| Library / Tipiṭaka / ತಿಪಿಟಕ • Tipiṭaka / ಸುತ್ತನಿಪಾತಪಾಳಿ • Suttanipātapāḷi |
೯. ಮಾಗಣ್ಡಿಯಸುತ್ತಂ
9. Māgaṇḍiyasuttaṃ
೮೪೧.
841.
‘‘ದಿಸ್ವಾನ ತಣ್ಹಂ ಅರತಿಂ ರಗಞ್ಚ 1, ನಾಹೋಸಿ ಛನ್ದೋ ಅಪಿ ಮೇಥುನಸ್ಮಿಂ।
‘‘Disvāna taṇhaṃ aratiṃ ragañca 2, nāhosi chando api methunasmiṃ;
ಕಿಮೇವಿದಂ ಮುತ್ತಕರೀಸಪುಣ್ಣಂ, ಪಾದಾಪಿ ನಂ ಸಮ್ಫುಸಿತುಂ ನ ಇಚ್ಛೇ’’॥
Kimevidaṃ muttakarīsapuṇṇaṃ, pādāpi naṃ samphusituṃ na icche’’.
೮೪೨.
842.
‘‘ಏತಾದಿಸಂ ಚೇ ರತನಂ ನ ಇಚ್ಛಸಿ, ನಾರಿಂ ನರಿನ್ದೇಹಿ ಬಹೂಹಿ ಪತ್ಥಿತಂ।
‘‘Etādisaṃ ce ratanaṃ na icchasi, nāriṃ narindehi bahūhi patthitaṃ;
ದಿಟ್ಠಿಗತಂ ಸೀಲವತಂ ನು ಜೀವಿತಂ 3, ಭವೂಪಪತ್ತಿಞ್ಚ ವದೇಸಿ ಕೀದಿಸಂ’’॥
Diṭṭhigataṃ sīlavataṃ nu jīvitaṃ 4, bhavūpapattiñca vadesi kīdisaṃ’’.
೮೪೩.
843.
‘‘ಇದಂ ವದಾಮೀತಿ ನ ತಸ್ಸ ಹೋತಿ, (ಮಾಗಣ್ಡಿಯಾತಿ 5 ಭಗವಾ)
‘‘Idaṃ vadāmīti na tassa hoti, (māgaṇḍiyāti 6 bhagavā)
ಧಮ್ಮೇಸು ನಿಚ್ಛೇಯ್ಯ ಸಮುಗ್ಗಹೀತಂ।
Dhammesu niccheyya samuggahītaṃ;
ಪಸ್ಸಞ್ಚ ದಿಟ್ಠೀಸು ಅನುಗ್ಗಹಾಯ,
Passañca diṭṭhīsu anuggahāya,
ಅಜ್ಝತ್ತಸನ್ತಿಂ ಪಚಿನಂ ಅದಸ್ಸಂ’’॥
Ajjhattasantiṃ pacinaṃ adassaṃ’’.
೮೪೪.
844.
ತೇ ವೇ ಮುನೀ ಬ್ರೂಸಿ ಅನುಗ್ಗಹಾಯ।
Te ve munī brūsi anuggahāya;
ಅಜ್ಝತ್ತಸನ್ತೀತಿ ಯಮೇತಮತ್ಥಂ,
Ajjhattasantīti yametamatthaṃ,
ಕಥಂ ನು ಧೀರೇಹಿ ಪವೇದಿತಂ ತಂ’’॥
Kathaṃ nu dhīrehi paveditaṃ taṃ’’.
೮೪೫.
845.
‘‘ನ ದಿಟ್ಠಿಯಾ ನ ಸುತಿಯಾ ನ ಞಾಣೇನ, (ಮಾಗಣ್ಡಿಯಾತಿ ಭಗವಾ)
‘‘Na diṭṭhiyā na sutiyā na ñāṇena, (māgaṇḍiyāti bhagavā)
ಸೀಲಬ್ಬತೇನಾಪಿ ನ ಸುದ್ಧಿಮಾಹ।
Sīlabbatenāpi na suddhimāha;
ಅದಿಟ್ಠಿಯಾ ಅಸ್ಸುತಿಯಾ ಅಞಾಣಾ,
Adiṭṭhiyā assutiyā añāṇā,
ಅಸೀಲತಾ ಅಬ್ಬತಾ ನೋಪಿ ತೇನ।
Asīlatā abbatā nopi tena;
ಏತೇ ಚ ನಿಸ್ಸಜ್ಜ ಅನುಗ್ಗಹಾಯ,
Ete ca nissajja anuggahāya,
ಸನ್ತೋ ಅನಿಸ್ಸಾಯ ಭವಂ ನ ಜಪ್ಪೇ’’॥
Santo anissāya bhavaṃ na jappe’’.
೮೪೬.
846.
‘‘ನೋ ಚೇ ಕಿರ ದಿಟ್ಠಿಯಾ ನ ಸುತಿಯಾ ನ ಞಾಣೇನ, (ಇತಿ ಮಾಗಣ್ಡಿಯೋ)
‘‘No ce kira diṭṭhiyā na sutiyā na ñāṇena, (iti māgaṇḍiyo)
ಸೀಲಬ್ಬತೇನಾಪಿ ನ ಸುದ್ಧಿಮಾಹ।
Sīlabbatenāpi na suddhimāha;
ಅದಿಟ್ಠಿಯಾ ಅಸ್ಸುತಿಯಾ ಅಞಾಣಾ,
Adiṭṭhiyā assutiyā añāṇā,
ಅಸೀಲತಾ ಅಬ್ಬತಾ ನೋಪಿ ತೇನ।
Asīlatā abbatā nopi tena;
ಮಞ್ಞಾಮಹಂ ಮೋಮುಹಮೇವ ಧಮ್ಮಂ,
Maññāmahaṃ momuhameva dhammaṃ,
ದಿಟ್ಠಿಯಾ ಏಕೇ ಪಚ್ಚೇನ್ತಿ ಸುದ್ಧಿಂ’’॥
Diṭṭhiyā eke paccenti suddhiṃ’’.
೮೪೭.
847.
‘‘ದಿಟ್ಠಞ್ಚ ನಿಸ್ಸಾಯ ಅನುಪುಚ್ಛಮಾನೋ, (ಮಾಗಣ್ಡಿಯಾತಿ ಭಗವಾ)
‘‘Diṭṭhañca nissāya anupucchamāno, (māgaṇḍiyāti bhagavā)
ಇತೋ ಚ ನಾದ್ದಕ್ಖಿ ಅಣುಮ್ಪಿ ಸಞ್ಞಂ,
Ito ca nāddakkhi aṇumpi saññaṃ,
ತಸ್ಮಾ ತುವಂ ಮೋಮುಹತೋ ದಹಾಸಿ॥
Tasmā tuvaṃ momuhato dahāsi.
೮೪೮.
848.
‘‘ಸಮೋ ವಿಸೇಸೀ ಉದ ವಾ ನಿಹೀನೋ, ಯೋ ಮಞ್ಞತೀ ಸೋ ವಿವದೇಥ ತೇನ।
‘‘Samo visesī uda vā nihīno, yo maññatī so vivadetha tena;
ತೀಸು ವಿಧಾಸು ಅವಿಕಮ್ಪಮಾನೋ, ಸಮೋ ವಿಸೇಸೀತಿ ನ ತಸ್ಸ ಹೋತಿ॥
Tīsu vidhāsu avikampamāno, samo visesīti na tassa hoti.
೮೪೯.
849.
‘‘ಸಚ್ಚನ್ತಿ ಸೋ ಬ್ರಾಹ್ಮಣೋ ಕಿಂ ವದೇಯ್ಯ, ಮುಸಾತಿ ವಾ ಸೋ ವಿವದೇಥ ಕೇನ।
‘‘Saccanti so brāhmaṇo kiṃ vadeyya, musāti vā so vivadetha kena;
ಯಸ್ಮಿಂ ಸಮಂ ವಿಸಮಂ ವಾಪಿ ನತ್ಥಿ, ಸ ಕೇನ ವಾದಂ ಪಟಿಸಂಯುಜೇಯ್ಯ॥
Yasmiṃ samaṃ visamaṃ vāpi natthi, sa kena vādaṃ paṭisaṃyujeyya.
೮೫೦.
850.
‘‘ಓಕಂ ಪಹಾಯ ಅನಿಕೇತಸಾರೀ, ಗಾಮೇ ಅಕುಬ್ಬಂ ಮುನಿ ಸನ್ಥವಾನಿ 11।
‘‘Okaṃ pahāya aniketasārī, gāme akubbaṃ muni santhavāni 12;
ಕಾಮೇಹಿ ರಿತ್ತೋ ಅಪುರೇಕ್ಖರಾನೋ, ಕಥಂ ನ ವಿಗ್ಗಯ್ಹ ಜನೇನ ಕಯಿರಾ॥
Kāmehi ritto apurekkharāno, kathaṃ na viggayha janena kayirā.
೮೫೧.
851.
‘‘ಯೇಹಿ ವಿವಿತ್ತೋ ವಿಚರೇಯ್ಯ ಲೋಕೇ, ನ ತಾನಿ ಉಗ್ಗಯ್ಹ ವದೇಯ್ಯ ನಾಗೋ।
‘‘Yehi vivitto vicareyya loke, na tāni uggayha vadeyya nāgo;
ಜಲಮ್ಬುಜಂ 13 ಕಣ್ಡಕಂ ವಾರಿಜಂ ಯಥಾ, ಜಲೇನ ಪಙ್ಕೇನ ಚನೂಪಲಿತ್ತಂ।
Jalambujaṃ 14 kaṇḍakaṃ vārijaṃ yathā, jalena paṅkena canūpalittaṃ;
ಏವಂ ಮುನೀ ಸನ್ತಿವಾದೋ ಅಗಿದ್ಧೋ, ಕಾಮೇ ಚ ಲೋಕೇ ಚ ಅನೂಪಲಿತ್ತೋ॥
Evaṃ munī santivādo agiddho, kāme ca loke ca anūpalitto.
೮೫೨.
852.
‘‘ನ ವೇದಗೂ ದಿಟ್ಠಿಯಾಯಕೋ 15 ನ ಮುತಿಯಾ, ಸ ಮಾನಮೇತಿ ನ ಹಿ ತಮ್ಮಯೋ ಸೋ।
‘‘Na vedagū diṭṭhiyāyako 16 na mutiyā, sa mānameti na hi tammayo so;
ನ ಕಮ್ಮುನಾ ನೋಪಿ ಸುತೇನ ನೇಯ್ಯೋ, ಅನೂಪನೀತೋ ಸ ನಿವೇಸನೇಸು॥
Na kammunā nopi sutena neyyo, anūpanīto sa nivesanesu.
೮೫೩.
853.
‘‘ಸಞ್ಞಾವಿರತ್ತಸ್ಸ ನ ಸನ್ತಿ ಗನ್ಥಾ, ಪಞ್ಞಾವಿಮುತ್ತಸ್ಸ ನ ಸನ್ತಿ ಮೋಹಾ।
‘‘Saññāvirattassa na santi ganthā, paññāvimuttassa na santi mohā;
ಸಞ್ಞಞ್ಚ ದಿಟ್ಠಿಞ್ಚ ಯೇ ಅಗ್ಗಹೇಸುಂ, ತೇ ಘಟ್ಟಯನ್ತಾ 17 ವಿಚರನ್ತಿ ಲೋಕೇ’’ತಿ॥
Saññañca diṭṭhiñca ye aggahesuṃ, te ghaṭṭayantā 18 vicaranti loke’’ti.
ಮಾಗಣ್ಡಿಯಸುತ್ತಂ ನವಮಂ ನಿಟ್ಠಿತಂ।
Māgaṇḍiyasuttaṃ navamaṃ niṭṭhitaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಸುತ್ತನಿಪಾತ-ಅಟ್ಠಕಥಾ • Suttanipāta-aṭṭhakathā / ೯. ಮಾಗಣ್ಡಿಯಸುತ್ತವಣ್ಣನಾ • 9. Māgaṇḍiyasuttavaṇṇanā
