| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
६. लकुण्डकभद्दियसुत्तवण्णना
6. Lakuṇḍakabhaddiyasuttavaṇṇanā
२४०. विरूपसरीरवण्णन्ति असुन्दरछविवण्णञ्चेव असुन्दरसण्ठानञ्च। पमाणवसेनाति सरीरप्पमाणवसेन। इच्छितिच्छितन्ति अत्तना इच्छितिच्छितं। महासारज्जन्ति महन्तो मङ्कुभावो।
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
गुणे आवज्जेत्वाति अत्तना जाननकनियामेन सत्थुनो कायगुणे च चारित्तगुणे च आवज्जेत्वा मनसि कत्वा।
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
योजनावट्टन्ति योजनपरिक्खेपं।
Yojanāvaṭṭanti yojanaparikkhepaṃ.
‘‘कायस्मी’’ति गाथासुखत्थं निरनुनासिकं कत्वा निद्देसोति वुत्तं ‘‘कायस्मि’’न्ति। अकारणं कायप्पमाणन्ति सरीरप्पमाणं नाम अप्पमाणं, सीलादिगुणाव पमाणन्ति अधिप्पायो।
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
लकुण्डकभद्दियसुत्तवण्णना निट्ठिता।
Lakuṇḍakabhaddiyasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ६. लकुण्डकभद्दियसुत्तं • 6. Lakuṇḍakabhaddiyasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ६. लकुण्डकभद्दियसुत्तवण्णना • 6. Lakuṇḍakabhaddiyasuttavaṇṇanā
