| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੫. ਪਪਾਤવਗ੍ਗੋ
5. Papātavaggo
੧. ਲੋਕਚਿਨ੍ਤਾਸੁਤ੍ਤવਣ੍ਣਨਾ
1. Lokacintāsuttavaṇṇanā
੧੧੧੧. ਲੋਕਚਿਨ੍ਤਨ੍ਤਿ ਲੋਕਸਨ੍ਨਿવੇਸਪਟਿਸਂਯੁਤ੍ਤવੀਮਂਸਾવ। ‘‘ਲੋਕਚਿਤ੍ਤ’’ਨ੍ਤਿਪਿ ਪਾਠੋ, ਤਂਤਂਲੋਕਪਰਿਯਾਪਨ੍ਨਂ ਚਿਤ੍ਤਨ੍ਤਿ ਅਤ੍ਥੋ। ਨਾਲ਼ਿਕੇਰਾਦਯੋਤਿ ਆਦਿ-ਸਦ੍ਦੇਨ ਅવੁਤ੍ਤਾਨਂ ਓਸਧਿਤਿਣવਨਪ੍ਪਤਿਆਦੀਨਂ ਸਙ੍ਗਹੋ। ਏવਰੂਪਨ੍ਤਿ ਏਦਿਸਂ ਅਞ੍ਞਮ੍ਪਿ ਤਂਤਂਲੋਕਚਿਤ੍ਤਂ।
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
વਿਗਤਚਿਤ੍ਤੋਤਿ ਅਤ੍ਤਤ੍ਥਪਰਤ੍ਥਤੋ ਅਪਗਤવਿਤਕ੍ਕੋ ਅਦ੍ਦਸ ਏવਂ ਅਧਿਟ੍ਠਹਿਂਸੂਤਿ ਸਮ੍ਬਨ੍ਧੋ। ਸਮ੍ਬਰਿਮਾਯਨ੍ਤਿ ਸਮ੍ਬਰੇਨ ਅਸੁਰਿਨ੍ਦੇਨ ਉਪ੍ਪਾਦਿਤਂ ਅਸੁਰਮਾਯਂ, ਯਂ ‘‘ਇਨ੍ਦਜਾਲ’’ਨ੍ਤਿਪਿ વੁਚ੍ਚਤਿ ਇਨ੍ਦਸ੍ਸ ਮੋਹਨਤ੍ਥਂ ਉਪ੍ਪਾਦਿਤਤ੍ਤਾ। ਸਮ੍ਪਰਿવਤ੍ਤੇਤ੍વਾਤਿ ਪਰਿਧਾવੇਤ੍વਾ। ਯਥਾ ਨੇਤਿ ਨੇ ਅਸੁਰੇ ਯਥਾ ਸੋ ਪੁਰਿਸੋ ਪਸ੍ਸਤਿ, ਏવਂ ਅਧਿਟ੍ਠਹਿਂਸੁ। ਕਸ੍ਮਾ ਪਨੇਤੇ ਏવਂ ਅਧਿਟ੍ਠਹਿਂਸੂਤਿ? ਤਂ ਪੁਰਿਸਂ ਤਤ੍ਥ ਤਥਾਨਿਸਿਨ੍ਨਂ ਦਿਸ੍વਾ ‘‘ਅਯਞ੍ਚ ਦੇવੋ’’ਤਿ ਆਸਙ੍ਕਨ੍ਤਾ ਤਥਾ ਅਧਿਟ੍ਠਹਿਤ੍વਾ ਭਿਸਮੁਲ਼ਾਲਛਿਦ੍ਦੇਹਿ ਪવਿਸਿਤ੍વਾ ਅਤ੍ਤਨੋ ਅਸੁਰਭવਨਂ ਗਤਾ। ਤੇਨਾਹ ਭਗવਾ – ‘‘ਦੇવਾਨਂਯੇવ ਮੋਹਯਮਾਨਾ’’ਤਿ।
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਲੋਕਚਿਨ੍ਤਾਸੁਤ੍ਤਂ • 1. Lokacintāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਲੋਕਚਿਨ੍ਤਾਸੁਤ੍ਤવਣ੍ਣਨਾ • 1. Lokacintāsuttavaṇṇanā
