| Tipiṭaka / তিপিটক • Tipiṭaka / জাতকপাল়ি • Jātakapāḷi |
৩০৩. একরাজজাতকং (৪-১-৩)
303. Ekarājajātakaṃ (4-1-3)
৯.
9.
অনুত্তরে কামগুণে সমিদ্ধে, ভুত্ৰান পুব্বে ৰসী একরাজ।
Anuttare kāmaguṇe samiddhe, bhutvāna pubbe vasī ekarāja;
সো দানি দুগ্গে নরকম্হি খিত্তো, নপ্পজ্জহে ৰণ্ণবলং পুরাণং॥
So dāni dugge narakamhi khitto, nappajjahe vaṇṇabalaṃ purāṇaṃ.
১০.
10.
পুব্বেৰ খন্তী চ তপো চ ময্হং, সম্পত্থিতা দুব্ভিসেন 1 অহোসি।
Pubbeva khantī ca tapo ca mayhaṃ, sampatthitā dubbhisena 2 ahosi;
তং দানি লদ্ধান কথং নু রাজ, জহে অহং ৰণ্ণবলং পুরাণং॥
Taṃ dāni laddhāna kathaṃ nu rāja, jahe ahaṃ vaṇṇabalaṃ purāṇaṃ.
১১.
11.
সব্বা কিরেৰং পরিনিট্ঠিতানি, যসস্সিনং পঞ্ঞৰন্তং ৰিসয্হ।
Sabbā kirevaṃ pariniṭṭhitāni, yasassinaṃ paññavantaṃ visayha;
যসো চ লদ্ধা পুরিমং উল়ারং, নপ্পজ্জহে ৰণ্ণবলং পুরাণং॥
Yaso ca laddhā purimaṃ uḷāraṃ, nappajjahe vaṇṇabalaṃ purāṇaṃ.
১২.
12.
পনুজ্জ দুক্খেন সুখং জনিন্দ, সুখেন ৰা দুক্খমসয্হসাহি।
Panujja dukkhena sukhaṃ janinda, sukhena vā dukkhamasayhasāhi;
উভযত্থ সন্তো অভিনিব্বুতত্তা, সুখে চ দুক্খে চ ভৰন্তি তুল্যাতি॥
Ubhayattha santo abhinibbutattā, sukhe ca dukkhe ca bhavanti tulyāti.
একরাজজাতকং ততিযং।
Ekarājajātakaṃ tatiyaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৩০৩] ৩. একরাজজাতকৰণ্ণনা • [303] 3. Ekarājajātakavaṇṇanā
