| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
१०. दुतियवुड्ढपब्बजितसुत्तं
10. Dutiyavuḍḍhapabbajitasuttaṃ
६०. ‘‘पञ्चहि, भिक्खवे, धम्मेहि समन्नागतो दुल्लभो वुड्ढपब्बजितो। कतमेहि पञ्चहि? दुल्लभो, भिक्खवे, वुड्ढपब्बजितो सुवचो, दुल्लभो सुग्गहितग्गाही , दुल्लभो पदक्खिणग्गाही, दुल्लभो धम्मकथिको, दुल्लभो विनयधरो। इमेहि खो, भिक्खवे, पञ्चहि धम्मेहि समन्नागतो दुल्लभो वुड्ढपब्बजितो’’ति। दसमं।
60. ‘‘Pañcahi, bhikkhave, dhammehi samannāgato dullabho vuḍḍhapabbajito. Katamehi pañcahi? Dullabho, bhikkhave, vuḍḍhapabbajito suvaco, dullabho suggahitaggāhī , dullabho padakkhiṇaggāhī, dullabho dhammakathiko, dullabho vinayadharo. Imehi kho, bhikkhave, pañcahi dhammehi samannāgato dullabho vuḍḍhapabbajito’’ti. Dasamaṃ.
नीवरणवग्गो पठमो।
Nīvaraṇavaggo paṭhamo.
तस्सुद्दानं –
Tassuddānaṃ –
आवरणं रासि अङ्गानि, समयं मातुपुत्तिका।
Āvaraṇaṃ rāsi aṅgāni, samayaṃ mātuputtikā;
उपज्झा ठाना लिच्छवि, कुमारा अपरा दुवेति॥
Upajjhā ṭhānā licchavi, kumārā aparā duveti.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ९-१०. वुड्ढपब्बजितसुत्तद्वयवण्णना • 9-10. Vuḍḍhapabbajitasuttadvayavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ८-१०. लिच्छविकुमारकसुत्तादिवण्णना • 8-10. Licchavikumārakasuttādivaṇṇanā
