| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៥៧. លដុកិកជាតកំ (៥-១-៧)
357. Laṭukikajātakaṃ (5-1-7)
៣៩.
39.
វន្ទាមិ តំ កុញ្ជរ សដ្ឋិហាយនំ, អារញ្ញកំ យូថបតិំ យសស្សិំ;
Vandāmi taṃ kuñjara saṭṭhihāyanaṃ, āraññakaṃ yūthapatiṃ yasassiṃ;
បក្ខេហិ តំ បញ្ជលិកំ ករោមិ, មា មេ វធី បុត្តកេ ទុព្ពលាយ។
Pakkhehi taṃ pañjalikaṃ karomi, mā me vadhī puttake dubbalāya.
៤០.
40.
វន្ទាមិ តំ កុញ្ជរ ឯកចារិំ, អារញ្ញកំ បព្ពតសានុគោចរំ;
Vandāmi taṃ kuñjara ekacāriṃ, āraññakaṃ pabbatasānugocaraṃ;
បក្ខេហិ តំ បញ្ជលិកំ ករោមិ, មា មេ វធី បុត្តកេ ទុព្ពលាយ;
Pakkhehi taṃ pañjalikaṃ karomi, mā me vadhī puttake dubbalāya;
៤១.
41.
វមិស្សាមិ តេ លដុកិកេ បុត្តកានិ, កិំ មេ តុវំ កាហសិ ទុព្ពលាសិ;
Vamissāmi te laṭukike puttakāni, kiṃ me tuvaṃ kāhasi dubbalāsi;
សតំ សហស្សានិបិ តាទិសីនំ, វាមេន បាទេន បបោថយេយ្យំ។
Sataṃ sahassānipi tādisīnaṃ, vāmena pādena papothayeyyaṃ.
៤២.
42.
ន ហេវ សព្ពត្ថ ពលេន កិច្ចំ, ពលញ្ហិ ពាលស្ស វធាយ ហោតិ;
Na heva sabbattha balena kiccaṃ, balañhi bālassa vadhāya hoti;
ករិស្សាមិ តេ នាគរាជា អនត្ថំ, យោ មេ វធី បុត្តកេ ទុព្ពលាយ។
Karissāmi te nāgarājā anatthaṃ, yo me vadhī puttake dubbalāya.
៤៣.
43.
កាកញ្ច បស្ស លដុកិកំ, មណ្ឌូកំ នីលមក្ខិកំ;
Kākañca passa laṭukikaṃ, maṇḍūkaṃ nīlamakkhikaṃ;
ឯតេ នាគំ អឃាតេសុំ, បស្ស វេរស្ស វេរិនំ;
Ete nāgaṃ aghātesuṃ, passa verassa verinaṃ;
តស្មា ហិ វេរំ ន កយិរាថ, អប្បិយេនបិ កេនចីតិ។
Tasmā hi veraṃ na kayirātha, appiyenapi kenacīti.
លដុកិកជាតកំ សត្តមំ។
Laṭukikajātakaṃ sattamaṃ.
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៥៧] ៧. លដុកិកជាតកវណ្ណនា • [357] 7. Laṭukikajātakavaṇṇanā
