| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
७. विसाखसुत्तवण्णना
7. Visākhasuttavaṇṇanā
२४१. पुरस्स एसाति पोरी, चातुरिययुत्तता। तेनाह ‘‘पुरवासीन’’न्तिआदि। सा पन दुतविलम्बितखलितवसेन अप्पसन्नलूखतादिदोसरहिता होतीति आह ‘‘पुर…पे॰… वाचाया’’ति। असन्दिद्धायाति मुत्तवाचाय। तेनाह ‘‘अपलिबुद्धाया’’तिआदि। न एलं दोसं गलेतीति अनेलगला, अविरुज्झनवाचा। तेनाह ‘‘निद्दोसाया’’ति। चतुसच्चस्स पकासका, न कदाचि सच्चविमुत्ताति आह ‘‘चतुसच्चपरियापन्नाया’’ति। ता हि चत्तारि सच्चानि परिच्छिज्ज आपादेन्ति पटिपादेन्ति पवत्तेन्ति। तेनाह ‘‘चत्तारि सच्चानि अमुञ्चित्वा पवत्ताया’’ति। धजो नाम सब्बधम्मेहि समुस्सितट्ठेन।
241. Purassa esāti porī, cāturiyayuttatā. Tenāha ‘‘puravāsīna’’ntiādi. Sā pana dutavilambitakhalitavasena appasannalūkhatādidosarahitā hotīti āha ‘‘pura…pe… vācāyā’’ti. Asandiddhāyāti muttavācāya. Tenāha ‘‘apalibuddhāyā’’tiādi. Na elaṃ dosaṃ galetīti anelagalā, avirujjhanavācā. Tenāha ‘‘niddosāyā’’ti. Catusaccassa pakāsakā, na kadāci saccavimuttāti āha ‘‘catusaccapariyāpannāyā’’ti. Tā hi cattāri saccāni paricchijja āpādenti paṭipādenti pavattenti. Tenāha ‘‘cattāri saccāni amuñcitvā pavattāyā’’ti. Dhajo nāma sabbadhammehi samussitaṭṭhena.
विसाखसुत्तवण्णना निट्ठिता।
Visākhasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ७. विसाखसुत्तं • 7. Visākhasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ७. विसाखसुत्तवण्णना • 7. Visākhasuttavaṇṇanā
