| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๒. กุสีตมูลกสุตฺตํ
12. Kusītamūlakasuttaṃ
๑๐๖. สาวตฺถิยํ วิหรติ…เป.… ‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ กุสีตา กุสีเตหิ สทฺธิํ สํสนฺทนฺติ สเมนฺติ; มุฎฺฐสฺสติโน มุฎฺฐสฺสตีหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปเญฺญหิ สทฺธิํ สํสนฺทนฺติ สเมนฺติ; อารทฺธวีริยา อารทฺธวีริเยหิ สทฺธิํ สํสนฺทนฺติ สเมนฺติ; อุปฎฺฐิตสฺสติโน อุปฎฺฐิตสฺสตีหิ สทฺธิํ สํสนฺทนฺติ สเมนฺติ; ปญฺญวโนฺต ปญฺญวเนฺตหิ สทฺธิํ สํสนฺทนฺติ สเมนฺตีติ…เป.…ฯ ทฺวาทสมํฯ
106. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Kusītā kusītehi saddhiṃ saṃsandanti samenti; muṭṭhassatino muṭṭhassatīhi saddhiṃ saṃsandanti samenti; duppaññā duppaññehi saddhiṃ saṃsandanti samenti; āraddhavīriyā āraddhavīriyehi saddhiṃ saṃsandanti samenti; upaṭṭhitassatino upaṭṭhitassatīhi saddhiṃ saṃsandanti samenti; paññavanto paññavantehi saddhiṃ saṃsandanti samentīti…pe…. Dvādasamaṃ.
ทุติโย วโคฺคฯ
Dutiyo vaggo.
ตสฺสุทฺทานํ –
Tassuddānaṃ –
สตฺติมา สนิทานญฺจ, คิญฺชกาวสเถน จ;
Sattimā sanidānañca, giñjakāvasathena ca;
หีนาธิมุตฺติ จงฺกมํ, สคาถา อสฺสทฺธสตฺตมํฯ
Hīnādhimutti caṅkamaṃ, sagāthā assaddhasattamaṃ.
อสฺสทฺธมูลกา ปญฺจ, จตฺตาโร อหิริกมูลกา;
Assaddhamūlakā pañca, cattāro ahirikamūlakā;
อโนตฺตปฺปมูลกา ตีณิ, ทุเว อปฺปสฺสุเตน จฯ
Anottappamūlakā tīṇi, duve appassutena ca.
กุสีตํ เอกกํ วุตฺตํ, สุตฺตนฺตา ตีณิ ปญฺจกา;
Kusītaṃ ekakaṃ vuttaṃ, suttantā tīṇi pañcakā;
พาวีสติ วุตฺตา สุตฺตา, ทุติโย วโคฺค ปวุจฺจตีติฯ
Bāvīsati vuttā suttā, dutiyo vaggo pavuccatīti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘-๑๒. อสฺสทฺธมูลกสุตฺตาทิวณฺณนา • 8-12. Assaddhamūlakasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘-๑๒. อสฺสทฺธมูลกสุตฺตาทิวณฺณนา • 8-12. Assaddhamūlakasuttādivaṇṇanā
