| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៦. លកុណ្ឌកភទ្ទិយសុត្តវណ្ណនា
6. Lakuṇḍakabhaddiyasuttavaṇṇanā
២៤០. វិរូបសរីរវណ្ណន្តិ អសុន្ទរឆវិវណ្ណញ្ចេវ អសុន្ទរសណ្ឋានញ្ច។ បមាណវសេនាតិ សរីរប្បមាណវសេន។ ឥច្ឆិតិច្ឆិតន្តិ អត្តនា ឥច្ឆិតិច្ឆិតំ។ មហាសារជ្ជន្តិ មហន្តោ មង្កុភាវោ។
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
គុណេ អាវជ្ជេត្វាតិ អត្តនា ជាននកនិយាមេន សត្ថុនោ កាយគុណេ ច ចារិត្តគុណេ ច អាវជ្ជេត្វា មនសិ កត្វា។
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
យោជនាវដ្ដន្តិ យោជនបរិក្ខេបំ។
Yojanāvaṭṭanti yojanaparikkhepaṃ.
‘‘កាយស្មី’’តិ គាថាសុខត្ថំ និរនុនាសិកំ កត្វា និទ្ទេសោតិ វុត្តំ ‘‘កាយស្មិ’’ន្តិ។ អការណំ កាយប្បមាណន្តិ សរីរប្បមាណំ នាម អប្បមាណំ, សីលាទិគុណាវ បមាណន្តិ អធិប្បាយោ។
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
លកុណ្ឌកភទ្ទិយសុត្តវណ្ណនា និដ្ឋិតា។
Lakuṇḍakabhaddiyasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦. លកុណ្ឌកភទ្ទិយសុត្តំ • 6. Lakuṇḍakabhaddiyasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៦. លកុណ្ឌកភទ្ទិយសុត្តវណ្ណនា • 6. Lakuṇḍakabhaddiyasuttavaṇṇanā
