| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
357. லடுகிகஜாதகங் (5-1-7)
357. Laṭukikajātakaṃ (5-1-7)
39.
39.
வந்தா³மி தங் குஞ்ஜர ஸட்டி²ஹாயனங், ஆரஞ்ஞகங் யூத²பதிங் யஸஸ்ஸிங்;
Vandāmi taṃ kuñjara saṭṭhihāyanaṃ, āraññakaṃ yūthapatiṃ yasassiṃ;
பக்கே²ஹி தங் பஞ்ஜலிகங் கரோமி, மா மே வதீ⁴ புத்தகே து³ப்³ப³லாய.
Pakkhehi taṃ pañjalikaṃ karomi, mā me vadhī puttake dubbalāya.
40.
40.
வந்தா³மி தங் குஞ்ஜர ஏகசாரிங், ஆரஞ்ஞகங் பப்³ப³தஸானுகோ³சரங்;
Vandāmi taṃ kuñjara ekacāriṃ, āraññakaṃ pabbatasānugocaraṃ;
பக்கே²ஹி தங் பஞ்ஜலிகங் கரோமி, மா மே வதீ⁴ புத்தகே து³ப்³ப³லாய;
Pakkhehi taṃ pañjalikaṃ karomi, mā me vadhī puttake dubbalāya;
41.
41.
வமிஸ்ஸாமி தே லடுகிகே புத்தகானி, கிங் மே துவங் காஹஸி து³ப்³ப³லாஸி;
Vamissāmi te laṭukike puttakāni, kiṃ me tuvaṃ kāhasi dubbalāsi;
ஸதங் ஸஹஸ்ஸானிபி தாதி³ஸீனங், வாமேன பாதே³ன பபோத²யெய்யங்.
Sataṃ sahassānipi tādisīnaṃ, vāmena pādena papothayeyyaṃ.
42.
42.
ந ஹேவ ஸப்³ப³த்த² ப³லேன கிச்சங், ப³லஞ்ஹி பா³லஸ்ஸ வதா⁴ய ஹோதி;
Na heva sabbattha balena kiccaṃ, balañhi bālassa vadhāya hoti;
கரிஸ்ஸாமி தே நாக³ராஜா அனத்த²ங், யோ மே வதீ⁴ புத்தகே து³ப்³ப³லாய.
Karissāmi te nāgarājā anatthaṃ, yo me vadhī puttake dubbalāya.
43.
43.
காகஞ்ச பஸ்ஸ லடுகிகங், மண்டூ³கங் நீலமக்கி²கங்;
Kākañca passa laṭukikaṃ, maṇḍūkaṃ nīlamakkhikaṃ;
ஏதே நாக³ங் அகா⁴தேஸுங், பஸ்ஸ வேரஸ்ஸ வேரினங்;
Ete nāgaṃ aghātesuṃ, passa verassa verinaṃ;
தஸ்மா ஹி வேரங் ந கயிராத², அப்பியேனபி கேனசீதி.
Tasmā hi veraṃ na kayirātha, appiyenapi kenacīti.
லடுகிகஜாதகங் ஸத்தமங்.
Laṭukikajātakaṃ sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [357] 7. லடுகிகஜாதகவண்ணனா • [357] 7. Laṭukikajātakavaṇṇanā
