| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৮. মহদ্ধনসুত্তৰণ্ণনা
8. Mahaddhanasuttavaṇṇanā
২৮. অট্ঠমে নিধানগতং মুত্তসারাদি মহন্তং ধনমেতেসন্তি মহদ্ধনা। সুৰণ্ণরজতভাজনাদি মহাভোগো এতেসন্তি মহাভোগা। অঞ্ঞমঞ্ঞাভিগিজ্ঝন্তীতি অঞ্ঞমঞ্ঞং অভিগিজ্ঝন্তি পত্থেন্তি পিহেন্তি। অনলঙ্কতাতি অতিত্তা অপরিযত্তজাতা। উস্সুক্কজাতেসূতি নানাকিচ্চজাতেসু অনুপ্পন্নানং রূপাদীনং উপ্পাদনত্থায উপ্পন্নানং অনুভৰনত্থায উস্সুক্কেসু। ভৰসোতানুসারীসূতি ৰট্টসোতং অনুসরন্তেসু। অনুস্সুকাতি অৰাৰটা। অগারন্তি মাতুগামেন সদ্ধিং গেহং। ৰিরাজিযাতি ৰিরাজেত্ৰা। সেসং উত্তানমেৰাতি। অট্ঠমং।
28. Aṭṭhame nidhānagataṃ muttasārādi mahantaṃ dhanametesanti mahaddhanā. Suvaṇṇarajatabhājanādi mahābhogo etesanti mahābhogā. Aññamaññābhigijjhantīti aññamaññaṃ abhigijjhanti patthenti pihenti. Analaṅkatāti atittā apariyattajātā. Ussukkajātesūti nānākiccajātesu anuppannānaṃ rūpādīnaṃ uppādanatthāya uppannānaṃ anubhavanatthāya ussukkesu. Bhavasotānusārīsūti vaṭṭasotaṃ anusarantesu. Anussukāti avāvaṭā. Agāranti mātugāmena saddhiṃ gehaṃ. Virājiyāti virājetvā. Sesaṃ uttānamevāti. Aṭṭhamaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৮. মহদ্ধনসুত্তং • 8. Mahaddhanasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৮. মহদ্ধনসুত্তৰণ্ণনা • 8. Mahaddhanasuttavaṇṇanā
