| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੩੫੭. ਲਟੁਕਿਕਜਾਤਕਂ (੫-੧-੭)
357. Laṭukikajātakaṃ (5-1-7)
੩੯.
39.
વਨ੍ਦਾਮਿ ਤਂ ਕੁਞ੍ਜਰ ਸਟ੍ਠਿਹਾਯਨਂ, ਆਰਞ੍ਞਕਂ ਯੂਥਪਤਿਂ ਯਸਸ੍ਸਿਂ।
Vandāmi taṃ kuñjara saṭṭhihāyanaṃ, āraññakaṃ yūthapatiṃ yasassiṃ;
ਪਕ੍ਖੇਹਿ ਤਂ ਪਞ੍ਜਲਿਕਂ ਕਰੋਮਿ, ਮਾ ਮੇ વਧੀ ਪੁਤ੍ਤਕੇ ਦੁਬ੍ਬਲਾਯ॥
Pakkhehi taṃ pañjalikaṃ karomi, mā me vadhī puttake dubbalāya.
੪੦.
40.
વਨ੍ਦਾਮਿ ਤਂ ਕੁਞ੍ਜਰ ਏਕਚਾਰਿਂ, ਆਰਞ੍ਞਕਂ ਪਬ੍ਬਤਸਾਨੁਗੋਚਰਂ।
Vandāmi taṃ kuñjara ekacāriṃ, āraññakaṃ pabbatasānugocaraṃ;
ਪਕ੍ਖੇਹਿ ਤਂ ਪਞ੍ਜਲਿਕਂ ਕਰੋਮਿ, ਮਾ ਮੇ વਧੀ ਪੁਤ੍ਤਕੇ ਦੁਬ੍ਬਲਾਯ।
Pakkhehi taṃ pañjalikaṃ karomi, mā me vadhī puttake dubbalāya;
੪੧.
41.
વਮਿਸ੍ਸਾਮਿ ਤੇ ਲਟੁਕਿਕੇ ਪੁਤ੍ਤਕਾਨਿ, ਕਿਂ ਮੇ ਤੁવਂ ਕਾਹਸਿ ਦੁਬ੍ਬਲਾਸਿ।
Vamissāmi te laṭukike puttakāni, kiṃ me tuvaṃ kāhasi dubbalāsi;
ਸਤਂ ਸਹਸ੍ਸਾਨਿਪਿ ਤਾਦਿਸੀਨਂ, વਾਮੇਨ ਪਾਦੇਨ ਪਪੋਥਯੇਯ੍ਯਂ॥
Sataṃ sahassānipi tādisīnaṃ, vāmena pādena papothayeyyaṃ.
੪੨.
42.
ਨ ਹੇવ ਸਬ੍ਬਤ੍ਥ ਬਲੇਨ ਕਿਚ੍ਚਂ, ਬਲਞ੍ਹਿ ਬਾਲਸ੍ਸ વਧਾਯ ਹੋਤਿ।
Na heva sabbattha balena kiccaṃ, balañhi bālassa vadhāya hoti;
ਕਰਿਸ੍ਸਾਮਿ ਤੇ ਨਾਗਰਾਜਾ ਅਨਤ੍ਥਂ, ਯੋ ਮੇ વਧੀ ਪੁਤ੍ਤਕੇ ਦੁਬ੍ਬਲਾਯ॥
Karissāmi te nāgarājā anatthaṃ, yo me vadhī puttake dubbalāya.
੪੩.
43.
ਕਾਕਞ੍ਚ ਪਸ੍ਸ ਲਟੁਕਿਕਂ, ਮਣ੍ਡੂਕਂ ਨੀਲਮਕ੍ਖਿਕਂ।
Kākañca passa laṭukikaṃ, maṇḍūkaṃ nīlamakkhikaṃ;
ਏਤੇ ਨਾਗਂ ਅਘਾਤੇਸੁਂ, ਪਸ੍ਸ વੇਰਸ੍ਸ વੇਰਿਨਂ।
Ete nāgaṃ aghātesuṃ, passa verassa verinaṃ;
ਤਸ੍ਮਾ ਹਿ વੇਰਂ ਨ ਕਯਿਰਾਥ, ਅਪ੍ਪਿਯੇਨਪਿ ਕੇਨਚੀਤਿ॥
Tasmā hi veraṃ na kayirātha, appiyenapi kenacīti.
ਲਟੁਕਿਕਜਾਤਕਂ ਸਤ੍ਤਮਂ।
Laṭukikajātakaṃ sattamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੩੫੭] ੭. ਲਟੁਕਿਕਜਾਤਕવਣ੍ਣਨਾ • [357] 7. Laṭukikajātakavaṇṇanā
