| Library / Tipiṭaka / තිපිටක • Tipiṭaka / අපදානපාළි • Apadānapāḷi |
5. මඝවපුප්ඵියත්ථෙරඅපදානං
5. Maghavapupphiyattheraapadānaṃ
20.
20.
‘‘නම්මදානදියා තීරෙ, සයම්භූ අපරාජිතො;
‘‘Nammadānadiyā tīre, sayambhū aparājito;
සමාධිං සො සමාපන්නො, විප්පසන්නො අනාවිලො.
Samādhiṃ so samāpanno, vippasanno anāvilo.
21.
21.
‘‘දිස්වා පසන්නසුමනො, සම්බුද්ධං අපරාජිතං;
‘‘Disvā pasannasumano, sambuddhaṃ aparājitaṃ;
තාහං මඝවපුප්ඵෙන, සයම්භුං පූජයිං තදා.
Tāhaṃ maghavapupphena, sayambhuṃ pūjayiṃ tadā.
22.
22.
‘‘එකනවුතිතො කප්පෙ, යං පුප්ඵමභිපූජයිං;
‘‘Ekanavutito kappe, yaṃ pupphamabhipūjayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
23.
23.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා මඝවපුප්ඵියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā maghavapupphiyo thero imā gāthāyo abhāsitthāti.
මඝවපුප්ඵියත්ථෙරස්සාපදානං පඤ්චමං.
Maghavapupphiyattherassāpadānaṃ pañcamaṃ.
