| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. មគ្គសញ្ញកត្ថេរអបទានំ
8. Maggasaññakattheraapadānaṃ
៦៦.
66.
‘‘បទុមុត្តរពុទ្ធស្ស, សាវកា វនចារិនោ;
‘‘Padumuttarabuddhassa, sāvakā vanacārino;
៦៧.
67.
‘‘អនុស្សរិត្វា សម្ពុទ្ធំ, បទុមុត្តរនាយកំ;
‘‘Anussaritvā sambuddhaṃ, padumuttaranāyakaṃ;
តស្ស តេ មុនិនោ បុត្តា, វិប្បនដ្ឋា មហាវនេ។
Tassa te munino puttā, vippanaṭṭhā mahāvane.
៦៨.
68.
‘‘ភវនា ឱរុហិត្វាន, អគមិំ ភិក្ខុសន្តិកំ;
‘‘Bhavanā oruhitvāna, agamiṃ bhikkhusantikaṃ;
តេសំ មគ្គញ្ច អាចិក្ខិំ, ភោជនញ្ច អទាសហំ។
Tesaṃ maggañca ācikkhiṃ, bhojanañca adāsahaṃ.
៦៩.
69.
‘‘តេន កម្មេន ទ្វិបទិន្ទ, លោកជេដ្ឋ នរាសភ;
‘‘Tena kammena dvipadinda, lokajeṭṭha narāsabha;
ជាតិយា សត្តវស្សោហំ, អរហត្តមបាបុណិំ។
Jātiyā sattavassohaṃ, arahattamapāpuṇiṃ.
៧០.
70.
‘‘សចក្ខូ នាម នាមេន, ទ្វាទស ចក្កវត្តិនោ;
‘‘Sacakkhū nāma nāmena, dvādasa cakkavattino;
សត្តរតនសម្បន្នា, បញ្ចកប្បសតេ ឥតោ។
Sattaratanasampannā, pañcakappasate ito.
៧១.
71.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា មគ្គសញ្ញកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā maggasaññako thero imā gāthāyo abhāsitthāti.
មគ្គសញ្ញកត្ថេរស្សាបទានំ អដ្ឋមំ។
Maggasaññakattherassāpadānaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៨. មគ្គសញ្ញកត្ថេរអបទានវណ្ណនា • 8. Maggasaññakattheraapadānavaṇṇanā
