| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. ပပာတဝဂ္ဂော
5. Papātavaggo
၁. လောကစိန္တာသုတ္တဝဏ္ဏနာ
1. Lokacintāsuttavaṇṇanā
၁၁၁၁. လောကစိန္တန္တိ လောကသန္နိဝေသပဋိသံယုတ္တဝီမံသာဝ။ ‘‘လောကစိတ္တ’’န္တိပိ ပာဌော, တံတံလောကပရိယာပန္နံ စိတ္တန္တိ အတ္ထော။ နာဠိကေရာဒယောတိ အာဒိ-သဒ္ဒေန အဝုတ္တာနံ ဩသဓိတိဏဝနပ္ပတိအာဒီနံ သင္ဂဟော။ ဧဝရူပန္တိ ဧဒိသံ အညမ္ပိ တံတံလောကစိတ္တံ။
1111.Lokacintanti lokasannivesapaṭisaṃyuttavīmaṃsāva. ‘‘Lokacitta’’ntipi pāṭho, taṃtaṃlokapariyāpannaṃ cittanti attho. Nāḷikerādayoti ādi-saddena avuttānaṃ osadhitiṇavanappatiādīnaṃ saṅgaho. Evarūpanti edisaṃ aññampi taṃtaṃlokacittaṃ.
ဝိဂတစိတ္တောတိ အတ္တတ္ထပရတ္ထတော အပဂတဝိတက္ကော အဒ္ဒသ ဧဝံ အဓိဋ္ဌဟိံသူတိ သမ္ဗန္ဓော။ သမ္ဗရိမာယန္တိ သမ္ဗရေန အသုရိန္ဒေန ဥပ္ပာဒိတံ အသုရမာယံ, ယံ ‘‘ဣန္ဒဇာလ’’န္တိပိ ဝုစ္စတိ ဣန္ဒသ္သ မောဟနတ္ထံ ဥပ္ပာဒိတတ္တာ။ သမ္ပရိဝတ္တေတ္ဝာတိ ပရိဓာဝေတ္ဝာ။ ယထာ နေတိ နေ အသုရေ ယထာ သော ပုရိသော ပသ္သတိ, ဧဝံ အဓိဋ္ဌဟိံသု။ ကသ္မာ ပနေတေ ဧဝံ အဓိဋ္ဌဟိံသူတိ? တံ ပုရိသံ တတ္ထ တထာနိသိန္နံ ဒိသ္ဝာ ‘‘အယဉ္စ ဒေဝော’’တိ အာသင္ကန္တာ တထာ အဓိဋ္ဌဟိတ္ဝာ ဘိသမုဠာလဆိဒ္ဒေဟိ ပဝိသိတ္ဝာ အတ္တနော အသုရဘဝနံ ဂတာ။ တေနာဟ ဘဂဝာ – ‘‘ဒေဝာနံယေဝ မောဟယမာနာ’’တိ။
Vigatacittoti attatthaparatthato apagatavitakko addasa evaṃ adhiṭṭhahiṃsūti sambandho. Sambarimāyanti sambarena asurindena uppāditaṃ asuramāyaṃ, yaṃ ‘‘indajāla’’ntipi vuccati indassa mohanatthaṃ uppāditattā. Samparivattetvāti paridhāvetvā. Yathā neti ne asure yathā so puriso passati, evaṃ adhiṭṭhahiṃsu. Kasmā panete evaṃ adhiṭṭhahiṃsūti? Taṃ purisaṃ tattha tathānisinnaṃ disvā ‘‘ayañca devo’’ti āsaṅkantā tathā adhiṭṭhahitvā bhisamuḷālachiddehi pavisitvā attano asurabhavanaṃ gatā. Tenāha bhagavā – ‘‘devānaṃyeva mohayamānā’’ti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. လောကစိန္တာသုတ္တံ • 1. Lokacintāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁. လောကစိန္တာသုတ္တဝဏ္ဏနာ • 1. Lokacintāsuttavaṇṇanā
