| Library / Tipiṭaka / திபிடக • Tipiṭaka / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā |
லக்க²ணத்திகனித்³தே³ஸவண்ணனா
Lakkhaṇattikaniddesavaṇṇanā
31. இதா³னி யஸ்மா ஏகேகோபி லோகியத⁴ம்மோ திலக்க²ணப்³பா⁴ஹதோ, தஸ்மா லக்க²ணத்திகங் ஏகதோ நித்³தி³ட்ட²ங். தத்த² அனிச்சங் க²யட்டே²னாதி தத்த² தத்தே²வ கீ²யனபா⁴வேன அனிச்சங். ‘‘க²யத⁴ம்மத்தா, வயத⁴ம்மத்தா, விராக³த⁴ம்மத்தா, நிரோத⁴த⁴ம்மத்தா அனிச்ச’’ந்தி ஏகே. து³க்க²ங் ப⁴யட்டே²னாதி ஸப்படிப⁴யதாய து³க்க²ங். யஞ்ஹி அனிச்சங், தங் ப⁴யாவஹங் ஹோதி ஸீஹோபமஸுத்தே (ஸங்॰ நி॰ 3.78) தே³வானங் விய. ‘‘ஜாதிஜராப்³யாதி⁴மரணப⁴யட்டே²ன து³க்க²’’ந்தி ஏகே. அனத்தா அஸாரகட்டே²னாதி ‘‘அத்தா நிவாஸீ காரகோ வேத³கோ ஸயங்வஸீ’’தி ஏவங் பரிகப்பிதஸ்ஸ அத்தஸாரஸ்ஸ அபா⁴வேன அனத்தா. யஞ்ஹி அனிச்சங் து³க்க²ங், தங் அத்தனோபி அனிச்சதங் வா உத³யப்³ப³யபீளனங் வா தா⁴ரேதுங் ந ஸக்கோதி, குதோ தஸ்ஸ காரகாதி³பா⁴வோ. வுத்தஞ்ச ‘‘ரூபஞ்ச ஹித³ங், பி⁴க்க²வே, அத்தா அப⁴விஸ்ஸ, நயித³ங் ரூபங் ஆபா³தா⁴ய ஸங்வத்தெய்யா’’திஆதி³ (மஹாவ॰ 20). ‘‘அத்தஸாரனிச்சஸாரவிரஹிதத்தா அனத்தா’’தி ஏகே.
31. Idāni yasmā ekekopi lokiyadhammo tilakkhaṇabbhāhato, tasmā lakkhaṇattikaṃ ekato niddiṭṭhaṃ. Tattha aniccaṃ khayaṭṭhenāti tattha tattheva khīyanabhāvena aniccaṃ. ‘‘Khayadhammattā, vayadhammattā, virāgadhammattā, nirodhadhammattā anicca’’nti eke. Dukkhaṃ bhayaṭṭhenāti sappaṭibhayatāya dukkhaṃ. Yañhi aniccaṃ, taṃ bhayāvahaṃ hoti sīhopamasutte (saṃ. ni. 3.78) devānaṃ viya. ‘‘Jātijarābyādhimaraṇabhayaṭṭhena dukkha’’nti eke. Anattā asārakaṭṭhenāti ‘‘attā nivāsī kārako vedako sayaṃvasī’’ti evaṃ parikappitassa attasārassa abhāvena anattā. Yañhi aniccaṃ dukkhaṃ, taṃ attanopi aniccataṃ vā udayabbayapīḷanaṃ vā dhāretuṃ na sakkoti, kuto tassa kārakādibhāvo. Vuttañca ‘‘rūpañca hidaṃ, bhikkhave, attā abhavissa, nayidaṃ rūpaṃ ābādhāya saṃvatteyyā’’tiādi (mahāva. 20). ‘‘Attasāraniccasāravirahitattā anattā’’ti eke.
லக்க²ணத்திகனித்³தே³ஸவண்ணனா நிட்டி²தா.
Lakkhaṇattikaniddesavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / படிஸம்பி⁴தா³மக்³க³பாளி • Paṭisambhidāmaggapāḷi / 1. ஸுதமயஞாணனித்³தே³ஸோ • 1. Sutamayañāṇaniddeso
