| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
១១. មហាចោរសុត្តវណ្ណនា
11. Mahācorasuttavaṇṇanā
៥១. ឯកាទសមេ មហាពលវចោរោ មហាចោរោតិ អាហ ‘‘មហន្តោ ពលវចោរោ’’តិ។ ពលវចោរោតិ ច មហាថាមតាយ មហាបរិវារតាយ មហាចោរិយកម្មសមត្ថតាយ ច វេទិតព្ពោ។ មហតំ គាមនិគមានំ វិលុប្បនំ មហាវិលោបោ។ តំ តំ ការណំ បក្ខិបិត្វាតិ តំ តំ អករណមេវ ការណំ កត្វា តប្បដិពទ្ធាយ កថាយ បក្ខិបិត្វា។ អត្ថំ កថយិស្សន្តីតិ តស្ស តស្ស អត្ថញ្ច កថយិស្សន្តិ។ ហរន្តាតិ អបនេន្តា បរិហរន្តា។ ទសវត្ថុកាយាតិ ‘‘សស្សតោ លោកោ’’តិ (ម. និ. ១.២៦៩) អាទិទសវត្ថុសន្និស្សិតាយ។ អន្តំ គហេត្វា ឋិតទិដ្ឋិយាតិ តមេវ សស្សតាទិអន្តំ គហេត្វា អវិស្សជ្ជេត្វា ឋិតទិដ្ឋិយា។
51. Ekādasame mahābalavacoro mahācoroti āha ‘‘mahanto balavacoro’’ti. Balavacoroti ca mahāthāmatāya mahāparivāratāya mahācoriyakammasamatthatāya ca veditabbo. Mahataṃ gāmanigamānaṃ viluppanaṃ mahāvilopo. Taṃ taṃ kāraṇaṃ pakkhipitvāti taṃ taṃ akaraṇameva kāraṇaṃ katvā tappaṭibaddhāya kathāya pakkhipitvā. Atthaṃ kathayissantīti tassa tassa atthañca kathayissanti. Harantāti apanentā pariharantā. Dasavatthukāyāti ‘‘sassato loko’’ti (ma. ni. 1.269) ādidasavatthusannissitāya. Antaṃ gahetvā ṭhitadiṭṭhiyāti tameva sassatādiantaṃ gahetvā avissajjetvā ṭhitadiṭṭhiyā.
មហាចោរសុត្តវណ្ណនា និដ្ឋិតា។
Mahācorasuttavaṇṇanā niṭṭhitā.
ចូឡវគ្គវណ្ណនា និដ្ឋិតា។
Cūḷavaggavaṇṇanā niṭṭhitā.
បឋមបណ្ណាសកំ និដ្ឋិតំ។
Paṭhamapaṇṇāsakaṃ niṭṭhitaṃ.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១១. មហាចោរសុត្តំ • 11. Mahācorasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១១. មហាចោរសុត្តវណ្ណនា • 11. Mahācorasuttavaṇṇanā
