| Library / Tipiṭaka / តិបិដក • Tipiṭaka / បដិសម្ភិទាមគ្គបាឡិ • Paṭisambhidāmaggapāḷi |
១៤. លោកវាទបដិសំយុត្តទិដ្ឋិនិទ្ទេសោ
14. Lokavādapaṭisaṃyuttadiṭṭhiniddeso
១៤៧. លោកវាទបដិសំយុត្តាយ ទិដ្ឋិយា កតមេហិ អដ្ឋហិ អាការេហិ អភិនិវេសោ ហោតិ? សស្សតោ អត្តា ច លោកោ ចាតិ – អភិនិវេសបរាមាសោ លោកវាទបដិសំយុត្តា ទិដ្ឋិ។ ទិដ្ឋិ ន វត្ថុ, វត្ថុ ន ទិដ្ឋិ។ អញ្ញា, ទិដ្ឋិ, អញ្ញំ វត្ថុ។ យា ច ទិដ្ឋិ យញ្ច វត្ថុ – អយំ បឋមា លោកវាទបដិសំយុត្តា ទិដ្ឋិ។ លោកវាទបដិសំយុត្តា ទិដ្ឋិ មិច្ឆាទិដ្ឋិ…បេ.… ឥមានិ សញ្ញោជនានិ, ន ច ទិដ្ឋិយោ។
147. Lokavādapaṭisaṃyuttāya diṭṭhiyā katamehi aṭṭhahi ākārehi abhiniveso hoti? Sassato attā ca loko cāti – abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā, diṭṭhi, aññaṃ vatthu. Yā ca diṭṭhi yañca vatthu – ayaṃ paṭhamā lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi…pe… imāni saññojanāni, na ca diṭṭhiyo.
អសស្សតោ អត្តា ច លោកោ ចាតិ…បេ.… សស្សតោ ច អសស្សតោ ច អត្តា ច លោកោ ចាតិ…បេ.… នេវ សស្សតោ នាសស្សតោ អត្តា ច លោកោ ចាតិ… អន្តវា អត្តា ច លោកោ ចាតិ… អនន្តវា អត្តា ច លោកោ ចាតិ… អន្តវា ច អនន្តវា ច អត្តា ច លោកោ ចាតិ… នេវ អន្តវា ន អនន្តវា អត្តា ច លោកោ ចាតិ អភិនិវេសបរាមាសោ លោកវាទបដិសំយុត្តា ទិដ្ឋិ។ ទិដ្ឋិ ន វត្ថុ, វត្ថុ ន ទិដ្ឋិ។ អញ្ញា ទិដ្ឋិ, អញ្ញំ វត្ថុ។ យា ច ទិដ្ឋិ យញ្ច វត្ថុ – អយំ អដ្ឋមី លោកវាទបដិសំយុត្តា ទិដ្ឋិ។ លោកវាទបដិសំយុត្តា ទិដ្ឋិ មិច្ឆាទិដ្ឋិ …បេ.… ឥមានិ សញ្ញោជនានិ, ន ច ទិដ្ឋិយោ។ លោកវាទបដិសំយុត្តាយ ទិដ្ឋិយា ឥមេហិ អដ្ឋហិ អាការេហិ អភិនិវេសោ ហោតិ។
Asassato attā ca loko cāti…pe… sassato ca asassato ca attā ca loko cāti…pe… neva sassato nāsassato attā ca loko cāti… antavā attā ca loko cāti… anantavā attā ca loko cāti… antavā ca anantavā ca attā ca loko cāti… neva antavā na anantavā attā ca loko cāti abhinivesaparāmāso lokavādapaṭisaṃyuttā diṭṭhi. Diṭṭhi na vatthu, vatthu na diṭṭhi. Aññā diṭṭhi, aññaṃ vatthu. Yā ca diṭṭhi yañca vatthu – ayaṃ aṭṭhamī lokavādapaṭisaṃyuttā diṭṭhi. Lokavādapaṭisaṃyuttā diṭṭhi micchādiṭṭhi …pe… imāni saññojanāni, na ca diṭṭhiyo. Lokavādapaṭisaṃyuttāya diṭṭhiyā imehi aṭṭhahi ākārehi abhiniveso hoti.
លោកវាទបដិសំយុត្តទិដ្ឋិនិទ្ទេសោ ចុទ្ទសមោ។
Lokavādapaṭisaṃyuttadiṭṭhiniddeso cuddasamo.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / បដិសម្ភិទាមគ្គ-អដ្ឋកថា • Paṭisambhidāmagga-aṭṭhakathā / ១៤. លោកវាទបដិសំយុត្តទិដ្ឋិនិទ្ទេសវណ្ណនា • 14. Lokavādapaṭisaṃyuttadiṭṭhiniddesavaṇṇanā
