| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. លពុជទាយកត្ថេរអបទានំ
2. Labujadāyakattheraapadānaṃ
៧.
7.
‘‘នគរេ ពន្ធុមតិយា, អាសិំ អារាមិកោ តទា;
‘‘Nagare bandhumatiyā, āsiṃ ārāmiko tadā;
អទ្ទសំ វិរជំ ពុទ្ធំ, គច្ឆន្តំ អនិលញ្ជសេ។
Addasaṃ virajaṃ buddhaṃ, gacchantaṃ anilañjase.
៨.
8.
‘‘លពុជស្ស ផលំ គយ្ហ, ពុទ្ធសេដ្ឋស្សទាសហំ;
‘‘Labujassa phalaṃ gayha, buddhaseṭṭhassadāsahaṃ;
អាកាសេ ឋិតកោ សន្តោ, បដិគណ្ហិ មហាយសោ។
Ākāse ṭhitako santo, paṭigaṇhi mahāyaso.
៩.
9.
‘‘វិត្តិសញ្ជននំ មយ្ហំ, ទិដ្ឋធម្មសុខាវហំ;
‘‘Vittisañjananaṃ mayhaṃ, diṭṭhadhammasukhāvahaṃ;
ផលំ ពុទ្ធស្ស ទត្វាន, វិប្បសន្នេន ចេតសា។
Phalaṃ buddhassa datvāna, vippasannena cetasā.
១០.
10.
‘‘អធិគច្ឆិំ តទា បីតិំ, វិបុលញ្ច សុខុត្តមំ;
‘‘Adhigacchiṃ tadā pītiṃ, vipulañca sukhuttamaṃ;
ឧប្បជ្ជតេវ រតនំ, និព្ពត្តស្ស តហិំ តហិំ។
Uppajjateva ratanaṃ, nibbattassa tahiṃ tahiṃ.
១១.
11.
‘‘ឯកនវុតិតោ កប្បេ, យំ ផលមទទិំ តទា;
‘‘Ekanavutito kappe, yaṃ phalamadadiṃ tadā;
ទុគ្គតិំ នាភិជានាមិ, ផលទានស្សិទំ ផលំ។
Duggatiṃ nābhijānāmi, phaladānassidaṃ phalaṃ.
១២.
12.
‘‘កិលេសា ឈាបិតា មយ្ហំ…បេ.… វិហរាមិ អនាសវោ។
‘‘Kilesā jhāpitā mayhaṃ…pe… viharāmi anāsavo.
១៣.
13.
‘‘ស្វាគតំ វត មេ អាសិ…បេ.… កតំ ពុទ្ធស្ស សាសនំ។
‘‘Svāgataṃ vata me āsi…pe… kataṃ buddhassa sāsanaṃ.
១៤.
14.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា លពុជទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā labujadāyako thero imā gāthāyo abhāsitthāti.
លពុជទាយកត្ថេរស្សាបទានំ ទុតិយំ។
Labujadāyakattherassāpadānaṃ dutiyaṃ.
