| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೩. ಭದ್ದತ್ಥೇರಗಾಥಾ
3. Bhaddattheragāthā
೪೭೩.
473.
‘‘ಏಕಪುತ್ತೋ ಅಹಂ ಆಸಿಂ, ಪಿಯೋ ಮಾತು ಪಿಯೋ ಪಿತು।
‘‘Ekaputto ahaṃ āsiṃ, piyo mātu piyo pitu;
ಬಹೂಹಿ ವತಚರಿಯಾಹಿ, ಲದ್ಧೋ ಆಯಾಚನಾಹಿ ಚ॥
Bahūhi vatacariyāhi, laddho āyācanāhi ca.
೪೭೪.
474.
‘‘ತೇ ಚ ಮಂ ಅನುಕಮ್ಪಾಯ, ಅತ್ಥಕಾಮಾ ಹಿತೇಸಿನೋ।
‘‘Te ca maṃ anukampāya, atthakāmā hitesino;
ಉಭೋ ಪಿತಾ ಚ ಮಾತಾ ಚ, ಬುದ್ಧಸ್ಸ ಉಪನಾಮಯುಂ’’॥
Ubho pitā ca mātā ca, buddhassa upanāmayuṃ’’.
೪೭೫.
475.
‘‘ಕಿಚ್ಛಾ ಲದ್ಧೋ ಅಯಂ ಪುತ್ತೋ, ಸುಖುಮಾಲೋ ಸುಖೇಧಿತೋ।
‘‘Kicchā laddho ayaṃ putto, sukhumālo sukhedhito;
ಇಮಂ ದದಾಮ ತೇ ನಾಥ, ಜಿನಸ್ಸ ಪರಿಚಾರಕಂ’’॥
Imaṃ dadāma te nātha, jinassa paricārakaṃ’’.
೪೭೬.
476.
‘‘ಸತ್ಥಾ ಚ ಮಂ ಪಟಿಗ್ಗಯ್ಹ, ಆನನ್ದಂ ಏತದಬ್ರವಿ।
‘‘Satthā ca maṃ paṭiggayha, ānandaṃ etadabravi;
‘ಪಬ್ಬಾಜೇಹಿ ಇಮಂ ಖಿಪ್ಪಂ, ಹೇಸ್ಸತ್ಯಾಜಾನಿಯೋ ಅಯಂ॥
‘Pabbājehi imaṃ khippaṃ, hessatyājāniyo ayaṃ.
೪೭೭.
477.
‘‘ಪಬ್ಬಾಜೇತ್ವಾನ ಮಂ ಸತ್ಥಾ, ವಿಹಾರಂ ಪಾವಿಸೀ ಜಿನೋ।
‘‘Pabbājetvāna maṃ satthā, vihāraṃ pāvisī jino;
ಅನೋಗ್ಗತಸ್ಮಿಂ ಸೂರಿಯಸ್ಮಿಂ, ತತೋ ಚಿತ್ತಂ ವಿಮುಚ್ಚಿ ಮೇ॥
Anoggatasmiṃ sūriyasmiṃ, tato cittaṃ vimucci me.
೪೭೮.
478.
‘‘ತತೋ ಸತ್ಥಾ ನಿರಾಕತ್ವಾ, ಪಟಿಸಲ್ಲಾನವುಟ್ಠಿತೋ।
‘‘Tato satthā nirākatvā, paṭisallānavuṭṭhito;
‘ಏಹಿ ಭದ್ದಾ’ತಿ ಮಂ ಆಹ, ಸಾ ಮೇ ಆಸೂಪಸಮ್ಪದಾ॥
‘Ehi bhaddā’ti maṃ āha, sā me āsūpasampadā.
೪೭೯.
479.
‘‘ಜಾತಿಯಾ ಸತ್ತವಸ್ಸೇನ, ಲದ್ಧಾ ಮೇ ಉಪಸಮ್ಪದಾ।
‘‘Jātiyā sattavassena, laddhā me upasampadā;
ತಿಸ್ಸೋ ವಿಜ್ಜಾ ಅನುಪ್ಪತ್ತಾ, ಅಹೋ ಧಮ್ಮಸುಧಮ್ಮತಾ’’ತಿ॥
Tisso vijjā anuppattā, aho dhammasudhammatā’’ti.
… ಭದ್ದೋ ಥೇರೋ…।
… Bhaddo thero….
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೩. ಭದ್ದತ್ಥೇರಗಾಥಾವಣ್ಣನಾ • 3. Bhaddattheragāthāvaṇṇanā
