| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
19. குடஜபுப்பி²யவக்³கோ³
19. Kuṭajapupphiyavaggo
1. குடஜபுப்பி²யத்தே²ரஅபதா³னங்
1. Kuṭajapupphiyattheraapadānaṃ
1.
1.
‘‘ஸுவண்ணவண்ணங் ஸம்பு³த்³த⁴ங், ஸதரங்ஸிங்வ உக்³க³தங்;
‘‘Suvaṇṇavaṇṇaṃ sambuddhaṃ, sataraṃsiṃva uggataṃ;
தி³ஸங் அனுவிலோகெந்தங், க³ச்ச²ந்தங் அனிலஞ்ஜஸே.
Disaṃ anuvilokentaṃ, gacchantaṃ anilañjase.
2.
2.
‘‘குடஜங் புப்பி²தங் தி³ஸ்வா, ஸங்வித்த²தஸமொத்த²தங்;
‘‘Kuṭajaṃ pupphitaṃ disvā, saṃvitthatasamotthataṃ;
ருக்க²தோ ஓசினித்வான, பு²ஸ்ஸஸ்ஸ அபி⁴ரோபயிங்.
Rukkhato ocinitvāna, phussassa abhiropayiṃ.
3.
3.
‘‘த்³வேனவுதே இதோ கப்பே, யங் புப்ப²மபி⁴ரோபயிங்;
‘‘Dvenavute ito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, பு³த்³த⁴பூஜாயித³ங் ப²லங்.
Duggatiṃ nābhijānāmi, buddhapūjāyidaṃ phalaṃ.
4.
4.
‘‘இதோ ஸத்தரஸே கப்பே, தயோ ஆஸுங் ஸுபுப்பி²தா;
‘‘Ito sattarase kappe, tayo āsuṃ supupphitā;
ஸத்தரதனஸம்பன்னா, சக்கவத்தீ மஹப்³ப³லா.
Sattaratanasampannā, cakkavattī mahabbalā.
5.
5.
‘‘படிஸம்பி⁴தா³ சதஸ்ஸோ, விமொக்கா²பி ச அட்டி²மே;
‘‘Paṭisambhidā catasso, vimokkhāpi ca aṭṭhime;
ச²ளபி⁴ஞ்ஞா ஸச்சி²கதா, கதங் பு³த்³த⁴ஸ்ஸ ஸாஸனங்’’.
Chaḷabhiññā sacchikatā, kataṃ buddhassa sāsanaṃ’’.
இத்த²ங் ஸுத³ங் ஆயஸ்மா குடஜபுப்பி²யோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā kuṭajapupphiyo thero imā gāthāyo abhāsitthāti.
குடஜபுப்பி²யத்தே²ரஸ்ஸாபதா³னங் பட²மங்.
Kuṭajapupphiyattherassāpadānaṃ paṭhamaṃ.
