 8. Mahaddhanasuttavaṇṇanā
