| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৭. লক্খণকথাৰণ্ণনা
7. Lakkhaṇakathāvaṇṇanā
৪০০. ইদানি লক্খণকথা নাম হোতি। তত্থ ‘‘যেহি সমন্নাগতস্স মহাপুরিসস্স দ্ৰেৰ গতিযো ভৰন্তী’’তি (দী॰ নি॰ ১.২৫৮) ইমং সুত্তং অযোনিসো গহেত্ৰা লক্খণসমন্নাগতো বোধিসত্তোৰ হোতীতি যেসং লদ্ধি, সেয্যথাপি এতরহি উত্তরাপথকানং; তে সন্ধায পুচ্ছা সকৰাদিস্স, পটিঞ্ঞা ইতরস্স।
400. Idāni lakkhaṇakathā nāma hoti. Tattha ‘‘yehi samannāgatassa mahāpurisassa dveva gatiyo bhavantī’’ti (dī. ni. 1.258) imaṃ suttaṃ ayoniso gahetvā lakkhaṇasamannāgato bodhisattova hotīti yesaṃ laddhi, seyyathāpi etarahi uttarāpathakānaṃ; te sandhāya pucchā sakavādissa, paṭiññā itarassa.
চক্কৰত্তিসত্তোতি পঞ্হেসু যস্মা চক্কৰত্তী সত্তোপি চ বোধিসত্তোপি, তস্মা অবোধিসত্তং সন্ধায পটিক্খিপতি। বোধিসত্তং সন্ধায পটিজানাতি।
Cakkavattisattoti pañhesu yasmā cakkavattī sattopi ca bodhisattopi, tasmā abodhisattaṃ sandhāya paṭikkhipati. Bodhisattaṃ sandhāya paṭijānāti.
৪০২. দ্ৰত্তিংসিমানীতিসুত্তং বোধিসত্তমেৰ সন্ধায ৰুত্তং। সো হি পচ্ছিমে ভৰে বুদ্ধো হোতি, ইতরেসু চক্কৰত্তী, তস্মা আভতম্পি অনাভতসদিসমেৰাতি।
402. Dvattiṃsimānītisuttaṃ bodhisattameva sandhāya vuttaṃ. So hi pacchime bhave buddho hoti, itaresu cakkavattī, tasmā ābhatampi anābhatasadisamevāti.
লক্খণকথাৰণ্ণনা।
Lakkhaṇakathāvaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৩৯) ৭. লক্খণকথা • (39) 7. Lakkhaṇakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৭. লক্খণকথাৰণ্ণনা • 7. Lakkhaṇakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৭. লক্খণকথাৰণ্ণনা • 7. Lakkhaṇakathāvaṇṇanā
