| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৭. ৰিসাখসুত্তৰণ্ণনা
7. Visākhasuttavaṇṇanā
২৪১. পুরস্স এসাতি পোরী, চাতুরিযযুত্ততা। তেনাহ ‘‘পুরৰাসীন’’ন্তিআদি। সা পন দুতৰিলম্বিতখলিতৰসেন অপ্পসন্নলূখতাদিদোসরহিতা হোতীতি আহ ‘‘পুর…পে॰… ৰাচাযা’’তি। অসন্দিদ্ধাযাতি মুত্তৰাচায। তেনাহ ‘‘অপলিবুদ্ধাযা’’তিআদি। ন এলং দোসং গলেতীতি অনেলগলা, অৰিরুজ্ঝনৰাচা। তেনাহ ‘‘নিদ্দোসাযা’’তি। চতুসচ্চস্স পকাসকা, ন কদাচি সচ্চৰিমুত্তাতি আহ ‘‘চতুসচ্চপরিযাপন্নাযা’’তি। তা হি চত্তারি সচ্চানি পরিচ্ছিজ্জ আপাদেন্তি পটিপাদেন্তি পৰত্তেন্তি। তেনাহ ‘‘চত্তারি সচ্চানি অমুঞ্চিত্ৰা পৰত্তাযা’’তি। ধজো নাম সব্বধম্মেহি সমুস্সিতট্ঠেন।
241. Purassa esāti porī, cāturiyayuttatā. Tenāha ‘‘puravāsīna’’ntiādi. Sā pana dutavilambitakhalitavasena appasannalūkhatādidosarahitā hotīti āha ‘‘pura…pe… vācāyā’’ti. Asandiddhāyāti muttavācāya. Tenāha ‘‘apalibuddhāyā’’tiādi. Na elaṃ dosaṃ galetīti anelagalā, avirujjhanavācā. Tenāha ‘‘niddosāyā’’ti. Catusaccassa pakāsakā, na kadāci saccavimuttāti āha ‘‘catusaccapariyāpannāyā’’ti. Tā hi cattāri saccāni paricchijja āpādenti paṭipādenti pavattenti. Tenāha ‘‘cattāri saccāni amuñcitvā pavattāyā’’ti. Dhajo nāma sabbadhammehi samussitaṭṭhena.
ৰিসাখসুত্তৰণ্ণনা নিট্ঠিতা।
Visākhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৭. ৰিসাখসুত্তং • 7. Visākhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৭. ৰিসাখসুত্তৰণ্ণনা • 7. Visākhasuttavaṇṇanā
