| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૩૫૭. લટુકિકજાતકં (૫-૧-૭)
357. Laṭukikajātakaṃ (5-1-7)
૩૯.
39.
વન્દામિ તં કુઞ્જર સટ્ઠિહાયનં, આરઞ્ઞકં યૂથપતિં યસસ્સિં;
Vandāmi taṃ kuñjara saṭṭhihāyanaṃ, āraññakaṃ yūthapatiṃ yasassiṃ;
પક્ખેહિ તં પઞ્જલિકં કરોમિ, મા મે વધી પુત્તકે દુબ્બલાય.
Pakkhehi taṃ pañjalikaṃ karomi, mā me vadhī puttake dubbalāya.
૪૦.
40.
વન્દામિ તં કુઞ્જર એકચારિં, આરઞ્ઞકં પબ્બતસાનુગોચરં;
Vandāmi taṃ kuñjara ekacāriṃ, āraññakaṃ pabbatasānugocaraṃ;
પક્ખેહિ તં પઞ્જલિકં કરોમિ, મા મે વધી પુત્તકે દુબ્બલાય;
Pakkhehi taṃ pañjalikaṃ karomi, mā me vadhī puttake dubbalāya;
૪૧.
41.
વમિસ્સામિ તે લટુકિકે પુત્તકાનિ, કિં મે તુવં કાહસિ દુબ્બલાસિ;
Vamissāmi te laṭukike puttakāni, kiṃ me tuvaṃ kāhasi dubbalāsi;
સતં સહસ્સાનિપિ તાદિસીનં, વામેન પાદેન પપોથયેય્યં.
Sataṃ sahassānipi tādisīnaṃ, vāmena pādena papothayeyyaṃ.
૪૨.
42.
ન હેવ સબ્બત્થ બલેન કિચ્ચં, બલઞ્હિ બાલસ્સ વધાય હોતિ;
Na heva sabbattha balena kiccaṃ, balañhi bālassa vadhāya hoti;
કરિસ્સામિ તે નાગરાજા અનત્થં, યો મે વધી પુત્તકે દુબ્બલાય.
Karissāmi te nāgarājā anatthaṃ, yo me vadhī puttake dubbalāya.
૪૩.
43.
કાકઞ્ચ પસ્સ લટુકિકં, મણ્ડૂકં નીલમક્ખિકં;
Kākañca passa laṭukikaṃ, maṇḍūkaṃ nīlamakkhikaṃ;
એતે નાગં અઘાતેસું, પસ્સ વેરસ્સ વેરિનં;
Ete nāgaṃ aghātesuṃ, passa verassa verinaṃ;
તસ્મા હિ વેરં ન કયિરાથ, અપ્પિયેનપિ કેનચીતિ.
Tasmā hi veraṃ na kayirātha, appiyenapi kenacīti.
લટુકિકજાતકં સત્તમં.
Laṭukikajātakaṃ sattamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૩૫૭] ૭. લટુકિકજાતકવણ્ણના • [357] 7. Laṭukikajātakavaṇṇanā
