| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬. লকুণ্ডকভদ্দিযসুত্তৰণ্ণনা
6. Lakuṇḍakabhaddiyasuttavaṇṇanā
২৪০. ৰিরূপসরীরৰণ্ণন্তি অসুন্দরছৰিৰণ্ণঞ্চেৰ অসুন্দরসণ্ঠানঞ্চ। পমাণৰসেনাতি সরীরপ্পমাণৰসেন। ইচ্ছিতিচ্ছিতন্তি অত্তনা ইচ্ছিতিচ্ছিতং। মহাসারজ্জন্তি মহন্তো মঙ্কুভাৰো।
240.Virūpasarīravaṇṇanti asundarachavivaṇṇañceva asundarasaṇṭhānañca. Pamāṇavasenāti sarīrappamāṇavasena. Icchiticchitanti attanā icchiticchitaṃ. Mahāsārajjanti mahanto maṅkubhāvo.
গুণে আৰজ্জেত্ৰাতি অত্তনা জাননকনিযামেন সত্থুনো কাযগুণে চ চারিত্তগুণে চ আৰজ্জেত্ৰা মনসি কত্ৰা।
Guṇe āvajjetvāti attanā jānanakaniyāmena satthuno kāyaguṇe ca cārittaguṇe ca āvajjetvā manasi katvā.
যোজনাৰট্টন্তি যোজনপরিক্খেপং।
Yojanāvaṭṭanti yojanaparikkhepaṃ.
‘‘কাযস্মী’’তি গাথাসুখত্থং নিরনুনাসিকং কত্ৰা নিদ্দেসোতি ৰুত্তং ‘‘কাযস্মি’’ন্তি। অকারণং কাযপ্পমাণন্তি সরীরপ্পমাণং নাম অপ্পমাণং, সীলাদিগুণাৰ পমাণন্তি অধিপ্পাযো।
‘‘Kāyasmī’’ti gāthāsukhatthaṃ niranunāsikaṃ katvā niddesoti vuttaṃ ‘‘kāyasmi’’nti. Akāraṇaṃ kāyappamāṇanti sarīrappamāṇaṃ nāma appamāṇaṃ, sīlādiguṇāva pamāṇanti adhippāyo.
লকুণ্ডকভদ্দিযসুত্তৰণ্ণনা নিট্ঠিতা।
Lakuṇḍakabhaddiyasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. লকুণ্ডকভদ্দিযসুত্তং • 6. Lakuṇḍakabhaddiyasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. লকুণ্ডকভদ্দিযসুত্তৰণ্ণনা • 6. Lakuṇḍakabhaddiyasuttavaṇṇanā
