| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৩০২. মহাঅস্সারোহজাতকং (৪-১-২)
302. Mahāassārohajātakaṃ (4-1-2)
৫.
5.
অদেয্যেসু দদং দানং, দেয্যেসু নপ্পৰেচ্ছতি।
Adeyyesu dadaṃ dānaṃ, deyyesu nappavecchati;
আপাসু ব্যসনং পত্তো, সহাযং নাধিগচ্ছতি॥
Āpāsu byasanaṃ patto, sahāyaṃ nādhigacchati.
৬.
6.
নাদেয্যেসু দদং দানং, দেয্যেসু যো পৰেচ্ছতি।
Nādeyyesu dadaṃ dānaṃ, deyyesu yo pavecchati;
আপাসু ব্যসনং পত্তো, সহাযমধিগচ্ছতি॥
Āpāsu byasanaṃ patto, sahāyamadhigacchati.
৭.
7.
সঞ্ঞোগসম্ভোগৰিসেসদস্সনং, অনরিযধম্মেসু সঠেসু নস্সতি।
Saññogasambhogavisesadassanaṃ, anariyadhammesu saṭhesu nassati;
কতঞ্চ অরিযেসু চ অজ্জৰেসু, মহপ্ফলং হোতি অণুম্পি তাদিসু॥
Katañca ariyesu ca ajjavesu, mahapphalaṃ hoti aṇumpi tādisu.
৮.
8.
যো পুব্বে কতকল্যাণো, অকা লোকে সুদুক্করং।
Yo pubbe katakalyāṇo, akā loke sudukkaraṃ;
পচ্ছা কযিরা ন ৰা কযিরা, অচ্চন্তং পূজনারহোতি॥
Pacchā kayirā na vā kayirā, accantaṃ pūjanārahoti.
মহাঅস্সারোহজাতকং দুতিযং।
Mahāassārohajātakaṃ dutiyaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩০২] ২. মহাঅস্সারোহজাতকৰণ্ণনা • [302] 2. Mahāassārohajātakavaṇṇanā
