| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၇. ဝိသာခသုတ္တဝဏ္ဏနာ
7. Visākhasuttavaṇṇanā
၂၄၁. ပုရသ္သ ဧသာတိ ပောရီ, စာတုရိယယုတ္တတာ။ တေနာဟ ‘‘ပုရဝာသီန’’န္တိအာဒိ။ သာ ပန ဒုတဝိလမ္ဗိတခလိတဝသေန အပ္ပသန္နလူခတာဒိဒောသရဟိတာ ဟောတီတိ အာဟ ‘‘ပုရ။ပေ.။ ဝာစာယာ’’တိ။ အသန္ဒိဒ္ဓာယာတိ မုတ္တဝာစာယ။ တေနာဟ ‘‘အပလိဗုဒ္ဓာယာ’’တိအာဒိ။ န ဧလံ ဒောသံ ဂလေတီတိ အနေလဂလာ, အဝိရုဇ္ဈနဝာစာ။ တေနာဟ ‘‘နိဒ္ဒောသာယာ’’တိ။ စတုသစ္စသ္သ ပကာသကာ, န ကဒာစိ သစ္စဝိမုတ္တာတိ အာဟ ‘‘စတုသစ္စပရိယာပန္နာယာ’’တိ။ တာ ဟိ စတ္တာရိ သစ္စာနိ ပရိစ္ဆိဇ္ဇ အာပာဒေန္တိ ပဋိပာဒေန္တိ ပဝတ္တေန္တိ။ တေနာဟ ‘‘စတ္တာရိ သစ္စာနိ အမုဉ္စိတ္ဝာ ပဝတ္တာယာ’’တိ။ ဓဇော နာမ သဗ္ဗဓမ္မေဟိ သမုသ္သိတဋ္ဌေန။
241. Purassa esāti porī, cāturiyayuttatā. Tenāha ‘‘puravāsīna’’ntiādi. Sā pana dutavilambitakhalitavasena appasannalūkhatādidosarahitā hotīti āha ‘‘pura…pe… vācāyā’’ti. Asandiddhāyāti muttavācāya. Tenāha ‘‘apalibuddhāyā’’tiādi. Na elaṃ dosaṃ galetīti anelagalā, avirujjhanavācā. Tenāha ‘‘niddosāyā’’ti. Catusaccassa pakāsakā, na kadāci saccavimuttāti āha ‘‘catusaccapariyāpannāyā’’ti. Tā hi cattāri saccāni paricchijja āpādenti paṭipādenti pavattenti. Tenāha ‘‘cattāri saccāni amuñcitvā pavattāyā’’ti. Dhajo nāma sabbadhammehi samussitaṭṭhena.
ဝိသာခသုတ္တဝဏ္ဏနာ နိဋ္ဌိတာ။
Visākhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဝိသာခသုတ္တံ • 7. Visākhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇. ဝိသာခသုတ္တဝဏ္ဏနာ • 7. Visākhasuttavaṇṇanā
