| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. มหทฺธนสุตฺตวณฺณนา
8. Mahaddhanasuttavaṇṇanā
๒๘. อฎฺฐเม นิธานคตํ มุตฺตสาราทิ มหนฺตํ ธนเมเตสนฺติ มหทฺธนาฯ สุวณฺณรชตภาชนาทิ มหาโภโค เอเตสนฺติ มหาโภคาฯ อญฺญมญฺญาภิคิชฺฌนฺตีติ อญฺญมญฺญํ อภิคิชฺฌนฺติ ปเตฺถนฺติ ปิเหนฺติฯ อนลงฺกตาติ อติตฺตา อปริยตฺตชาตาฯ อุสฺสุกฺกชาเตสูติ นานากิจฺจชาเตสุ อนุปฺปนฺนานํ รูปาทีนํ อุปฺปาทนตฺถาย อุปฺปนฺนานํ อนุภวนตฺถาย อุสฺสุเกฺกสุฯ ภวโสตานุสารีสูติ วฎฺฎโสตํ อนุสรเนฺตสุฯ อนุสฺสุกาติ อวาวฎาฯ อคารนฺติ มาตุคาเมน สทฺธิํ เคหํฯ วิราชิยาติ วิราเชตฺวาฯ เสสํ อุตฺตานเมวาติฯ อฎฺฐมํฯ
28. Aṭṭhame nidhānagataṃ muttasārādi mahantaṃ dhanametesanti mahaddhanā. Suvaṇṇarajatabhājanādi mahābhogo etesanti mahābhogā. Aññamaññābhigijjhantīti aññamaññaṃ abhigijjhanti patthenti pihenti. Analaṅkatāti atittā apariyattajātā. Ussukkajātesūti nānākiccajātesu anuppannānaṃ rūpādīnaṃ uppādanatthāya uppannānaṃ anubhavanatthāya ussukkesu. Bhavasotānusārīsūti vaṭṭasotaṃ anusarantesu. Anussukāti avāvaṭā. Agāranti mātugāmena saddhiṃ gehaṃ. Virājiyāti virājetvā. Sesaṃ uttānamevāti. Aṭṭhamaṃ.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. มหทฺธนสุตฺตํ • 8. Mahaddhanasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. มหทฺธนสุตฺตวณฺณนา • 8. Mahaddhanasuttavaṇṇanā
