| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൧൦. ലോകസുത്തവണ്ണനാ
10. Lokasuttavaṇṇanā
൭൦. ദസമേ കിസ്മിം ലോകോ സമുപ്പന്നോതി കിസ്മിം ഉപ്പന്നേ ലോകോ ഉപ്പന്നോതി പുച്ഛതി. ഛസൂതി ഛസു അജ്ഝത്തികേസു ആയതനേസു ഉപ്പന്നേസു ഉപ്പന്നോതി വുച്ചതി. ഛസു കുബ്ബതീതി തേസുയേവ ഛസു സന്ഥവം കരോതി. ഉപാദായാതി താനിയേവ ച ഉപാദായ ആഗമ്മ പടിച്ച പവത്തതി. വിഹഞ്ഞതീതി തേസുയേവ ഛസു വിഹഞ്ഞതി പീളിയതി. ഇതി അജ്ഝത്തികായതനവസേന അയം പഞ്ഹോ ആഗതോ, അജ്ഝത്തികബാഹിരാനം പന വസേന ആഹരിതും വട്ടതി. ഛസു ഹി അജ്ഝത്തികായതനേസു ഉപ്പന്നേസു അയം ഉപ്പന്നോ നാമ ഹോതി, ഛസു ബാഹിരേസു സന്ഥവം കരോതി, ഛന്നം അജ്ഝത്തികാനം ഉപാദായ ഛസു ബാഹിരേസു വിഹഞ്ഞതീതി. ദസമം.
70. Dasame kismiṃ loko samuppannoti kismiṃ uppanne loko uppannoti pucchati. Chasūti chasu ajjhattikesu āyatanesu uppannesu uppannoti vuccati. Chasu kubbatīti tesuyeva chasu santhavaṃ karoti. Upādāyāti tāniyeva ca upādāya āgamma paṭicca pavattati. Vihaññatīti tesuyeva chasu vihaññati pīḷiyati. Iti ajjhattikāyatanavasena ayaṃ pañho āgato, ajjhattikabāhirānaṃ pana vasena āharituṃ vaṭṭati. Chasu hi ajjhattikāyatanesu uppannesu ayaṃ uppanno nāma hoti, chasu bāhiresu santhavaṃ karoti, channaṃ ajjhattikānaṃ upādāya chasu bāhiresu vihaññatīti. Dasamaṃ.
അദ്ധവഗ്ഗോ സത്തമോ.
Addhavaggo sattamo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧൦. ലോകസുത്തം • 10. Lokasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧൦. ലോകസുത്തവണ്ണനാ • 10. Lokasuttavaṇṇanā
