| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ • Saṃyuttanikāya |
೧೧. ಮಗ್ಗಙ್ಗಸುತ್ತಂ
11. Maggaṅgasuttaṃ
೩೭೬. ‘‘ಕತಮೋ ಚ, ಭಿಕ್ಖವೇ, ಅಸಙ್ಖತಗಾಮಿಮಗ್ಗೋ? ಅರಿಯೋ ಅಟ್ಠಙ್ಗಿಕೋ ಮಗ್ಗೋ। ಅಯಂ ವುಚ್ಚತಿ, ಭಿಕ್ಖವೇ, ಅಸಙ್ಖತಗಾಮಿಮಗ್ಗೋ। ಇತಿ ಖೋ, ಭಿಕ್ಖವೇ , ದೇಸಿತಂ ವೋ ಮಯಾ ಅಸಙ್ಖತಂ, ದೇಸಿತೋ ಅಸಙ್ಖತಗಾಮಿಮಗ್ಗೋ। ಯಂ, ಭಿಕ್ಖವೇ, ಸತ್ಥಾರಾ ಕರಣೀಯಂ ಸಾವಕಾನಂ ಹಿತೇಸಿನಾ ಅನುಕಮ್ಪಕೇನ ಅನುಕಮ್ಪಂ ಉಪಾದಾಯ ಕತಂ ವೋ ತಂ ಮಯಾ। ಏತಾನಿ, ಭಿಕ್ಖವೇ, ರುಕ್ಖಮೂಲಾನಿ, ಏತಾನಿ ಸುಞ್ಞಾಗಾರಾನಿ। ಝಾಯಥ, ಭಿಕ್ಖವೇ, ಮಾ ಪಮಾದತ್ಥ; ಮಾ ಪಚ್ಛಾ ವಿಪ್ಪಟಿಸಾರಿನೋ ಅಹುವತ್ಥ। ಅಯಂ ವೋ ಅಮ್ಹಾಕಂ ಅನುಸಾಸನೀ’’ತಿ। ಏಕಾದಸಮಂ।
376. ‘‘Katamo ca, bhikkhave, asaṅkhatagāmimaggo? Ariyo aṭṭhaṅgiko maggo. Ayaṃ vuccati, bhikkhave, asaṅkhatagāmimaggo. Iti kho, bhikkhave , desitaṃ vo mayā asaṅkhataṃ, desito asaṅkhatagāmimaggo. Yaṃ, bhikkhave, satthārā karaṇīyaṃ sāvakānaṃ hitesinā anukampakena anukampaṃ upādāya kataṃ vo taṃ mayā. Etāni, bhikkhave, rukkhamūlāni, etāni suññāgārāni. Jhāyatha, bhikkhave, mā pamādattha; mā pacchā vippaṭisārino ahuvattha. Ayaṃ vo amhākaṃ anusāsanī’’ti. Ekādasamaṃ.
ಪಠಮೋ ವಗ್ಗೋ।
Paṭhamo vaggo.
ತಸ್ಸುದ್ದಾನಂ –
Tassuddānaṃ –
ಕಾಯೋ ಸಮಥೋ ಸವಿತಕ್ಕೋ, ಸುಞ್ಞತೋ ಸತಿಪಟ್ಠಾನಾ।
Kāyo samatho savitakko, suññato satipaṭṭhānā;
ಸಮ್ಮಪ್ಪಧಾನಾ ಇದ್ಧಿಪಾದಾ, ಇನ್ದ್ರಿಯಬಲಬೋಜ್ಝಙ್ಗಾ।
Sammappadhānā iddhipādā, indriyabalabojjhaṅgā;
ಮಗ್ಗೇನ ಏಕಾದಸಮಂ, ತಸ್ಸುದ್ದಾನಂ ಪವುಚ್ಚತಿ॥
Maggena ekādasamaṃ, tassuddānaṃ pavuccati.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೧-೧೧. ಕಾಯಗತಾಸತಿಸುತ್ತಾದಿವಣ್ಣನಾ • 1-11. Kāyagatāsatisuttādivaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೧-೧೧. ಕಾಯಗತಾಸತಿಸುತ್ತಾದಿವಣ್ಣನಾ • 1-11. Kāyagatāsatisuttādivaṇṇanā
