| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၆. လကုဏ္ဍကဘဒ္ဒိယသုတ္တဝဏ္ဏနာ
6. Lakuṇḍakabhaddiyasuttavaṇṇanā
၂၄၀. ဝိရူပသရီရဝဏ္ဏန္တိ အသုန္ဒရဆဝိဝဏ္ဏဉ္စေဝ အသုန္ဒရသဏ္ဌာနဉ္စ။ ပမာဏဝသေနာတိ သရီရပ္ပမာဏဝသေန။ ဣစ္ဆိတိစ္ဆိတန္တိ အတ္တနာ ဣစ္ဆိတိစ္ဆိတံ။ မဟာသာရဇ္ဇန္တိ မဟန္တော မင္ကုဘာဝော။
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
ဂုဏေ အာဝဇ္ဇေတ္ဝာတိ အတ္တနာ ဇာနနကနိယာမေန သတ္ထုနော ကာယဂုဏေ စ စာရိတ္တဂုဏေ စ အာဝဇ္ဇေတ္ဝာ မနသိ ကတ္ဝာ။
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
ယောဇနာဝဋ္ဋန္တိ ယောဇနပရိက္ခေပံ။
Yojanāvaṭṭanti yojanaparikkhepaṃ.
‘‘ကာယသ္မီ’’တိ ဂာထာသုခတ္ထံ နိရနုနာသိကံ ကတ္ဝာ နိဒ္ဒေသောတိ ဝုတ္တံ ‘‘ကာယသ္မိ’’န္တိ။ အကာရဏံ ကာယပ္ပမာဏန္တိ သရီရပ္ပမာဏံ နာမ အပ္ပမာဏံ, သီလာဒိဂုဏာဝ ပမာဏန္တိ အဓိပ္ပာယော။
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
လကုဏ္ဍကဘဒ္ဒိယသုတ္တဝဏ္ဏနာ နိဋ္ဌိတာ။
Lakuṇḍakabhaddiyasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၆. လကုဏ္ဍကဘဒ္ဒိယသုတ္တံ • 6. Lakuṇḍakabhaddiyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၆. လကုဏ္ဍကဘဒ္ဒိယသုတ္တဝဏ္ဏနာ • 6. Lakuṇḍakabhaddiyasuttavaṇṇanā
