| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
८-१०. लिच्छविकुमारकसुत्तादिवण्णना
8-10. Licchavikumārakasuttādivaṇṇanā
५८-६०. अट्ठमे सापतेय्यन्ति एत्थ सं वुच्चति धनं, तस्स पतीति सपति, धनसामिको। तस्स हितावहत्ता सापतेय्यं, द्रब्यं, धनन्ति अत्थो। अत्तनो रुचिवसेन गामकिच्चं नेतीति गामनियो, गामनियोयेव गामणिको।
58-60. Aṭṭhame sāpateyyanti ettha saṃ vuccati dhanaṃ, tassa patīti sapati, dhanasāmiko. Tassa hitāvahattā sāpateyyaṃ, drabyaṃ, dhananti attho. Attano rucivasena gāmakiccaṃ netīti gāmaniyo, gāmaniyoyeva gāmaṇiko.
अन्वाय उपनिस्साय जीवनसीला अनुजीविनोति आह ‘‘ये च एतं उपनिस्साय जीवन्ती’’ति। एकं महाकुलं निस्साय पण्णासम्पि सट्ठिपि कुलानि जीवन्ति, ते मनुस्से सन्धायेतं वुत्तं। सेसं सुविञ्ञेय्यमेव। नवमादीनि उत्तानत्थानेव।
Anvāya upanissāya jīvanasīlā anujīvinoti āha ‘‘ye ca etaṃ upanissāya jīvantī’’ti. Ekaṃ mahākulaṃ nissāya paṇṇāsampi saṭṭhipi kulāni jīvanti, te manusse sandhāyetaṃ vuttaṃ. Sesaṃ suviññeyyameva. Navamādīni uttānatthāneva.
लिच्छविकुमारकसुत्तादिवण्णना निट्ठिता।
Licchavikumārakasuttādivaṇṇanā niṭṭhitā.
नीवरणवग्गवण्णना निट्ठिता।
Nīvaraṇavaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
८. लिच्छविकुमारकसुत्तं • 8. Licchavikumārakasuttaṃ
९. पठमवुड्ढपब्बजितसुत्तं • 9. Paṭhamavuḍḍhapabbajitasuttaṃ
१०. दुतियवुड्ढपब्बजितसुत्तं • 10. Dutiyavuḍḍhapabbajitasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
८. लिच्छविकुमारकसुत्तवण्णना • 8. Licchavikumārakasuttavaṇṇanā
९-१०. वुड्ढपब्बजितसुत्तद्वयवण्णना • 9-10. Vuḍḍhapabbajitasuttadvayavaṇṇanā
