| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๓. กมฺมปถวโคฺค
3. Kammapathavaggo
๑. อสมาหิตสุตฺตํ
1. Asamāhitasuttaṃ
๑๐๗. สาวตฺถิยํ วิหรติ…เป.… ‘‘ธาตุโสว, ภิกฺขเว, สตฺตา สํสนฺทนฺติ สเมนฺติฯ อสฺสทฺธา อสฺสเทฺธหิ สทฺธิํ สํสนฺทนฺติ สเมนฺติ; อหิริกา อหิริเกหิ สทฺธิํ สํสนฺทนฺติ สเมนฺติ; อโนตฺตปฺปิโน อโนตฺตปฺปีหิ สทฺธิํ สํสนฺทนฺติ สเมนฺติ; อสมาหิตา อสมาหิเตหิ สทฺธิํ สํสนฺทนฺติ สเมนฺติ; ทุปฺปญฺญา ทุปฺปเญฺญหิ สทฺธิํ สํสนฺทนฺติ สเมนฺติ’’ฯ
107. Sāvatthiyaṃ viharati…pe… ‘‘dhātusova, bhikkhave, sattā saṃsandanti samenti. Assaddhā assaddhehi saddhiṃ saṃsandanti samenti; ahirikā ahirikehi saddhiṃ saṃsandanti samenti; anottappino anottappīhi saddhiṃ saṃsandanti samenti; asamāhitā asamāhitehi saddhiṃ saṃsandanti samenti; duppaññā duppaññehi saddhiṃ saṃsandanti samenti’’.
‘‘สทฺธา สเทฺธหิ สทฺธิํ สํสนฺทนฺติ สเมนฺติ; หิริมนา หิริมเนหิ สทฺธิํ สํสนฺทนฺติ สเมนฺติ; โอตฺตปฺปิโน โอตฺตปฺปีหิ สทฺธิํ สํสนฺทนฺติ สเมนฺติ; สมาหิตา สมาหิเตหิ สทฺธิํ สํสนฺทนฺติ สเมนฺติ; ปญฺญวโนฺต ปญฺญวเนฺตหิ สทฺธิํ สํสนฺทนฺติ สเมนฺตี’’ติฯ ปฐมํฯ
‘‘Saddhā saddhehi saddhiṃ saṃsandanti samenti; hirimanā hirimanehi saddhiṃ saṃsandanti samenti; ottappino ottappīhi saddhiṃ saṃsandanti samenti; samāhitā samāhitehi saddhiṃ saṃsandanti samenti; paññavanto paññavantehi saddhiṃ saṃsandanti samentī’’ti. Paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑-๒. อสมาหิตสุตฺตาทิวณฺณนา • 1-2. Asamāhitasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑-๒. อสมาหิตสุตฺตาทิวณฺณนา • 1-2. Asamāhitasuttādivaṇṇanā
