| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೨. ಲಕುಣ್ಡಕಭದ್ದಿಯತ್ಥೇರಗಾಥಾ
2. Lakuṇḍakabhaddiyattheragāthā
೪೬೬.
466.
ಪರೇ ಅಮ್ಬಾಟಕಾರಾಮೇ, ವನಸಣ್ಡಮ್ಹಿ ಭದ್ದಿಯೋ।
Pare ambāṭakārāme, vanasaṇḍamhi bhaddiyo;
೪೬೭.
467.
ಅಹಞ್ಚ ರುಕ್ಖಮೂಲಸ್ಮಿಂ, ರತೋ ಬುದ್ಧಸ್ಸ ಸಾಸನೇ॥
Ahañca rukkhamūlasmiṃ, rato buddhassa sāsane.
೪೬೮.
468.
‘‘ಬುದ್ಧೋ ಚೇ 5 ಮೇ ವರಂ ದಜ್ಜಾ, ಸೋ ಚ ಲಬ್ಭೇಥ ಮೇ ವರೋ।
‘‘Buddho ce 6 me varaṃ dajjā, so ca labbhetha me varo;
ಗಣ್ಹೇಹಂ ಸಬ್ಬಲೋಕಸ್ಸ, ನಿಚ್ಚಂ ಕಾಯಗತಂ ಸತಿಂ॥
Gaṇhehaṃ sabbalokassa, niccaṃ kāyagataṃ satiṃ.
೪೬೯.
469.
‘‘ಯೇ ಮಂ ರೂಪೇನ ಪಾಮಿಂಸು, ಯೇ ಚ ಘೋಸೇನ ಅನ್ವಗೂ।
‘‘Ye maṃ rūpena pāmiṃsu, ye ca ghosena anvagū;
ಛನ್ದರಾಗವಸೂಪೇತಾ, ನ ಮಂ ಜಾನನ್ತಿ ತೇ ಜನಾ॥
Chandarāgavasūpetā, na maṃ jānanti te janā.
೪೭೦.
470.
‘‘ಅಜ್ಝತ್ತಞ್ಚ ನ ಜಾನಾತಿ, ಬಹಿದ್ಧಾ ಚ ನ ಪಸ್ಸತಿ।
‘‘Ajjhattañca na jānāti, bahiddhā ca na passati;
ಸಮನ್ತಾವರಣೋ ಬಾಲೋ, ಸ ವೇ ಘೋಸೇನ ವುಯ್ಹತಿ॥
Samantāvaraṇo bālo, sa ve ghosena vuyhati.
೪೭೧.
471.
‘‘ಅಜ್ಝತ್ತಞ್ಚ ನ ಜಾನಾತಿ, ಬಹಿದ್ಧಾ ಚ ವಿಪಸ್ಸತಿ।
‘‘Ajjhattañca na jānāti, bahiddhā ca vipassati;
ಬಹಿದ್ಧಾ ಫಲದಸ್ಸಾವೀ, ಸೋಪಿ ಘೋಸೇನ ವುಯ್ಹತಿ॥
Bahiddhā phaladassāvī, sopi ghosena vuyhati.
೪೭೨.
472.
‘‘ಅಜ್ಝತ್ತಞ್ಚ ಪಜಾನಾತಿ, ಬಹಿದ್ಧಾ ಚ ವಿಪಸ್ಸತಿ।
‘‘Ajjhattañca pajānāti, bahiddhā ca vipassati;
ಅನಾವರಣದಸ್ಸಾವೀ, ನ ಸೋ ಘೋಸೇನ ವುಯ್ಹತೀ’’ತಿ॥
Anāvaraṇadassāvī, na so ghosena vuyhatī’’ti.
… ಲಕುಣ್ಡಕಭದ್ದಿಯೋ ಥೇರೋ…।
… Lakuṇḍakabhaddiyo thero….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೨. ಲಕುಣ್ಡಕಭದ್ದಿಯತ್ಥೇರಗಾಥಾವಣ್ಣನಾ • 2. Lakuṇḍakabhaddiyattheragāthāvaṇṇanā
