| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๕๗. ลฎุกิกชาตกํ (๕-๑-๗)
357. Laṭukikajātakaṃ (5-1-7)
๓๙.
39.
วนฺทามิ ตํ กุญฺชร สฎฺฐิหายนํ, อารญฺญกํ ยูถปติํ ยสสฺสิํ;
Vandāmi taṃ kuñjara saṭṭhihāyanaṃ, āraññakaṃ yūthapatiṃ yasassiṃ;
ปเกฺขหิ ตํ ปญฺชลิกํ กโรมิ, มา เม วธี ปุตฺตเก ทุพฺพลายฯ
Pakkhehi taṃ pañjalikaṃ karomi, mā me vadhī puttake dubbalāya.
๔๐.
40.
วนฺทามิ ตํ กุญฺชร เอกจาริํ, อารญฺญกํ ปพฺพตสานุโคจรํ;
Vandāmi taṃ kuñjara ekacāriṃ, āraññakaṃ pabbatasānugocaraṃ;
ปเกฺขหิ ตํ ปญฺชลิกํ กโรมิ, มา เม วธี ปุตฺตเก ทุพฺพลาย;
Pakkhehi taṃ pañjalikaṃ karomi, mā me vadhī puttake dubbalāya;
๔๑.
41.
วมิสฺสามิ เต ลฎุกิเก ปุตฺตกานิ, กิํ เม ตุวํ กาหสิ ทุพฺพลาสิ;
Vamissāmi te laṭukike puttakāni, kiṃ me tuvaṃ kāhasi dubbalāsi;
สตํ สหสฺสานิปิ ตาทิสีนํ, วาเมน ปาเทน ปโปถเยยฺยํฯ
Sataṃ sahassānipi tādisīnaṃ, vāmena pādena papothayeyyaṃ.
๔๒.
42.
น เหว สพฺพตฺถ พเลน กิจฺจํ, พลญฺหิ พาลสฺส วธาย โหติ;
Na heva sabbattha balena kiccaṃ, balañhi bālassa vadhāya hoti;
กริสฺสามิ เต นาคราชา อนตฺถํ, โย เม วธี ปุตฺตเก ทุพฺพลายฯ
Karissāmi te nāgarājā anatthaṃ, yo me vadhī puttake dubbalāya.
๔๓.
43.
กากญฺจ ปสฺส ลฎุกิกํ, มณฺฑูกํ นีลมกฺขิกํ;
Kākañca passa laṭukikaṃ, maṇḍūkaṃ nīlamakkhikaṃ;
เอเต นาคํ อฆาเตสุํ, ปสฺส เวรสฺส เวรินํ;
Ete nāgaṃ aghātesuṃ, passa verassa verinaṃ;
ตสฺมา หิ เวรํ น กยิราถ, อปฺปิเยนปิ เกนจีติฯ
Tasmā hi veraṃ na kayirātha, appiyenapi kenacīti.
ลฎุกิกชาตกํ สตฺตมํฯ
Laṭukikajātakaṃ sattamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๕๗] ๗. ลฎุกิกชาตกวณฺณนา • [357] 7. Laṭukikajātakavaṇṇanā
